[轉貼]msn的真人真事 (超好睇,我都睇到有D.....) - 白話小說

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:34 | 31樓 TOP 只看該作者

2004年11月15日

星期日同時也找不到她.究竟發生了什麼事呀?

"大家計晒題數未..?"數學老師大聲說著.
褲袋內的手提電話也震了一下

我在抽屜內偷偷把手提電話打開了
是Ruby的SMS

"我地分手啦!"

我感到十分驚訝...我想立刻打給她.可是現在是上課...
為什麼會這樣呢??

小息時.我走進男廁.打給她.
但是不通的

接下來的課.我也沒有留心聽書.心中在沉思著那SMS中.

放學後.我走到巴士站.看看Ruby有否在那裡.
只見數個同校的人在等巴士.卻不見她的蹤影.

我跑到她的學校.可是放學時間已過了.學生已走得七七八八了.

我獨自回家.
為何Ruby會send了這個SMS來呀??

晚上.我打給Ruby.還是不通的.
我打開了電腦.msn開了.icq還是開不到的

Ruby (離線)...

還沒有on...

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:34 | 32樓 TOP 只看該作者

2004年11月16日

這個早上.沒有Ruby陪著
這個下午.沒有Ruby 的飯盒
這個放學.也沒有Ruby在身旁

我獨自放學
巴士站上.我呆呆望著Ruby原來站著的地方.
旁邊的低form同學在嘻嘻哈哈.我的心情正好跟他們相反.

巴士來了.
我到了上層撰了位子坐下.可是旁邊的位子卻是冰冷的.

我如常打開了電腦.
原來Ruby一早on了!

我: Ruby...
Ruby: 我識錯左你!
我: 我唔知我做錯左咩激嬲左你...
Ruby: 你icq講過d咩你好清楚啦!!!!!

我在icq說過什麼?我明明就開不了icq...
我: 我冇開icq呀
Ruby: 總之我識錯左你!!!

她又off了.

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:34 | 33樓 TOP 只看該作者

2004年11月17日

這次不是我的錯了.我想是某些"電腦高手"在作怪吧.我曾想過是淇.但是她是文科班的.而她的樣子
像對電腦一無所知的.

小息時.我到canteen買蒸餾水.剛巧碰見淇了.
淇: 喂
我: 哦.hi
淇: 做咩無哩神氣咁樣呀? ( 表情: =] )

我想在我和Ruby之間從中作怪的可能是她.於是便試探她
我: 冇呀.我電腦個會考project有d問題.我諗緊之嘛
淇: 哦.講來聽下.我可能幫到你 ( 表情: =] )
我: 不如你lunch來搵我.我project係樓上喎
淇: 好丫

我買了水.便返到課室裡去

"各位同學再見.."
午飯的時間到了

我從書包拿出了貯了project的CD-rw.便出去找淇
淇: 去電腦室
我: 哦..

我們隔便揀了台電腦.把碟也塞進了電腦裡去.
我按了按project內某些複雜的自製程式.借故說出了問題.問她可否幫我看看
淇: 下...我唔識架 ( 表情: -_- )
淇: 阿sir.你識唔識呀? (她對住值日的老師說)

老師走近來.把圖也整得漂亮多了.但我想.多怪的不會是老師吧-_-!
午飯過後.淇的疑點也就解除了.她似乎真的對電腦一無所知.怎麼懂得盜取ICQ密碼呢?

我在出神地想著
旁邊的同學拍了拍我.
我: 哦?
同學: 老師叫你呀..

我: 哦! (我看著老師)
老師示意我回答.可是我連問題也不知.

同學: 電流既單位係咩呀?(他輕聲說)
我: A囉 (我回答老師)
老師: 嗯.留心D聽書

老師的法眼真厲害.
不過.到底是誰在我的ICQ中"搞事"呢?

放學回到家後.我嘗試打開ICQ.可是還是開不得的.
我在msn中看見Ruby on了

我: Ruby..
可是她沒有理睬我.off了.

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:35 | 34樓 TOP 只看該作者

2004年11月20日

我毫無頭緒.到底是誰在ICQ中冒充我.以致我和Ruby之間會弄成這樣子.

我這天硬著頭皮.無論Ruby家中有沒有人.我也要上一上去.向她說清楚的.

我按動了門鈴...鈴聲在空氣中迴盪.希望應門的是Ruby.而不是她的家人吧.

