原來男同女係思想,行為同說話上,真係有好多差別,正正因為咁我地先會異性相吸......但當一下子ge熱愛消失,男同女就忘記左當初佢地相愛ge原因係因為大家ge有所不同,可以"離"補大家ge不足,當忘記之後,繼而不斷只有睇到對方ge缺點,錯誤同失敗,然後又不斷地批評,不斷嘗試去改變對方,一味只係想對方用自己ge思想同方法去面對同解決問題,對方唔肯讓步就死嗌到底,一係就單方面白白忍受,忍到自己都平衡唔到自己ge心情,就開始覺得辛苦,就諗唔番起當初對方ge好......愈諗愈差愈諗愈令愛變淡.......
*其實愛係冇得計較同衡量,係要大家都覺得為對方付出係心甘情願,唔好用自己付出去當做賭注,諗住可以嬴到d咩....亦唔可以用自己ge一套去強迫人地接受去follow,
*要記住就係因為我地有所不同,我地先可以互補不足,令大家進步一齊行到最後,
*所以先需要有溝通,明白對方同自己ge想法不同ge地方係邊,
*當知道邊度唔同後,唔係要去批評或者去改變對方想法,而係要嘗試去了解明白對方ge心情,就算唔明都唔可以批評或否定對方ge感受同睇法,因為始終大家係有唔同性格,唔同思想,
*再繼而去傾聽了解對方真正ge需要,再用自己最大ge努力去令對方開心,
*但係溝通,了解之前,要有坦承,包容,信任ge心,要識體諒同有耐性...要明白人唔係咁輕易去開放自己去同人分享真正內在ge自己,特別人大左,顧慮同戒心都多,有時又會怕傷到人,又會怕比人傷害,而唔敢真正去表達自己,
*所以身為身邊ge伴侶要有耐性+愛心去令對方有信心向你同向佢自己坦白,要識包容對方ge錯失,體諒同要明白人係冇完美ge,
*只要抱住呢d心態去對待對方,令大家會有更多安全感,更容易表達自己,明自己同對方....
*因為大家ge不同,所以當然會有意見不合ge時候,但都要記住,若想大家有長而穩定ge關係,想大家到開心舒服,就要一人讓一步,去搵一個大家都開心ge方法去解決,千萬唔好覺得要讓步要妥協,係委屈自己,辛苦自己,呢d負面想法係自私之如,仲否定左對方對你ge愛
*因為當大家相愛ge時候,你付出ge同時,你都一定要相信對方都係有付出,多與少係冇得比較同衡量,只要相信對方係愛你,就唔應該用負面想法去否定對方,因為會令對方覺得不被信任,令對方覺得不被認同
*有時我地會因為感情耐左,而忽略左去向對方表達愛意同關懷,因為耐左大家都覺得,好多野就算唔講,都應該會知,但始終唔係親口講,對方亦未必真正明白,誤會就因此而來,其實好多人都明白都知道,但做唔到,又有何用呢?
*先先可能只係忘記表達愛意,但耐左可能更會令大家之前建立ge信任同安全感都一齊慢慢消失,最後可能連自己當初愛上對方ge原因同感覺都消失,到時候再想補救都難,
*為左唔令自己會有後悔當時冇珍惜ge機會,一定要常常提醒自己有幾愛對方,對方ge優點同可愛之處,亦要透過甜言蜜語去讚美,認同,去肯定對方係被你愛著,咁做亦可提醒佢係有幾愛你.....
*亦要尊重對方,2個人一齊,好多事都應該先向對方交代,2人一同商量,先係尊重對方,亦盡量以對方ge感受做大前提,因為係已經唔係一個人,唔可以再自私,只諗自己感受,有左伴侶係應該要共同去清楚了解事情去向,再共同去解決,先係最好ge相處方式,咁係叫尊重,而唔係冇自由.....假若你真係只認為係冇自由,咁其實你只不過愛自己,如果真心愛一個人,你係會以佢ge感受為你思想,行動同解決ge首要條件,只要你信任對方係同樣愛你,你就唔會覺得呢d係一種委曲求全ge態度...... |