[轉貼]msn的真人真事 (超好睇,我都睇到有D.....) - 白話小說

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:31 | 21樓 TOP 只看該作者

2004年10月5日

每次放學回到家.我都開了電腦.希望Ruby會online吧
每當螢幕右下方有msn網友on時.我也會特別注意.

等呀等呀... 下午6時23分.Ruby on了!

我: 對唔住呀...
Ruby: 對唔住係冇用
我: .................
Ruby: =]
我: .................
Ruby: 哈哈!!
我: =.=?
Ruby: 你好白痴呀!!!哈哈
我: @﹏@yaya!我是白痴仔一名
Ruby: 我見到你呢幾日係我屋企附近係咁行來行去
我: 我為左搵你...
Ruby: 算啦.我原諒你=]
我: 我想問..
Ruby: 嗯?
我: 你係咪仲鍾意我?
Ruby: 緊係啦!!!做咩咁問!!!!!
我: 哦...我見你同個男仔行街
Ruby: 你個死低B=_=!果個係我表哥來.佢係美國返來.佢買野比我咋!
我: =口="...
Ruby: 你唔信我?
我: 信...
Ruby: 呢張係我表哥同屋企人合照=] (send了張照片來)
我: ..............佢好高大
Ruby: 我屋企人唔比我拍拖架!!又點會同bf影相呀!!死傻佬! .\_/.
我: >o<sor呀.low b大人
Ruby: 為左懲罰你!兩碗電吞麵丫!!即送=]

我立即換了衣服.以最快速度買了兩碗麵.
"叮噹"我按了按門鍾.
Ruby打開了門

Ruby: 入來啦外賣佬 ( 表情: XD)
我: 小姐.你要既兩碗麵.
我: 你屋企冇人呀?
Ruby: 仲未返呀.佢地同表哥去左香港果邊買野.有排返
我: 哦

我走進她的房間.電腦螢幕上仍有我和她的msn訊息框.
Ruby: 出來食野啦.我好餓呀! (她在廳中叫著)
我: 哦.來緊

我和她打開麵蓋
Ruby: d雲吞我食唔晒咁多.比d你丫
我: 嗯.包著鼻涕的雲吞
Ruby: ( 表情: =.=)好冷...
我: 哈哈.. (昨夜我還錯怪了Ruby>_<)
我: 做咩前排搵唔到你架?
Ruby: 我未嬲完..唔比你搵到..呵呵
Ruby: 你唔好群果個淇呀!!我覺得佢成日整d野出來想我地散! ( 表情: .\_/. )
我: 哦...

吃完收拾好後
我: 嘩.咁多人搵你? ( 表情: -口- )(望著電腦說)
Ruby: icq來架.d人好煩.我次次冇應佢.卡卡
我: 咁你點解會add我 ( 表情: =] )
Ruby: 因為我知道我同你有緣.卡卡
我: 抵錫(我親了她一下)

看看鍾.八時許了.Ruby著我快回家.因為她的家人也就快回來.
心情十分好呢

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:31 | 22樓 TOP 只看該作者

2004年10月6日

整天也沒有碰見淇.

放學後.Ruby如常在巴士站等我.
Ruby: 老公!.陪我買木顏色!
我: 你都唔使咁大聲.周圍d人望著喇 ( 表情: =_= )
Ruby: 哈哈.行啦行啦

乘車到旺角.到了兆萬中心對面的中南書局看.她說貴.不能買.她也真為我銀包著想=.=
最後放棄了買木顏色筆.改了去吉野家吃東西-o-

Ruby: 行第二邊!
我: 做咩?
Ruby: 我班同學係果到.唔想比佢地知道呀
我: 哦

我們繞道而行.經過信和中心.再轉回入去.
Ruby: 好彩冇比佢地見到
我: ..................

今次到Ruby買食物了.
"唔該.要個牛肉飯丫!"Ruby說.
我: 玩餵野食嗎?( 表情: =.=" )
Ruby: 係呀.
我: 你叫少左份餐具
Ruby: 你怕我既口水尾?(她扁了咀說)
我: 唔怕! ( 表情: =] )
她笑了笑.

我們遊戲開始了.
就吃完了.卻發現附近的台子的人在大笑.我們細看之下.和Ruby同校的......
原來.她們偷拍了不少我們遊戲的照片.

