轉-你唔好發姣啦*`勁好睇 - 白話小說

linda~

金牌會員
Rank: 6 Rank: 6

權天使

帖子

245

積分

2805

金錢

2560

發表於 06-5-7 07:10 | 31樓 TOP 只看該作者

《第十六集〃Ｅｐｉｓｏｄｅ１６》
上集講到呀晴半夜紮醒左，發現傻Ｋｅｎ唔係隔離就起身睇下佢係邊，點知一開門竟然見到傻Ｋｅｎ係度喊！呀晴就好心急咁跑去傻Ｋｅｎ度．．．

呀晴︰「老公！你做咩喊呀！？發生咩事呀！！？？」

傻Ｋｅｎ︰「下！？我邊有喊呀，唔好講笑啦！」好明顯傻Ｋｅｎ係度扮野，唔想比呀晴知佢喊。

呀晴︰「你仲講大話，我明明見到你一路食煙一路喊架！究竟發生咩事姐？你返工之前都唔係咁既，返黎之後好似變左第二個人咁！」

傻Ｋｅｎ︰「老婆呀？我有Ｄ野想同你講‧‧‧」

呀晴︰「你講丫。」之後傻Ｋｅｎ就望住呀晴，個種眼神真係‧‧‧佢雙手就擺左係呀晴個博頭度，之後就話‧‧‧

傻Ｋｅｎ︰「無論以後發生咩事都好，我永遠都會係你身邊。仲有丫，你大個女架啦，唔可以咁易喊‧‧‧知唔知道丫？如果有一日我唔係度，咁邊個哄返你呢？我只係呢排返工有Ｄ問題姐，我會搞得惦架啦，我唔想你膽心先唔講姐。」

呀晴︰「真係既？咁點解你又講‧‧‧咩永遠都會係我身邊呀？」

傻Ｋｅｎ︰「乜你唔想我永遠都係你身邊咩？」

呀晴︰「緊係唔係啦！我唔可以無左你架！！」

傻Ｋｅｎ︰「傻女黎既，咁而家你唔洗驚啦？」

呀晴︰「你係講真先好丫，如果唔係打死你！」

傻Ｋｅｎ︰「我知你唔捨得既．．．」

呀晴︰「講下唔得架！？總知以後有Ｄ咩事，你都唔好收埋係個心度，要同我講呀！知唔知呀！？」

傻Ｋｅｎ︰「係既，老婆大人！」

呀晴︰「嗯。」呀晴就好自然咁訓左係傻Ｋｅｎ博頭度，合埋雙眼。而傻Ｋｅｎ就攬住呀晴坐係梳發度，過左幾秒之後‧‧‧

傻Ｋｅｎ︰「老婆呀？」

呀晴︰「做咩呀？」

傻Ｋｅｎ︰「我愛你。」

呀晴︰「我都愛你。」

唉‧‧‧睇見傻Ｋｅｎ咁樣真係慘，令願自己一個人承受都唔同呀晴講。究竟佢會點做呢？佢又會唔會去揾Ｋ仔呢？佢只係得一個禮拜既時間去決定揀邊個，定係佢兩個都會唔揀呢？傻Ｋｅｎ一直望住天花板係度諗應該點做，佢望住訓著左既呀晴，再望對面個幅佢同Ｋ仔影既相．．．Ｄ眼淚已經慢慢開始流落黎。大家真係唔好以為男仔唔會喊，只不過係佢地唔會係女仔面前喊姐！另一方面，Ｋ仔而家同Ｙｕｋｉ晚晚都落Ｄ，真係就黎死都唔知。

～《Ｄｉｓｃｏ》～
已經係凌晨四點鐘，Ｋ仔個場依然係爆滿晒人。過左無耐，Ｙｕｋｉ就落左黎‧‧‧

ｏ靚︰「呀嫂！落黎揾Ｋ哥呀？」

Ｙｕｋｉ︰「嗯，佢係邊呀？」

ｏ靚︰「Ｋ哥係果邊傾緊野。」

Ｙｕｋｉ︰「傾緊咩呀？」

ｏ靚︰「聽講好似係龍哥派左幾條ｏ靚過黎同Ｋ哥講數喎‧‧‧不過講咩我就唔係太清楚啦。」

Ｙｕｋｉ︰「龍哥？」

ｏ靚︰「係呀。」

Ｙｕｋｉ︰「得啦，你去做野先啦。」格左無耐，Ｋ仔果邊突然好嘈。

Ｋ仔︰「點撚樣唔好呀！！？講數就叫你大佬出黎同我講！派你地幾條蛋散落黎同我講當我係咩呀！？」

龍哥條ｏ靚︰「你話見龍哥就比你見呀！你咩ｃａｌｌｌｅｅ呀！？你以前咪又係跟龍哥！」

Ｋ仔︰「屌你老母！我出黎行個陣你仲係你呀媽個西兜度飲西水咋！！你家陣黎同我講野呀！！未撚夠班喎，ＤｅｅＤｅｅ！！家陣數呀講唔成架啦，醒目既就快Ｄ同我攔，想係我個場度搞事呀！？我Ｄ細既唔係好忍得手架咋！！」

