第一章＊～踏入新校園
因為六年級果陣考試英文唔合格,所以被派到黎一間Band 3中學,阿媽知道就喊打喊殺話要
帶我番英國文化協會(對我黎講,呢達地方係監獄),為左唔番返呢達地方,我應成佢話會係呢
個學年內考好d成績,轉去間Band 1。
一踏入校門,百萬句粗口全部入晒耳,d老師都唔理既~聽完校長一大輪廢話後,終於上得班
房。我讀1A班,已係呢班垃圾中既精英班架喇~
坐我隔離既人係個女仔,都幾靚架!但係好少出聲,通常唔熟果d都唔會多同你講野架,換著同d
熟d既就會無所不談,我係全校唯一一個派黎呢間垃圾學校,無fd,我決定同佢做fd!
我:你好呀,我叫陳穎茵,做過fd好嗎?
佢:你好呀,我叫李詠其
我:咁我地以後係fd架喇喎!
其:好呀
Miss話要做中,英,數,電腦,家政既閱讀報告,一個禮拜內交,Band3都咁嚴?唔係呀化,擺明想比
個下馬威我地。
我:喂,其,不如一陣上圖書館借書?
其:唔喇,1C果個舊同學搵我傾計呀
我:咁好啦
上到圖書館,果度勁雜呀!似黑社會聚集處多過似圖書館,好多學生係到煲煙,噴到d煙周圍都
係,仲大霧過大帽山呀!d書架收埋左好多暴力漫畫同埋鹹書,我係需要用既書籍個架到每樣
求其拎一本,就速走。
因為手上太多書,我自己又好矮,d書又好厚,我都睇唔到路。突然cake到就成個跌低左,所有
書跌晒落地下。突然有一陣笑聲。由於我跌左係地上,望上去係一班好高既男仔。一個最高
既,又幾靚仔既,應該係呢班人既首領。
高人首領:哈哈哈,有人係到扮勤力喎,抵死
之後後面班跟尾狗就係到笑
我唔想生事,所以就無理佢,就咁一路執番地下d書。
高人首領:哎呀呀,係到扮cool呀,妹妹仔讀邊班呀?幾靚女喎!
我仲係無理佢。
高人首領:本少爺同你講緊野呀!出句聲啦,龍定啞架你?
我忍無可忍喇,我化悲憤為力量(唔係食量),跳起,打左佢隻眼一拳。
之後有好多人黎圍觀。
佢痛到跌左落地下,掩住隻眼,班跟尾狗就去睇佢。
我:哈哈哈,有人係到扮熊貓喎
高人2號:死0靚妹,係到講乜X野呀你,打我地霆少!未X死過呀
我:超!高人大晒呀,高人唔打得呀!我係未死過呀,如果唔係點會係到同你班腸粉講野呀!我話
你知呀,本小姐唔好蝦架!唔駛旨意恃住人高蝦人矮呀!哼!
高人3號:死0靚妹,你邊位呀,咁大膽係我地面前牙刷刷,你知唔知霆少係邊個呀!
我:本小姐姓陳名穎茵,讀1A,唔据可以黎搵我,至於你問我識唔識呢隻熊貓呀?佢叫安安或者
佳佳掛
係呢個時候,我感覺到後面有幾個好銳利既眼光射住我,但係呢個時候鐘聲已經響左,我就理
都無理班人同後面d銳利眼光,掂行掂過咁走番課室。
番到課室,我見到Miss好嬲咁坐係教師桌到,成班學生望住我,我諗住番位果陣,Miss突然好大
聲咁話
Miss:同我企係到!
我:下?
Miss:頭先你去左邊!?
我:去左圖書館囉
Miss:之後呢!?
我:係樓下囉
Miss:係樓下做左d咩呀!?
我:樓下!?我比人蝦呀Miss,一班好高既人圍埋蝦我同聊我呀
Miss,你快d去罰果班人啦!
Miss:人地蝦你?好似係你蝦人喎,你打到人地隻眼腫晒呀!
我:係佢聊我先架!
Miss:人地聊你就要打人架喇咩!?人地萬一要告你咁點算呀!
我:佢告得我入先算啦,先聊者賤呀!
Miss:你將會有一個大過,同我番屋企抄”我以後不再打人”一百次,聽日交!番埋位!
我好無奈呀,明明係人地唔岩,點解要我受罪呀! |