Ruby走上前.
Ruby: 你班死野 ( 表情: .\_/. )
同學a: 哈哈..."你咀角有粒飯呀.我幫你抹抹丫" ( 表情: >3<)(正在模仿剛才Ruby的說話=.=)
同學b: 將d相send出去!!
同學c: 幾時識左男友都唔同我地講聲呀..哈哈

Ruby無言=.=.返了回來.
Ruby: 佢地係我d同學.比佢地激死啦...
我: .........佢地又會係到食野咁岩既..
Ruby: 唔理佢地.我們走嚕 ( 表情: -_- )

後來到了附近的商務印書館.陪Ruby看參考書.便一同回家了

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:31 | 23樓 TOP 只看該作者

2004年10月16日

這個星期.銀包很傷了.沒有閒錢空出來用
放學後.Ruby依舊在巴士站等我

她說要到上次尖沙咀的那間東東吃東西.
我: 我而家無咩錢... (餘下10元)
Ruby: 咁又點呀? ( 表情: =] )
我: 男友冇錢.咩都做唔到...
Ruby: 傻啦!我係鍾意你個人!唔係鍾意你d錢呀...
我: 但冇錢.咩都做唔到.而家想食餐野都食唔到
Ruby: 冇錢睇戲.冇錢食野.冇錢買野就係等於我唔鍾意你咩?! (她有點生氣)
我: ................
Ruby: 得啦.呢個世界唔係話一定要男友比錢架嘛. ( 表情: =] )
我: 哦... (感動中T_T)
Ruby: 今次要睇落.一陣又比人撞跌就慘 ( 表情: -_-)
我: 邊個撞跌我親愛既Ruby.我同佢死過 ( 表情: .\_/. )

我們乘車到了尖沙咀.又是牽住手.在大街少巷中穿插.嘻嘻哈哈.一會兒便到了.

吃完步出店時.Ruby顯得特別小心翼翼.動作十分惹笑.
我: 點會咁岩撞到呀?哈哈
Ruby: 我識左你到而家跌左兩次啦.好痛架 ( 表情: -_- )
我: 兩次都有我係到架呢
Ruby: 希望唔好有第三次

"只差一點點即以再會面..."是同學打來
....
....
"嗯.好啦.拜拜"我收了線
Ruby: 邊個?
我: 同學
Ruby: 做咩呀?
我: 冇呀.問我電腦d野之嘛
Ruby: 哦

Ruby: 好心你轉左首鈴聲佢啦 ( 表情: =口= )
我: 轉咩好?
Ruby: 要d新d既歌啦
我: 今晚轉 ( 表情: =] )

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:32 | 24樓 TOP 只看該作者

2004年11月1日

因為Ruby要面臨為時半個月的測驗.我們也沒有見面半個月了.平時只好靠msn和電話聯絡.

昨晚和Ruby約定好.今天放學她會來找我呢.

半個月沒有見面.放學鍾聲一響.我迫不及待衝往巴士站去
Ruby早早便到了.

我: low b.冇見半個月.瘦左好多 (搣著她的臉兒說著)
Ruby: 瘦得好恐怖咩? ( 表情: / . \ )
我: 唔係呀.瘦得好可愛呀 (表情: =D )
Ruby: 你合埋眼丫
我: 哦(合上了眼睛)

感到頸上披了什麼似的
Ruby: 打開眼丫

嘩.原來是頸巾呀.
我: 多謝low b呀 (親了她的臉一下>_<)
Ruby: 專登整白色比你架.等你返學同去街都有得戴! ( 表情: =] )
我: 就算唔岩學校規格我都會戴返學.呵呵
Ruby: 天氣未凍.你收返埋佢喇.而家戴好怪 ( 表情: =D )
我: 嗯 ( 表情: ^o^ )

Ruby: 我地太耐冇出過街了 ( 表情: =﹏= )
我: 去尖咀食個tea啦
Ruby: 嗯!

我們乘巴士到了海港城附近.
Ruby: 不如唔好食野.去睇戲囉 (手指著那巨形的海報 )
我: 嗯.好呀

我們買了戲票.大爆谷.走進了映室
Ruby: 好凍呀
我脫下了冷衫和拿出她織給我的頸巾.給她穿上和戴上
我: 而家有冇暖返d呀?
Ruby: 你唔凍咩?
我: 唔凍呀 (但真的有點凍=.=)
Ruby: 我隻手仲好凍... (邊說邊握實了我的手)
我: 而家唔凍架啦=]