過了良久.門開了
Ruby探出頭來.她看見我.欲把門關上.我硬闖了進去.
Ruby: 你快D走啦!
我: icq果個真係唔係我來架...

Ruby沒有作聲.
Ruby: 你即係話... 你icq俾人偷左?
我: 係!
我: 我想知道我係icq到講咩d咩

Ruby拉著我的手進入了她的房間
她打開了電腦.桌面還是我和她的合照...

她按了按icq的history

Ruby ( 下午09時24分) : 咁快沖完涼既?
花生 ( 下午09時24分) : 係呀
Ruby ( 下午09時25分) : 做咩唔on msn?
花生 ( 下午09時25分) : 開icq同你chat都係一樣姐
Ruby ( 下午09時25分) : =]
花生 ( 下午09時26分) : Ruby呀...其實
Ruby ( 下午09時26分) : 嗯?=]
花生 ( 下午09時26分) : 我唔鍾意你....

我看到這裡.心內有些怒了.
我: 呢個人痴線!我根本無講過呢d野!!!
我看了看Ruby.她坐在旁邊看著我.我回了頭.繼續看螢幕了.

Ruby ( 下午09時27分) : ..........................
花生 ( 下午09時27分) : 我呃住你.對唔住呀
Ruby ( 下午09時27分) : ...................
花生 ( 下午09時28分) : 我想分手.唔想再呃你.
Ruby ( 下午09時28分) : 唔好
花生 ( 下午09時28分) : 我鍾意左第二個!!!
花生 ( 下午09時29分) : 佢係我新女友..

我: 佢之後send左相比你?
Ruby: 嗯
我: d相係邊?
Ruby按了按某個file.我便看到一大堆相片了.

我也被照片嚇呆了.相中人真的和我生得一模一樣!
Ruby: 你仲有冇說話好講?
我: 果個唔係我來...
我沉默了一陣子.又道.
我: 你睇佢d衣著.我唔會咁著

Ruby看著我.沒有作聲.
我又繼續看螢幕.

花生 ( 下午09時30分) : 你諗清楚啦.你唔介意可以唔分手.但係我照會同新女友一齊~
Ruby ( 下午09時31分) : ........................
花生 ( 下午09時31分) : 我off啦.係咁~

我看了這裡.心裡很憤怒.拍了電腦台一下.Ruby的文具也震落到地上
我看了看Ruby.她嚇得站了起來

我: 對唔住.嚇親你.但icq入面.同埋相入果個.唔係我來

但看Ruby的樣子仍不大相信.幸好她的電腦有改圖的軟件我唯有即時改一張圖.證明給她看了.
半小時後.我把"我"的相片中的"我"換成了另一人.Ruby看了也目瞪口呆.

我: 你而家信未?
Ruby: 對唔住ya.
我: 我而家就係諗緊究竟係邊個做...
Ruby: 會唔會係淇?
我: 唔知呀.你原諒我未 ( 表情: =] )
Ruby: 嗯! (她點了點頭)

她走到床邊.蹲下身子從抽屜拿出了我的迎頸巾來.
Ruby: 拿! ( 表情: =] )
她給我戴好.

我: 你屋企人會唔會突然返來架?
Ruby: 唔會啦.佢地同表哥返左大陸玩
我: 下.即係你今晚要一個人係屋企?
Ruby: 係ya.
我: 不如我地自己煮飯食囉?
Ruby: 嗯!! ( 表情: @﹏@ )

我戴著她的頸巾.和她到附近的市場買了很多菜回來
回來的時候已是三時許了.
我們在房中唱了一陣子的歌.便開始煮飯了

我向媽媽交代好.說今晚不回家吃飯.可能在同學家留宿

上次我們在我家的廚房弄至一塌糊塗.今次到Ruby的廚房了
由於Ruby只懂造簡單的菜.那些魚呀.豬肉什麼的.也都不懂什麼煮法

只好混了起來.加了些鼓油.鹽.弄熟了便捧出廳了.她說吃前要說這些話=.=.

Ruby: 老公.你放工返來啦
我: 係呀.老婆!煮左婆未呀?
Ruby: 煮左啦.坐低食飯啦

吃過飯.收拾好碗碟
Ruby: 我來收啦d野
我: 唔得.你隻手咁樣.我幫你洗碗 ( 表情: =] )
Ruby: 哦.唔該 ( 表情: =] )

Ruby說要去洗澡.我開了電視在看著.可是漸漸便睡著了.