龍哥條ｏ靚︰「好！你好野呀！我地走！！」佢地又係既，係搞事都唔好係敵人個場度搞事啦！都無腦既‧‧‧之後龍哥個四條ｏ靚就走，其中一個咁岩見到Ｙｕｋｉ。佢地走晒之後，Ｙｕｋｉ就過去Ｋ仔度問發生咩事。

Ｙｕｋｉ︰「老公。」

Ｋ仔︰「老婆！落左黎呀‧‧‧」

呀威︰「呀嫂。」呀威見到Ｙｕｋｉ緊係要叫聲呀嫂啦。

Ｙｕｋｉ︰「嗯。」

Ｋ仔︰「呀威，你去做野先啦。」

呀威︰「係既，Ｋ哥。」呀威行開左之後，Ｙｕｋｉ就坐底。

Ｙｕｋｉ︰「頭先個班係龍哥Ｄ人黎架？」

Ｋ仔︰「係呀！頂佢個肺叫幾條排骨仔落黎同我講數喎！戇尻既！」

Ｙｕｋｉ︰「係呢，咁佢地講咩呀？」

Ｋ仔︰「你咁想知做咩呀？」

Ｙｕｋｉ︰「下‧‧？無，都係問下姐。」

Ｋ仔︰「得架啦，我同呀威會搞惦。係喎，你今日唔係去睇醫生既咩？無事呀麻？」

Ｙｕｋｉ︰「Ｕｍｍｍ‧‧‧醫生‧‧‧話我有左。」

〃※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※

[IMG]http://www.thedollpage.com/photopost/data/4156/1010bb7.gif[/IMG] [IMG]http://www.thedollpage.com/photopost/data/4156/1010yas_.gif[/IMG] [IMG]http://img.photobucket.com/albums/v221/Pancakecake/fi2.gif[/IMG] [IMG]http://pixmixer.com/uploads/images/20051130/full_size/16142_544632477.gif[/IMG] [IMG]http://i43.photobucket.com/albums/e369/s5935/yurina_2132.jpg[/IMG]

linda~

金牌會員
Rank: 6 Rank: 6

權天使

帖子

245

積分

2805

金錢

2560

發表於 06-5-7 07:11 | 32樓 TOP 只看該作者

《第十七集〃Ｅｐｉｓｏｄｅ１７》
真係一波未平一波又起，傻Ｋｅｎ單野都未搞惦，而家又黎多個ＢＢ！而家點算好呢？Ｋ仔聽左之後都嚇左一跳‧‧‧

Ｋ仔︰「下！？你有左！？」

Ｙｕｋｉ︰「‧‧‧‧‧」無出聲ｄｕｐ低頭。

Ｋ仔︰「呀威！」

呀威︰「咩事呀？Ｋ哥？」好快咁跑過去Ｋ仔度。

Ｋ仔︰「我同呀嫂返上去先，呢度你睇住，有咩事ｃａｌｌ我。」

呀威︰「知道啦，Ｋ哥。」

Ｋ仔︰「返上去先講，行啦。」

Ｙｕｋｉ︰「嗯．．．」

～《Ｋ仔屋企》～
Ｋ仔︰「口唔口喝呀？針杯水你飲。」

Ｙｕｋｉ︰「唔洗啦‧‧‧」之後Ｋ仔就坐底攞左支煙出黎食。佢地兩個坐左係度粒聲都唔出，Ｋ仔就一路食煙，而Ｙｕｋｉ就ｄｕｐ晒頭咁，成間屋都變得好靜，就連呼吸聲都聽到。過左五分鐘之後，Ｙｕｋｉ終於出聲。