戲也看完了.步出戲院
Ruby: 你隻手仲冰過我 ( 表情: -口- )
我: 係咩?但我好暖喎.
Ruby: 搭車返屋企啦..
我: 嗯

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:32 | 25樓 TOP 只看該作者

2004年11月2日

"靈感IQ稱得上.十分之高超..."Ruby一大早在六時便打來=.=
我: low b..做咩咁早呀?
Ruby: 一陣一齊返學呀.我有野比你呀

我起身梳洗好換上校服便打給Ruby.說要出門口了
Ruby: 嗯.你來我樓下等我丫

來到她的樓下.她還沒有來.等了會.一隻手從後拉著我.是Ruby呢.
我: 搞咩搞咁遲呢 ( 表情: -口- )
Ruby: 你的愛心午餐 (邊說邊遞起自製飯盒給我看)
我: 下..你好早起身整比我架?
Ruby: 當然啦 ( 表情: ^ v ^ )

午飯鍾聲響起了.我把保溫飯盒捧到canteen享用.
可是位子卻被人霸滿了.
"xxx(我的名字)"我朝聲音來源望去.是淇哦.

淇: 冇位坐?
我: 搵唔到位... (我苦笑著)
淇: 我呢到有位.你唔介意來坐丫 ( 表情: ^_^ )

台上坐滿她同班的同學.我坐在淇的旁邊
我拿出保溫飯盒.打開蓋子.香氣從蓋隙中逸出.是一個炒飯呢.有很多蟹柳.蝦米.魷魚和蛋呢
我滿心歡喜地吃著.

同學A: 咦?你盒飯好似好好味咁喎?
我: 嗯.我女朋友整比我架 ( 表情: ^O^ )
淇: 咁犀利呀?整煮餸.
我: 嗯 ( 表情: ^O^ )
同學A: 去買野飲先

我沒有理會.繼續品嚐著愛心飯盒.
吃著吃著.忽然一滿子可樂倒在飯盒中...

我憤怒地抬頭看.只見xxx (同學A)拿著可樂罐子
同學A: 對唔住呀!地下好滑.我先唔小心...
我: 得啦!唔使對唔住. (我很憤怒.邊把蓋子合上邊說.)
淇: 唔好嬲啦...
我: 我食完啦.我走啦!!! (我強忍怒氣.不想爆發出來)

上到課室(課室是禁止飲食的).我拿出飯盒來.看著倒滿可樂的飯盒.
Ruby一早起來.特地造給我的飯...

我很憤怒.

我想.不應該白費她的心血的!於是我用匙把可樂格出.繼續品嚐她的心血.雖然飯中帶有可樂味.
但也掩蓋不了原有的味道!

放學後.Ruby老早在巴士站
我: 今日個飯好好味呀 ( 表情: ^O^ )
Ruby: 你覺得好味就好啦!!哈哈 (我想今天可樂的事千萬不能告訴她)
我: 嗯.不如下次我整比你丫
Ruby: 你整識野食? ( 表情: =-= )
我: ( 表情: =.= ) er...
Ruby: 哈哈..你睇你個樣... 好搞笑
Ruby: 星期六來我屋企我教你整丫!
我: 嗯!!

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:32 | 26樓 TOP 只看該作者

2004年11月3日

今天為了愛心飯盒不會糟殃.
午飯時我把飯盒拿到球場上吃.

今天Ruby造了些米粉給我.有紅蘿蔔.蔥.豬肉等配料混好弄出來的至於是炒.或是什麼煮法.
我也不清楚了.

秋風沒有狼狼刮在我臉上.綬綬的秋風配合柔和的陽光映在樹蔭下.
吃著吃著.吃了條紙條出來呢=.=

"請在紙上評分"
我看了笑了笑.我拿了原子筆在紙上寫著
"101/100.下次唔好用鉛筆.唔係既話你老公會中毒而死的.^o^"
然後包好放入空空的飯盒中.

把飯盒妥放在抽屜.我便到球場上打球了
這種天氣打球實在太舒服了-口-

放學後.我跑到Ruby學校門口附近在等她.
Ruby慢慢走出校門.左顧右盼.我打電話給她

我: 望下你既右面
Ruby: 唔見你既...
我: 睇真d啦.好似枝竹咁架
Ruby: 見到啦!! (遠看她在跳著跳著說的=.=)
我: 你慢慢行來啦...

Ruby: 點呀?今日好唔好食呢? ( 表情: =] )
我: 超好食呀!!
Ruby: really?
我: yes!你煮咩我都鍾意食架啦 ( 表情: =] )
Ruby: 屎呢.卡卡卡卡 ( 表情: XD )
我: ( 表情: =.=||| )

Ruby捧著數本書.
Ruby: 我今日想去自修室溫溫書.你陪我呀..
我: 好呀 ( 表情: =] )

我們乘巴士.到達了自修室了.
Ruby從袋中拿出厚厚的notes.很恐怖
Ruby: 我有好多數唔識做呀...
我: 邊題唔識呀?