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:35 | 35樓 TOP 只看該作者

2004年11月21日

我被窗外的麻雀叫聲吵醒了.身上披了張綿被.我起了來.原來Ruby在對面的沙發也睡著了.
我沒有吵醒她.

我走進廚房.這我一生人第一次的煎蛋.
我在雪櫃拿了數隻蛋.敲了敲.便把內裡的東東倒進平底鍋上去了.還加上些油.

我學著媽媽平時炒菜的樣子.拿著鏟子胡亂舞著.
最後.煎蛋弄好了.原來Ruby一直在廚房外看著我.

Ruby: 大廚.食得未呀?好餓 (她笑著說)
我: 食得嚕

我捧著煎蛋出廳外.和Ruby一起吃著.

Ruby: 屎屎呀
我: 嗯 ( 表情: =.= )
Ruby: 我地仲未知道邊個冒認你icq呀
我: 係喎.
Ruby: 不過冇野可以拆散我們兩個既.呵呵
我: sure

我們吃過早餐後.又走進房間裡去
我: 係喎.點解你識彈琴.但又唔見有琴既? ( 表情: =.= )
Ruby: 係床下面呀 (她拿了出來)
我: 不如你彈d首本名曲來聽下啦.哈哈...

悅耳的琴聲在房中繞著.
Ruby: 估下係咩歌? ( 表情: =] )
我: 夢中的婚禮 ( 表情: =D )

此時我才想起.淇也曾在音樂室奏過此歌給我聽.
Ruby: 係呀

我: Ruby呀 ( 表情: =] )
她停止了琴聲.
Ruby: 嗯? ( 表情: =] )
我: 其實點解你會揀我?
Ruby: 係一種感覺來囉 (她笑著說)
我: 哦..
Ruby: 我鍾意你.唔係因為外在既條件 ( 表情: =] )
我: 外在條件?
Ruby: 由第一眼見你開始.我覺得你係個好人!
我: 嗯..
Ruby: 由我第一次整親開始.你跌我.我覺得你係個好人! (她笑著說)
我: 哈 ( 表情: =D )
Ruby: 我鍾意既係你.唔係你既外貌.唔係你既金錢
我: 你講d野好有文有路 ( 表情: =.= )
Ruby: 哈哈.白痴

不知不覺.已是下午六時多了.
Ruby: 我屋企人就返啦 ( 表情: / . \ )
我: 嗯.咁我返屋企先啦
Ruby: 她打開了門.送我到樓下

我滿心歡喜回家了

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:35 | 36樓 TOP 只看該作者

2004年11月30日

天氣漸漸涼了.我戴著Ruby的頸巾上學.就如她一雙暖暖的手在保護我.免受寒風吹襲一樣.

下了車.便慢慢從巴士站步行往學校了.
在途中碰見xxx(同學B)

同學B: 早晨喎!
我: 早晨
同學B: 咦?溫暖牌頸巾喎! (她笑著說)
我: 嗯
同學B: 上次你漏左頸巾係canteen呀.我諗住叫你.你又走左去
我: 係呀...最後比我搵返
同學B: 係邊到搵返呀?
我: ..........垃圾桶
同學B: 下...邊個咁衰呀!! (她生氣地說著)
我: 唔使嬲啦.我女朋友而家都織左條比我呀 (我笑著說)
同學B: 其實你女朋友叫咩名架?
我: 佢英文名叫Ruby囉
同學B: 哦...

說話間.便到了學校大門了.
我: 我返課室啦
同學B: 嗯.拜拜

小息時.我和同學上廁所.
X君: 喂.去完你係出面等我 (他在叫著)
我: 哦

我椅在欄杆在看著球場上的低年級生在打球.
"下次你改圖改好d啦!d衫都唔岩"
"條八婆Ruby"

我聽到Ruby的名字.便留神聽起來了.聲音是在旁邊的女廁內傳出的
"妖.佢地整極都唔散.好煩"
"不如你唔好要佢啦.溝過件咪得囉!"
"我就係唔鍾意條八婆呀!"
"妖!搵人去特條八婆啦!"

"喂.夠鍾上堂啦.返入課室啦!"背後有人拍一拍我.原來是老師.
我唯有返到課室了.