Ｙｕｋｉ︰「你係咪有野同我講呀？」Ｋ仔無應到Ｙｕｋｉ，仲坐係度發呆。

Ｙｕｋｉ︰「我問緊你野呀。」

Ｋ仔︰「不如生個ＢＢ落黎。」

Ｙｕｋｉ︰「下！？你講咩呀！！？」

Ｋ仔︰「我話，不如生個ＢＢ落黎呀。好唔好呀？？」Ｙｕｋｉ心諗無聽錯呀麻！生個ＢＢ落黎！

Ｙｕｋｉ︰「乜‧‧‧你唔係‧‧‧想‧‧‧唔要既咩？」

Ｋ仔︰「其實而家我又揾到，就算生個ＢＢ落黎我應該都養得起。個仔係我地兩個架麻，我地無理由殺左佢咁殘忍架。頭先我已經諗得好清楚，就決定生個ＢＢ落黎啦。」

Ｙｕｋｉ︰「你真係想生佢出黎？生仔唔係咁易架‧‧‧」

Ｋ仔︰「我知‧‧‧我知生仔係好辛苦，所以我都決定以後抽多Ｄ時間出黎陪你。Ｄ場既野我都會盡量交比呀威做架啦，咁我地兩個咪可以多Ｄ時間一齊，你又可以安心養胎囉。」

Ｙｕｋｉ︰「但係‧‧‧」

Ｋ仔︰「唔好但係啦‧‧‧你都唔想親手殺死自己個仔架？」

Ｙｕｋｉ︰「我‧‧‧我都唔知呀‧‧‧我好亂呀。我唔想咁後生做未婚媽媽呀‧‧‧」

Ｋ仔︰「哦！你就係膽心呢樣野咋麻！而家咩年代呀，唔一定結左婚先生得仔架麻‧‧‧你都識講我地仲後生啦，有咩可能咁快結婚姐？我知你而家係好亂架啦，遲Ｄ等你心情平伏返就會無事架啦。聽我講，唔好唔要個ＢＢ好無？」

Ｙｕｋｉ︰「‧‧‧既然係咁‧‧‧點話點好啦‧‧‧」

Ｋ仔︰「好啦！就咁決定啦！話是話，乜你唔係定時食藥既咩？」

Ｙｕｋｉ︰「咁‧‧‧食藥呢Ｄ野‧‧‧好難講架麻‧‧」

Ｋ仔︰「咁呀係，咁係仔定女呀？」

Ｙｕｋｉ︰「兩個月咋，點會咁快知既姐。」

Ｋ仔︰「哈哈！又係喎．．都唔知點解越諗越開心！」講講下Ｋ仔電話響。『為何還喜歡我，我這種無賴，是話你蠢還是很偉大．．？』（編者：電話鈴聲係鄭中基既無賴。）

Ｋ仔︰「喂？」

呀威︰「Ｋ哥，落一落黎呀．．．」

Ｋ仔︰「又咩事呀？我咪話左有咩事你搞惦佢啦，我唔得閒呀。」

呀威︰「唔係呀‧‧‧龍哥黎左呀。」

Ｋ仔︰「唔撚係呀！得啦，我而家落黎。」Ｃｕｔ左線。

Ｙｕｋｉ︰「有事呀？」

Ｋ仔︰「少事姐。我落一落去，你留係度啦，我好快上黎。」

Ｙｕｋｉ︰「真係唔洗我陪你？」

Ｋ仔︰「你而家粗身大細，唔好成日落Ｄ啦．．．等我啦，我搞惦返上黎。」

～《ＤＩＳＣＯ》～
呀威︰「Ｋ哥，果邊呀。」

Ｋ仔︰「龍哥！好耐無見啦喎，咩風吹你黎呀？」一路行去龍哥果邊一路大聲講。

龍哥︰「無，聽Ｄ細講話條數傾唔惦，咁話惦都咁耐無見‧‧‧咪順便落黎探下你囉。」

Ｋ仔︰「乜好心呀，要你龍哥親自過黎問候我．．．我點好意思呀。」

龍哥︰「唔好咁講，大家出得行既，要互相照應既。」

Ｋ仔︰「我非常同意龍哥既講法，出黎行既，點都要互相照應下大家既‧‧‧不過就要睇下邊個啦。好似龍哥你之前叫幾條二打六過黎同我講數，就真係好唔比面我啦。堂堂一個大佬竟然做縮頭烏龜唔敢出黎，比Ｄ細見到，自己都覺得唔好意思啦‧‧‧你話我講得岩唔岩先，龍哥？」