她翻開了maths text book.
指坐一道數
我詳細地解釋給她聽...
我: 明白嗎?
Ruby: 明晒.到下一題..

這樣子溫到七時多.
Ruby: 七點半啦.老公.走囉
我: 嗯.

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:33 | 27樓 TOP 只看該作者

2004年11月6日

雖然是周末.但我校好鬧鍾.在七時便起床了.
因為昨晚約定了Ruby.她今早會來我家教我煮東東呢!

"叮噹叮噹"
我防盜眼也沒看.便把門打開了.
Ruby走了進來.

Ruby: 你屋企有材料架可?
我: 緊係有啦.玩煮飯仔喎
Ruby: 但你唔可以好似平時d老公等食呢.要幫我手 (邊說邊拉著我手走進廚房)

我們在廚房內弄得翻天覆地.一塌糊塗.(其實是我弄成的才對)
幾經辛苦.終於做好了個小蛋糕了.

我們把它拿到廳中的飯桌上.一同品嚐著.
Ruby: 好似太甜咁...
我: 唔係丫.ok好味喎 ( 表情: =] )
Ruby: 你慢慢食.我入去幫你執野
我: 唔洗啦.我自己執得.你入我房玩啦

Ruby搖頭不肯.我推她進了房.我便到廚房收拾了.

Ruby: 咦?咩你電子琴架? (她在房中嚷著)
我: 係呀.你鍾意可以拎出來玩 (我在廚房回應她)

一陣琴聲由房中傳出來.是"好心好報"呢
我走進房間.拿出小提琴來.
Ruby: 合奏呀 ( 表情: =] )

一陣琴聲前奏.配合小提琴主音.即興版好心好報便製完了.
我們奏完一篇又一篇.沒有厭倦的感覺.
Ruby: 你執好野未架? ( 表情: =.= )
我: 執好啦
Ruby: 咁星期一你整蛋糕比我啦.呵呵
我: 好呀 ( 表情: =] )

爸媽也就回來了.我送Ruby回了家.
回來的時候.才發現Ruby的髮夾遺在床上.
星期一才給她吧=]

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:33 | 28樓 TOP 只看該作者

2004年11月8日

我拿著昨晚的心血... 朱古力蛋糕在Ruby樓下等著.
"屎屎"Ruby的聲音從右傳出.

我: 做咩叫我屎屎? ( 表情: =.=")
Ruby: 順口嘛.卡卡卡
我: 睇下個蛋糕丫! ( 表情: @﹏@ )

Ruby接過我的蛋糕.
Ruby: 嘩.整得幾靚喎! (她一把摟著我-__-又被眾人看著了)
我: 緊係啦.我琴晚花左幾多心血整呀
Ruby: 放學你先比我.我要同你一齊食呀!
我: 我拎返學校先?
Ruby: 係呀!!
我: 咁我放左學來搵你丫! ( 表情: =] )
Ruby: 唔好.你拎住蛋糕唔好周圍走.
我: 哦.咁而家去搭車囉.

我牽著她的手.感覺卻不大相同的
我: low b.做咩你隻手咁架?甩晒皮既?
Ruby: 天氣乾燥之嘛
我: 你隻手爆拆仲整野比我食 ( 表情: -_- )
Ruby: 唔緊要啦!又唔洗死既 ( 表情: =] )
我: ............

到了巴士站了.登上了車.
我: 有冇渣hand cream架你?
Ruby: 有呀
我: 咪啦.天氣咁冬.你唔好整野食住啦
Ruby: 嫌我既野唔好食? ( 表情: / . \ )
我: 唔係呀...
Ruby: 咁就得啦.總之我會整比你啦...

她從袋中拿出了保溫飯盒.遞給了我
Ruby: 放埋入蛋糕個袋到啦 ( 表情: =] )

她又睡著了.
七月時.她的手.是雪白而沒有紅腫的.
現在.她為了我.手掌都脫了皮.紅紅腫腫的.很心痛...

我拍拍她的手臂
我: 到啦.你要落車啦
Ruby: 嗯?哦...
我: 放學見啦 ( 表情: =] )
Ruby: 嗯!拜拜!

午飯時.我在canteen找到了空位坐了.
拿出Ruby的飯盒.一陣咖哩香味迫不及待擠了出來.很香呢...
我把朱古力蛋糕放桌上.專心品嚐Ruby的心血.