我分辨不到剛才那些話是誰說的.廁所太空曠了
我想剛才的"Ruby"不是我的Ruby吧.

放學後.戴著Ruby的頸巾和手鏈.去巴士站找她了!=]
Ruby: 大蕃薯
我: 做咩我叫大蕃薯 ( 表情: =.= )
Ruby: 因為你而家似囉.卡卡
我: 你條頸巾好大條 ( 表情: -口- )
Ruby: 咁先warm呀!

我們到了旺角
她說買袋子.走到在兆萬中心附近的店子裡
Ruby: 呢個好唔好睇呀?
我: 咁鮮色 ( 表情: =.= )
Ruby: 呢個呢? (她拿起第二個袋說)
我: ok啦!買呢個啦 ( 表情: =] )
Ruby: 嗯.唔使你出錢!我自己買
我: 我買比你啦
Ruby: 都話唔使囉 (她有點生氣說)
我: okok ( 表情: =.= )
我看看價錢牌.差不多三百元.

步出了店子.
Ruby: 去食許留山.好冇呀? ( 表情: =] )
我: 嗯.好呀

我: 唔該要個多芒西米露丫 (我對著落單員說)
Ruby: 要多個丫 (她造了個v字手勢說著)

我們邊說笑邊吃著.
Ruby: 好臭呀 (她輕聲說)
我看看她身後.原來有人在吸煙了.

我: 不如走啦 (我輕聲說)
由於Ruby的氣管不是很好.我便拉著她令了款便走了

Ruby: 嘩.d煙臭到丫 (她按著心口說著)
我: 而家冇事就得啦 ( 表情: =] )

我們逛了逛.乘212回家

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:36 | 37樓 TOP 只看該作者

2004年12月2日

午飯時.我和同學出外午膳.

"靈感IQ稱得上.十分之高超..."
我看了看來電顯示.是Ruby呀

我走了出餐廳.接了電話
Ruby: 喂?
我: 咁好lunch打比我呀?
Ruby: 呵呵.我而家係toilet打比你架
我: 點呀?
Ruby: 今日到你來搵我呀
我: 嗯.我記得呀
Ruby: 你食緊野呀?
我: 嗯.不過野食未來囉
Ruby: 咁唔阻你食野啦.拜拜大蕃薯.
我: 拜拜low b

我走入餐廳
X君: 哈哈!同女朋友仔傾電話呀?
我笑了笑
我: 丫.咁醒目既
X君: 做左你咁耐friend.又點會唔知.哈哈

吃過午飯.慢慢步行到學校.遇見了淇和她的同學
同學A: 喂.咁岩既?
我: 哦.係呀

說了兩句.我們便離開了
X君: 你知唔知呀?
我: 你唔講我又點知呀 ( 表情: =.= )
X君: 咁呢D係開場白來架嘛
我: 講啦講啦
X君: 果個女仔鍾意你架喎(他指著淇說)
我: 你邊到聽返來架? ( 表情: =.= )
X君: 其實佢都好靚女丫.同你個Ruby不相伯仲喎!
我: 靚就鍾意架啦?!
X君: 車.咁你個Ruby夠靚啦!你又鍾意?
我: 總之我係鍾意Ruby既!你唔明架啦.呵呵 (我扮了個鬼臉說)

接著是兩節生物課.一節數學課.之後便是放學
"計埋呢題數先可以落堂"數學老師說著.

我以最快速度算好.並交予老師看.之後便衝出課室門口了

來到Ruby的校門了.我在遠處等著.她還沒有出來.
我走到學校大門對開的位置.希望她一出來便看到我吧.
可是等了良外.還沒有看到她

"死姣婆丫!"
"打鬼死你"
我聽到右邊的落斜樓梯有嘈吵聲!便好奇往下看.
只見兩個男的和四個女的在拍打什麼的.我便走下看了.原來她們圍著的是一個人!
我: 喂! (我大聲喝著)

他們看見我走近.便作鳥獸散了.
那人和Ruby的校服是一樣的.頭髮十分散亂.看不到樣子.
我走上前.問道:
我: 你冇野丫嘛.

她抬了頭.原來是Ruby.\__/.
她兩邊面頰被打到通紅了.本來已乾燥的手背卻流滿了血.校服沾了很多灰塵.本來扎好的髮式
也就散亂了.我看後怒不可遏!!!