Ｋ仔真係好夠疆，句句都有刺，串到龍哥丫。龍哥Ｄｏ靚聽到都已經發晒爛渣，好似想開片咁，互相鬧對方。不過龍哥同Ｋ仔最冷靜，禁住班細，唔比佢地亂黎‧‧‧

Ｋ仔︰「龍哥，我諗你真係老啦，出黎行左咁耐‧‧‧都累架啦，係時候返去耕田架啦。我仲記得龍哥你以前教過我，你話對適人好就姐係對自己殘忍。我都係你身上學返黎架咋。」

龍哥聽完之後就笑左一笑‧‧‧
龍哥︰「好，都總算我無睇錯人。不過有時有Ｄ野‧‧你以為你明，其實你一Ｄ都唔明。你以為你知，其實乜都唔知。做人既野，最好就唔好不自量力，如果唔係．．．真係會害死人架。你係一個醒目仔黎既，不過有時太聰明，都唔係一件好事。」

Ｋ仔︰「我真係好多謝龍哥你今日又教多我一樣野，我一定會明記於心。」

龍哥︰「咁我祝你好運。」

就係咁，龍哥就同班ｏ靚走左。之後所有野都回複返正常，而Ｋ仔就啦啦臨返上去睇Ｙｕｋｉ。其實真係估唔到Ｋ仔竟然會想要個ＢＢ，通常發生呢Ｄ事，十個九個都會去落左去。但係Ｋ仔無選擇咁做，反而鼓勵Ｙｕｋｉ生個ＢＢ落黎，其實Ｋ仔個心脹跟本唔係壞，佢只係．．．．天真。話咁快，一日已經過左。今日傻Ｋｅｎ同平時一樣返工，不過心情就‧‧‧

～《Ｓｅｖｅｎ》～
同事︰「喂！傻Ｋｅｎ！！」

傻Ｋｅｎ︰「下！？咩事呀？」

同事︰「你搞咩呀？成日神不手捨咁既！頭先仲收錯錢，無事呀麻？」

傻Ｋｅｎ︰「無野，尋晚訓得唔好咋麻。」

同事︰「喂，係喎。聽老闆講尋晚好似有班古惑仔黎揾你喎‧‧‧無野呀麻？」

傻Ｋｅｎ︰「無‧‧‧傾閒計咋麻。」

同事︰「你都幾特別架波，同古惑仔傾閒計。」

傻Ｋｅｎ︰「唉！咪咁煩啦你，陣間收工同我地一齊食飯啦！」

同事︰「唔好啦，費事做電燈膽呀‧‧‧」

傻Ｋｅｎ︰「叫你黎就黎啦，又唔洗你請！」

同事︰「唔洗我請就唔客氣啦！」

傻Ｋｅｎ︰「順便介紹埋我老婆比你識，等你妒忌下都好。」

同事︰「晒命．．．」

～《茶餐廳》～
同事︰「你話請我食飯就係黎茶餐廳呀？」

傻Ｋｅｎ︰「咁你家陣係咪有咩意見丫？」

同事︰「哈哈！我無意見，你老婆咁耐都未黎既？」

傻Ｋｅｎ︰「咪行緊過黎囉。」呀晴好快咁跑過去傻Ｋｅｎ度。

呀晴︰「喂！唔好意思呀！遲左。」

傻Ｋｅｎ︰「唔緊要，實等你既。」

呀晴︰「咦？你同事呀？老公？」

傻Ｋｅｎ︰「係呀！唔記同你介紹添‧‧‧叫佢呀嵐。」

〃※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※

[IMG]http://www.thedollpage.com/photopost/data/4156/1010bb7.gif[/IMG] [IMG]http://www.thedollpage.com/photopost/data/4156/1010yas_.gif[/IMG] [IMG]http://img.photobucket.com/albums/v221/Pancakecake/fi2.gif[/IMG] [IMG]http://pixmixer.com/uploads/images/20051130/full_size/16142_544632477.gif[/IMG] [IMG]http://i43.photobucket.com/albums/e369/s5935/yurina_2132.jpg[/IMG]

linda~

金牌會員
Rank: 6 Rank: 6

權天使

帖子

245

積分

2805

金錢

2560

發表於 06-5-7 07:11 | 33樓 TOP 只看該作者

《第十八集〃Ｅｐｉｓｏｄｅ１８》
上集講到Ｋ仔同Ｙｕｋｉ決定生個ＢＢ落黎，都唔知應該可以話係好事定係壞事。之於傻Ｋｅｎ就一直無同任何人講關於龍哥件事，而時間已經好快咁過，只係淨返六日‧‧‧究竟傻Ｋｅｎ會點做？傻Ｋｅｎ岩岩介紹左呀嵐比呀晴識，呀嵐係同傻Ｋｅｎ一齊做野既，份人都幾好，係懶Ｄ姐。傻Ｋｅｎ見佢岩岩同條女散左，所以就叫埋佢一齊出黎食飯‧‧‧