今天是咖哩豬扒飯呢.熱騰騰的蒸氣把周圍的空氣也暖化了.我不得不把Ruby織給我的頸巾除下.放在大腿上.
我盡量把盒內一飯一汁也吃乾淨.免得浪費Ruby的心血!她的手...

一陣吵雜的人聲忽然接近了
是淇的同學.

同學B: 咁寂寞一個人係到食呀?
我對她笑了一下.沒有作聲.繼續吃我的咖哩豬扒飯.
她坐在我的對面.我也沒有理會她.

吃過飯後.我便走回課室了
我拉開自己的椅子.什麼?我不是有東西拿著的嗎?
是那朱古力蛋糕和頸巾呀!!!!
我立刻跑回canteen裡.返回剛才吃飯的地方

可是.頸巾和朱古力蛋糕卻不見了!我左顧右盼.希望它們在附近.
我想起xxx(同學B)了.或許她知道它們的下落呢!
我走到二樓的4A班房!

淇: 咦?你來做咩呀?
我: 搵xxx(同學B)
淇: 佢唔係到喎...搵佢做咩事呀?
我: 咁冇野啦...拜拜

我一枝箭似又衝回canteen.可是卻被當值的老師攔住了.說快要上課不準再進入.
無可奈何下.我返回課室.我想.頸巾不見了...那是Ruby親手織的.

放學的鍾聲響起.我的心沉甸甸的.
我走回canteen.希望它們會出現吧

果然!它們在垃圾桶旁邊!!!
我興奮地拿起它們.
可是.蛋糕卻碎得不成樣子.
頸巾還穿了很多洞.沾了許多污蹟.
我差點兒便哭了出來.那是Ruby親手織的...

我綬綬地走到巴士站.看見Ruby在等著
Ruby: 做咩無晒精神呀?唔舒服?
我沒有作聲.拿了頸巾出來...
Ruby: 點解會咁架?!
我完完本本把事實說了出來.
Ruby: 算啦.頸巾我再織過比你啦 ( 表情: =] )
我摟著她
我: 對唔住呀!你隻手咁樣...我仲要你織...
Ruby: 織頸巾都唔痛既 ( 表情: =] )
我: 咁個蛋糕點呀?
Ruby: 唔要啦.你下次再整比我食囉.
我: 丫.係呀...你個髮夾呀.星期六你漏左係我屋企(把髮夾夾好在她頭上)

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:33 | 29樓 TOP 只看該作者

2004年11月12日

Ruby: 條頸巾我織好啦
我: 咁快??
Ruby: 係呀

在巴士上和Ruby聊著電話.因為她放學要補課.我獨自一人回家了.

我開了電腦
"噹叮噹".是Ruby add我

Ruby: 喂喂=]
我: 嗯?
Ruby: 知唔知今日係咩日子呢? =]

我邊想著.邊走到雪櫃拿了包維他奶來喝.
我: 我不知道呀=]
Ruby: 諗下啦
我: 唔知...
Ruby: =[
我胡亂作了答案.
我: 11月12號=.=
Ruby: 岩啦!@O@!
我: 我要睇條頸巾咩樣
Ruby: 好丫!開webcam睇

從螢幕看來.和從前的一條都是差不多樣子的.都是白色.不過比較寬闊了.
我: =]
Ruby: 聽日拎比你丫
我: 好呀

聊了一會兒.我說要洗澡.off了

期待著明天的頸巾=]

kai_子

中級會員
Rank: 3 Rank: 3

權天使

帖子

200

積分

409

金錢

199

發表於 06-8-10 13:34 | 30樓 TOP 只看該作者

2004年11月13日

Ruby昨晚說.今早會來我家.順道送我頸巾
可是.已經是十一時了.她說九時便會到.

我撥她的手提電話.撥不通的
我打開了電腦.開了msn.她沒有on

我打開了電視.邊等邊看吧
"嘟..嘟..嘟.."無線電視的午間新聞也開始了.怎麼她還沒到呢?

我直覺她有事發生.頭也沒整理便跑到街上找她了.
到了她的樓下.可是我不知道她家裡有沒有人.不敢走上去

我想.也許她有別的事要忙吧.便返回家中了
打開電腦.on了msn.但是icq不知怎樣說我的密碼錯誤.不能登入.

下午六時.
我再次打給她.還是打不通的

"叮噹"門鈴響了.我以為是Ruby.打開了門.
原來了媽媽.

‹‹ 上一主題 打印 下一主題 ›› [轉貼]msn的真人真事 (超好睇,我都睇到有D.....)

‹‹ 上一主題打印下一主題 ›› [轉貼]msn的真人真事 (超好睇,我都睇到有D.....)