她哭著.我扶起了她.走往附近的球場.找了張長椅和她坐下.在書包找了枝水給她沖洗手背的傷口
她沒有說話.只是在哭.

我: 班人係咪傻架!!!
我給她貼好膠布.抹了臉.
Ruby: 好彩冇整傷塊面咋.. (邊哭邊說著)
我: 我幫你扎好頭髮先啦.

個多小時後
Ruby也沒有哭了.
我: 下次我係你學校門口等你好唔好?
她點點頭同意.

我和她乘車回家了.

乘車途中.我又想起前幾天在女廁門外聽到的說話...
她們口中的Ruby.我曾經想這是淇和她的朋友幹的好事.但是我也不肯定女廁中的是她們呀.

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:36 | 38樓 TOP 只看該作者

2004年12月3日

Ruby被人打成這樣子.我感到很憤怒.
小息鍾聲一響起起.我便衝往4A班裡去

昨晚我思量著.我肯定找人教訓Ruby的.是淇那幫人做的

我怒氣沖沖地走著.旁人也嚇煞了.這也是我第一次爆發出來.
我推開了4A班大門!

我: xx淇同我出來!!!!

本來吵鬧的課室鴉雀無聲.
淇慢慢從中走出來.
淇: 做咩事? (她似乎很害怕)

我狠狠地瞪著她.若她不是女仔的話.恐怕的一早動粗了...
我: 係咪你做架?!
淇: 做咩?
我: 琴日放學你做過d咩!!!!
淇: 我要補課喎...

難道不是淇幹的嗎?我態度轉為溫和
我: 哦.
淇拉著我的手.走出走廊去
淇: 做咩岩先咁惡? (她扁著咀說.有幾分像Ruby的呢=.=)
我: 我女友琴日..比人打
淇: 於是你就以為係我做?! (她生氣地說)
我: 嗯.
淇: 你有冇搞錯呀!我點會做呢d事呀!!!

淇的同學也走了出來看
我: sor
同學A: 淇.佢做咩呀? (她問淇)
淇: 佢以為我搵人打佢女友呀! (她回答同學A)
同學A: 你有冇搞錯呀!查清楚件事先好來發脾四好喎!!
我: sor

我怪錯人了.可是上次廁所內的是誰呀.

放學後.我怕Ruby會再被人欺負.一早便到她學校門前等著了
看見她從大門走出來.她似乎有了陰影.一出來便左顧右盼.
我催前去認她

我: 喂.low b (我揮著手叫著)
Ruby: 哈哈! 肥蕃薯!
我: 隻手仲痛唔痛呀?
Ruby: 你話呢 ( 表情: / . \ )(她遞了手給我看)

我挽著她的手臂.綬綬走到巴士站.
我: 你餓唔餓呀?使唔使食個tea?
Ruby: 嗯!!好呀!!去吉野家丫!

下車後.
我們找到我們開始時的那張椅坐下
我: 你食咩呀?我幫你買丫?
Ruby: 細牛肉飯 (邊說邊遞來了紙幣)
我: 我買比你啦

Ruby又狠狠望著我.示意要她自己出錢
我: ok ( 表情: =.= )

我捧著兩個牛肉飯回來
我: 我餵你食啦.你隻手流血仲未好喎
Ruby: 呀 ( 表情: =口= )(話一說完.她便張大了口了)

我也很疚愧.保護不到Ruby.也查不到行事者是誰.雖然Ruby現在沒有事了.但心裡也有點難受.

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:37 | 39樓 TOP 只看該作者

2004年12月4日

Ruby昨晚說.今天要我到她的家陪她.

"叮噹叮噹"門鈴響起了.大門緩緩地開了.可是應門的不是Ruby.
我: 哎.對唔住.我禁錯左門鍾

此時聽見Ruby在裡面大笑."哈哈哈.好白痴呀你"
Ruby: 入來啦! (她在屋企叫著)

我怯怯地走進屋內.
我: 姨姨..

Ruby母親: 呢位就係我未來女婿牙? (她問Ruby.指著我笑道)
Ruby: 係呀.係咪相貌堂堂呢? ( 表情: ^O^ )
我只好苦笑的.

Ruby母親: 坐啦.做咩咁拘謹呢 (她示意我坐到Ruby旁)
Ruby: 怕咩喎.我媽咪好玩得架呢 (她一把拉著我坐下笑說)
我: 哦...