呀嵐︰「哈佬。」

呀晴︰「哈佬，我叫呀晴。」

傻Ｋｅｎ︰「老婆，食咩？」

呀晴︰「你鐘意啦，我無所謂。」

呀嵐︰「唉，睇見你地兩個都眼冤。」

呀晴︰「哈哈！你無女朋友既咩？」

呀嵐︰「岩岩散左啦‧‧‧」

呀晴︰「唔好意思喎。」

傻Ｋｅｎ︰「洗咩唔好意思丫，佢都比女飛關。」

呀嵐︰「踩親你條狗尾呀。」

傻Ｋｅｎ︰「食野啦！」佢地三個有講有笑，唔知點解呀嵐好似代替左Ｋ仔咁，呀晴同傻Ｋｅｎ同佢真係好好傾。傾傾下都已經三點鐘‧‧‧

傻Ｋｅｎ︰「喂，去個廁所先。」

呀嵐︰「唔好諗住走左去唔比錢丫！」

呀晴︰「哈哈！我老公唔係Ｄ咁既人黎既。」

傻Ｋｅｎ︰「聽唔撚聽到呀‧‧」傻Ｋｅｎ之後就行開左。

呀嵐︰「你同傻Ｋｅｎ行左好耐架啦？」

呀晴︰「大半年到啦。」

呀嵐︰「個死仔都幾長情架喎。」

呀晴︰「你唔好比佢個樣呃左你呀，佢睇落就好似成日溝女個Ｄ款咁，但係其實佢對女朋友真係好好架！」

呀嵐︰「咁你咪有福囉‧‧‧」

呀晴︰「係架！係呢，聽我老公講話最近返工有Ｄ問題喎，係咪無事啦？」

呀嵐︰「有問題？有咩問題呀？」

呀晴︰「無咩？尋晚佢返黎好唔開心咁喎，仲話返工個度有Ｄ事。」

呀嵐︰「據我所知就無喎，不過今日傻Ｋｅｎ返工就真係有Ｄ唔妥！又執錯野，又找錯錢，成日都好似發緊夢咁。問佢有無事，佢淨係話尋晚訓得唔好。可能係尋晚班古惑仔掛‧‧‧」

呀晴︰「古惑仔！？」

呀嵐︰「係呀，老闆話尋晚傻Ｋｅｎ放工個陣見到有班古惑仔係門口同佢傾計，之後仲上左佢地架車。不過放心啦，傻Ｋｅｎ話傾下閒計咋麻，無野既。」

呀晴︰「哦‧‧‧咁無野啦。」

傻Ｋｅｎ︰「傾咩咁好傾呀！？」

呀晴︰「無呀，問緊呀嵐你返工有無偷懶丫！」

傻Ｋｅｎ︰「咁你真係問錯人啦，呢條友日日返工起馬都要訓返半粒鐘既！」

呀嵐︰「我屌你呀！埋單啦，講咁多野！」傻Ｋｅｎ埋完單之後，呀嵐就話要出去溝女，咁傻Ｋｅｎ就同呀晴返屋企。

～《傻Ｋｅｎ屋企》～
傻Ｋｅｎ︰「好累呀！」

呀晴︰「老公你累就訓陣先啦，做左成日野。」

傻Ｋｅｎ︰「我訓左你咪好悶？」

呀晴︰「你累就訓啦，洗乜陪我姐‧‧‧陣間我都出去。」

傻Ｋｅｎ︰「出去邊呀？」

呀晴︰「仲記唔記得以前返學果個竹高欣呀？佢約左我ｓｈｏｐｐｉｎｇ咋麻。」

傻Ｋｅｎ︰「哦，咁得啦。你自己小心Ｄ啦！有咩事打比我。」

呀晴︰「嗯，你訓啦。」

隔左無耐呀晴就出左去，點知去到個ｆｒｄ打黎話唔得閒，放飛機！咁呀晴諗住返屋企都無野做，所以就自己一個人行街燒磨下時間又諗下點解無端端會有班古惑仔揾傻Ｋｅｎ，點解傻Ｋｅｎ又唔同佢講。呀晴一路諗一路行，點知行行下撞到Ｋ仔同Ｙｕｋｉ，呀晴望一望隔離頭先佢地行出黎既地方，竟然係一間孕婦診所！

