阿森：咪住！你點知我係黑翼，又知我同小海既野嫁？
亞明：阿豪佢地講既
阿森：咩話？！班衰仔原來一直都知！
亞明：佢地話喎，如果你地真係有緣一定會認返，繼而相愛，所以唔話你知
阿森：真係多謝晒佢地呀！搞到宜家咁多野先知！
亞明：你唔好唔記得我地之間既約定
阿森：我唔會咁奸嫁，公平競爭！
亞明：一言為定！
阿森：早抖！
亞明：早抖！（阿森走左）
亞明：嘩．．個傻仔咁好呃既．．嚇死我添．．好彩佢冇反對咋．．聽日搵埋佢地傾作戰計劃先（汗）
（第二日．．．．）
阿森：小海！小海！起身喇！（叩門）
阿豪：咦，阿森你仲係度既？
阿森：做咩事呀？
阿豪：亞明一早就叫醒小海，仲同小海出左去跑步喇
阿森：咩話？！去左邊跑呀？！
阿豪：沙灘掛
阿森：咁做咩唔叫醒我呀！（即刻跑出去）
阿豪：點解要叫醒你呀．．傻仔
阿天：阿豪早晨呀！（係房行出黎）
阿豪：早晨，計劃順利！
阿天：係呀？去到邊呀？
阿豪：計劃ｂ咋
阿天：都好呀，總好過我地之前咩都做唔到丫
阿豪：咁又係，真係多得亞明及時黎到
阿天：最好彩係佢又肯幫手
阿豪：不過我最擔心一樣野
阿天：咩呀？
阿豪：我怕亞明真係會鍾意左小海
阿天：我諗唔會掛．．．
阿豪：好難講．．佢竟然會為左小海去剪頭髮已經令我難相信．．
阿天：不如．．．同亞明傾下啦，如果唔係可能真係會出事喎．．
阿豪：遲ｄ先啦，睇定先講都市攻
阿天：是但你啦，今日放假去邊呀？
阿豪：冇呀，係屋企溫書囉
阿天：咁勤力呀？
阿豪：唔係有咩做丫
阿天：搵你既丹子囉．．．
阿豪：唔搵啦．．唔知點面對佢
阿天：做咩呀？出左事呀？
阿豪：唔係呀，唔知點講呀！
阿天：算喇，唔同你講喇，約左藍藍去海洋公園呀，走先
阿豪：拜拜
阿天：拜 |