Ruby: 媽牙
Ruby母親: 嗯?
Ruby: 不如我地一齊玩囉 ( 表情: ^O^ )
Ruby母親: 好呀

看Ruby的母親的樣子和打扮.像是比我們大一兩年似的.她和Ruby像朋友一樣.
Ruby跑進房間.捧著一個盒子出來

原來是大富翁.她把棋板攤開了
Ruby: 玩啦玩啦.

期間.我也不知進了監獄多少次呢T_T.
Ruby是最後的大贏家.我和Ruby的媽媽也熟絡了許多了.

Ruby母親: x(我的名字)呀.不如留低食飯啦
Ruby: 好呀好呀!!
Ruby母親: 你係x(我的名字)咩? (她笑著向Ruby說)
我: 哦.好呀

Ruby: 媽牙
Ruby母親: 嗯?
Ruby: 我地落去買菜丫 (她拉著我的手說)
Ruby母親: 好呀 ( 表情: ^^ )

我們走到附近的超市.買了不少菜回來
回到Ruby的家
Ruby: 不如我地一齊煮囉!
Ruby母親: 好呀
我: 但你隻手.. (我指著Ruby的手)
Ruby: 唔緊要啦.一次半次 (已經好多次了=.=)

我們三人在廚房裡.當然.我和Ruby在裡面愈幫愈忙啦.

我們把煮好的飯菜捧到廳中.
Ruby: 我去拿碗筷! ( 表情: ^O^ )
我也跟了進廚房.
我: 你daddy呢?
Ruby: 佢好夜先返到屋企架.

吃過晚飯後.我便回家了=]

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:37 | 40樓 TOP 只看該作者

2004年12月5日

Ruby說今天我要留在家中.她要和家人去購物呢.
我待在家中.開了電腦.這可以除了手提電話外.這是唯一能跟外界聯絡的東西了.

"喔噢".是淇
淇: hi=]
我: hello
淇: 冇同女朋友出街呀?
我: 佢唔得閒
淇: 所以冇陪你呀?
我: 嗯..
淇: o.. 真慘慘呀.
我: ..................
淇: 不如我來陪你啦XDDDDD
我: ..................
淇: 講笑姐.唔係咁既...
我: .............哦
淇: 你女友冇野丫嘛??
我: 無事啦^_^!
淇: 哦..

淇send了一些琴譜過來.
我: 咦? d譜你係邊到搵架? 咁多既?
淇: 全部都係我寫架!!^.^
我: 嘩..咁犀利既!!
淇: 我幫你寫架!
我: 哈! thz喎
淇: 不如你而家拉比我聽丫!!
我: 嗯!好呀
淇: 開msn丫.用mic

我把眾多琴譜列印了出來.順道拿了小提琴出來.

我跟住琴譜.慢慢奏起來
期間.從揚聲器聽到另一邊廂傳來了琴聲.是伴奏吧

我一口氣拉奏整份琴譜.提琴聲一些.琴聲也就停了
淇: 好勁呀你!!>﹏<
我: d譜好正@.@!
淇: 呵呵!
淇: 係呢.你女友識唔識彈琴架?
我: 識呀..但級數應該比你低d
淇: 佢幾級呀?
我: 佢5級囉
淇: 哦..我8級
我: @O@!
我: 下次仲有譜記住sd比我喎!!
淇: 好呀好呀!>3<
淇: 你女友冇寫譜比你咩?
我: 唔知呀.唔知佢識唔識寫喎
淇: 佢唔識既話.我寫比你丫!
我: 哦..
淇: ^_^

我收好小提琴.把其掛回牆上.
我: 係喎.點解你學鋼琴.但又識寫小提琴譜既-_-?
淇: 我識轉囉~~
我: 哦..

我: 唔傾嚕.我食野
我關了電腦
跑到廚房.從雪櫃拿出了冰凍的波仔飯.放到微波爐裡叮.
後來卻忍不住了.拿了淇的琴譜又奏了多一篇.這日就是這樣子過了

‹‹ 上一主題 打印 下一主題 ›› [轉貼]msn的真人真事 (超好睇,我都睇到有D.....)

‹‹ 上一主題打印下一主題 ›› [轉貼]msn的真人真事 (超好睇,我都睇到有D.....)