Ｋ仔︰「呀晴？」呀晴仲呆左咁望住個診所門口，格左一陣先醒。

呀晴︰「係呀，好耐無見。」

Ｋ仔︰「係啦，真係好耐無見啦。」

Ｙｕｋｉ︰「不如一齊飲野丫？」

呀晴︰「下？咁呀‧‧‧」

Ｋ仔︰「係囉，咁耐無見．．．傾下計囉。」

呀晴︰「咁好啦。」佢地三個就去左一間近近地既ｃｏｆｆｅｅｓｈｏｐ，呀晴都好少黎呢Ｄ呢地方飲野，通常唔係酒吧就照舊茶餐廳。真係估唔到Ｋ仔Ｄ品味高級左咁多‧‧‧

～《ＣｏｆｆｅｅＳｈｏｐ》～
呀晴︰「呢度Ｄ野好似好貴架喎‧‧‧」

Ｋ仔︰「最緊要好飲姐，我請得啦。」

呀晴︰「點好意思丫。」

Ｋ仔︰「傻啦！係呢，最近點呀？仲同緊傻Ｋｅｎ一齊丫？」

呀晴︰「係呀，我同傻Ｋｅｎ都好好。咁你地呢？」

Ｋ仔︰「你頭先都見到啦，Ｙｕｋｉ有左。」

呀晴︰「Ｙｕｋｉ真係有左呀！？咁你地打算要唔要呀？」

Ｋ仔︰「我地緊係要啦！此終都係我地個仔，唔忍心就咁落左去。」

呀晴︰「但係好辛苦架喎‧‧‧Ｙｕｋｉ你諗清楚架啦？」

Ｙｕｋｉ︰「其實初頭我都好似你咁諗，生佢出黎自己又無本事養起佢，都有諗過唔要架。不過話晒都係自己個仔，落左去會太殘忍啦。」

呀晴︰「養ＢＢ要好多錢架喎。」

Ｋ仔︰「錢既方面我地唔須要膽心，我地負擔得黎。」

呀晴︰「既然你地都決定左．．．咁我希望你生個肥肥白白既ＢＢ。」

Ｙｕｋｉ︰「多謝。」

Ｋ仔︰「係呢，傻Ｋｅｎ呢排做緊咩呀？」

呀晴︰「佢而家係ｓｅｖｅｎ度做，都係咁啦。」

Ｋ仔︰「哦‧‧‧都有成半年無見過佢。佢唔係同你一齊既？」

呀晴︰「佢收左工之後都好累架啦，所以而家係屋企訓緊。」

Ｋ仔︰「原來係咁‧‧‧係呀，我有Ｄ野想你幫幫手。」

呀晴︰「咩事呀？」

Ｋ仔︰「你知啦，而家Ｙｕｋｉ有左，所以好須要人照顧。咁但係我又要搞惦好晒Ｄ場既野先可以陪到佢，咁唔知你可唔可以得閒陪下Ｙｕｋｉ咁呀？佢成日都要服診，但係我又無咁多時間。仲有你知出黎行果Ｄ個個都係仔，想揾個女仔幫下手都無。咁我諗黎諗去都諗唔到邊個好，咁岩今日又撞到你，唔知你可唔可以幫幫手呀？」

Ｙｕｋｉ︰「其實唔洗架啦，我自己得架啦。」

Ｋ仔︰「咁有個女仔幫你此終都好Ｄ架麻。」

呀晴︰「Ｋ仔講得岩既，大左肚一唔少心既話就可大可少架啦。話惦我平時都無咩野做，我可以陪Ｙｕｋｉ服診既。」

Ｋ仔︰「真係唔該晒！」

呀晴︰「傻啦，ｆｒｄ黎架麻。」

Ｙｕｋｉ︰「唔該晒你呀，呀晴。」

呀晴︰「幫得就幫啦。都晏啦，我都返去先啦。有咩事，你打比我啦，Ｋ仔有我電話架啦。」

Ｙｕｋｉ︰「我會架啦，唔該晒。」

呀晴︰「又黎啦．．．好啦，走先啦。」

Ｋ仔+Ｙｕｋｉ︰「拜拜！」

～《傻Ｋｅｎ屋企》～
呀晴︰「咦？醒左啦你？」

傻Ｋｅｎ︰「醒左好耐啦。咦？少可喎，兩手空空返黎既？無買野呀？」

呀晴︰「無呀，個衰婆放我飛機。咁我見你又訓緊覺，咪自己一個行下囉，點知我撞到Ｋ仔同Ｙｕｋｉ。」

傻Ｋｅｎ︰「係咩？佢地點呀？」

呀晴︰「Ｙｕｋｉ有左呀。」

傻Ｋｅｎ︰「咩話！！！？？？」

呀晴︰「你咁大反應既？」

傻Ｋｅｎ︰「無，嚇親姐。咁佢地要唔要個ＢＢ呀？」

呀晴︰「佢地兩個都話要，Ｋ仔仲叫我如果得閒既話，陪下Ｙｕｋｉ喎。」

傻Ｋｅｎ︰「做咩要陪佢呀？」

呀晴︰「Ｋ仔話要搞惦晒Ｄ場Ｄ野先可以成日陪到Ｙｕｋｉ，咁我見我都無乜野做‧‧‧咪應承囉。不過話時話丫，Ｋ仔同Ｙｕｋｉ真係變左好多，好似成熟左咁，可能因為就黎做父母啦。」

傻Ｋｅｎ︰「唉，如果佢係成熟丫，就唔會咁啦。」

呀晴︰「點解你好似好唔開心咁既？」

傻Ｋｅｎ︰「唔係呀‧‧‧」

                                                   之後傻Ｋｅｎ電話突然響。
            『藉意問，明天的你空閒嗎愛情．．』（編者：電話鈴聲係李克勤既情非首爾。）
                                          佢睇睇個來電顯示﹏﹏﹏『龍哥』﹏﹏﹏

[IMG]http://www.thedollpage.com/photopost/data/4156/1010bb7.gif[/IMG] [IMG]http://www.thedollpage.com/photopost/data/4156/1010yas_.gif[/IMG] [IMG]http://img.photobucket.com/albums/v221/Pancakecake/fi2.gif[/IMG] [IMG]http://pixmixer.com/uploads/images/20051130/full_size/16142_544632477.gif[/IMG] [IMG]http://i43.photobucket.com/albums/e369/s5935/yurina_2132.jpg[/IMG]

linda~

金牌會員
Rank: 6 Rank: 6

權天使

帖子

245

積分

2805

金錢

2560

發表於 06-5-7 07:11 | 34樓 TOP 只看該作者

《第十九集〃Ｅｐｉｓｏｄｅ１９》
而家連傻Ｋｅｎ都知道Ｙｕｋｉ有左啦，件事變已經變得緊加嚴重！龍哥又突然打黎，傻Ｋｅｎ見到個來電顯示就行開一邊聽．．．

傻Ｋｅｎ︰「老婆呀，我有Ｄ事出一出去，你訓先啦。」

呀晴︰「係咪有咩事呀？」

傻Ｋｅｎ︰「無，呀嵐佢飲醉酒囉‧‧‧我去睇下佢姐。」

呀晴︰「咁你自己小心Ｄ啦，唔好咁夜啦。」

傻Ｋｅｎ︰「得架啦，係咁啦。」

～《ＤＩＳＣＯ》～
傻Ｋｅｎ一入到龍哥個場發現一個人都無，個場好靜，好似無開咁。隔左無耐，傻Ｋｅｎ就見到龍哥同佢Ｄ細行出黎‧‧‧

傻Ｋｅｎ︰「龍哥。」

龍哥︰「坐啦，唔洗咁生外喎。」

傻Ｋｅｎ︰「唔知龍哥你叫我黎咩事？」

龍哥︰「無‧‧想睇下你考慮成點姐。」

傻Ｋｅｎ︰「龍哥你可以放心，我一定會比個交代你。」

龍哥︰「我信你，只但係．．．我有少少唔放心姐。」

傻Ｋｅｎ︰「龍哥，你意思係？」

龍哥︰「峰，拖條友出黎。」龍哥之後就叫左呀峰拖條友出黎，傻Ｋｅｎ坐左係度都仲未知發生咩事。隔左幾秒之後，果個呀峰就帶住Ｄ細行出黎，傻Ｋｅｎ望一望，見到後面跟住呀峰Ｄ人拖緊一個比人打得好傷既人出黎。佢個款真係好似就黎死咁，成面都腫晒又流血，傻Ｋｅｎ見到都嚇左一跳！龍哥無啦啦拖佢出黎做乜？？？

龍哥︰「知唔知佢係邊個呀？」

傻Ｋｅｎ︰「唔知道‧‧‧」開始有Ｄ驚。

龍哥︰「呢條友跟左我一年，都幾做得野既，不過你知唔知佢衰咩？佢好做唔做走去做二五仔，我份人只討厭就係Ｄ出賣我既人，你話呢條友抵唔抵打？我咁講唔係驚你出賣我，比個膽你都唔敢啦。我只係想買個保險姐‧‧‧如果你而家可以懟林佢既話，我就真係可以百份百信你。」

唔係呀麻！龍哥要傻Ｋｅｎ搞惦條友先１００%信佢！！兩樣野跟本都扯唔埋既！傻Ｋｅｎ一聽到都已經嚇到標晒冷汗，佢連望住條友都已經覺得反胃，有咩可能懟林佢！傻Ｋｅｎ係咁震，一直都唔出聲，龍哥就望住佢等佢出手咁。

龍哥︰「做咩呀？唔敢呀？」

傻Ｋｅｎ︰「龍‧‧‧哥‧‧‧」

龍哥︰「你睇下你而家自己似咩？你連一個同你完全無關係既人都搞唔惦，我想問你有咩可能搞惦Ｋ仔呀？Ｋｅｎ哥，你真係唔好逼我搞呀嫂啦‧‧‧你快快脆搞惦去，咁大家咪平安無事囉。你需要既野已經係你面前，你只係要渣住佢，指住條友就搞惦架啦。唔好再晒我時間呢‧‧‧」

睇黎今次龍哥真係唔會放過傻Ｋｅｎ，佢係都要佢搞惦條友。傻Ｋｅｎ個心好亂好驚，唔做又驚呀晴會有事，做又唔可以！佢已經知道龍哥開始唔耐煩，佢心諗以前都見過死人架啦，只要搞惦佢呀晴就會無事。傻Ｋｅｎ望住臺上面支槍，佢慢慢咁向前，隻手一路震，Ｄ冷汗係咁流。佢終於拎起左支槍，隻手依然震得好勢利，佢慢慢咁起身行前果條友度，企左係度都有好幾分鐘，佢慢慢咁堤起支槍‧‧‧合埋雙眼‧‧‧隻手指好慢好慢咁拉落去‧‧‧‧‧‧‧

龍哥︰「好！！」龍哥好大聲咁叫，仲一路笑一路拍手掌，之係就行過去傻Ｋｅｎ度。傻Ｋｅｎ張開雙眼，覺得好奇怪點解頭先開槍無聲？？佢望住訓左係地下條友都仲未死！先只發覺支槍跟本就無子彈！！！傻Ｋｅｎ鬆左好大口氣，但依然好驚，隻手仲有Ｄ震。龍哥行到去，拍左傻Ｋｅｎ博頭一下，好開心咁。

龍哥︰「我真係估唔到你會開槍呀！！而家個傻Ｋｅｎ先係以前果個呀麻！！好！我信你！」

傻Ｋｅｎ︰「龍哥‧‧‧你信我就得啦。」傻Ｋｅｎ把聲已經好弱，成個都呆晒咁。

龍哥︰「睇下你，抹下Ｄ汗先啦，驚成咁。」

傻Ｋｅｎ︰「龍哥‧‧‧咁我而家可唔可以走呀？」

龍哥︰「緊係可以啦！！洗唔洗叫人車你返去！！？？？」

傻Ｋｅｎ︰「唔洗啦，龍哥。我自己得架啦．．．咁我走先。」

龍哥︰「好好好！得閒再ｃａｌｌ你呀！」

就係咁，傻Ｋｅｎ就慢慢咁行出去。佢成個都呆晒，諗緊如果支槍真係有子彈架話，佢已經殺左個人。佢係條街度行行下，睇都唔睇就過馬路，咁岩有架車衝緊埋黎！！！

呀嵐︰「喂！！！做乜撚野呀你！！？？」原來係呀嵐，佢好快咁拉返傻Ｋｅｎ埋黎，佢真係差Ｄ比車車死！

傻Ｋｅｎ︰「你呀‧‧」

呀嵐︰「你搞乜撚野呀！睇都唔睇就行既！想死呀！！？？」

傻Ｋｅｎ︰「得架啦，我無事。」

呀嵐︰「你耍我呀！之前返工都已經知你有野架啦，不過見你食飯個陣又無事咁，仲以為真係無事！而家！？好明顯你有野啦！真係當我白痴呀！？話時話你咁夜係度做咩呀？」

傻Ｋｅｎ︰「咁你咁夜又係度做咩？」

呀嵐︰「溝女囉！頂，我而家問緊你呀！」

傻Ｋｅｎ︰「得唔得閒呀？去飲野‧‧‧」

呀嵐︰「九唔搭八既你，是但啦。」

～《酒吧》～
傻Ｋｅｎ一坐底就攞支煙出黎食，粒聲都唔出。而呀嵐就望住佢，都唔知講乜好，謂有一路飲酒一路等傻Ｋｅｎ出聲，點知一聽到傻Ｋｅｎ講野，嚇到噴晒Ｄ酒出黎。

傻Ｋｅｎ︰「我頭先差Ｄ殺左人。」

呀嵐︰「咩話！！？唔係咁大擭呀麻‧‧‧」

傻Ｋｅｎ︰「我渣住支槍指住佢，我連望都唔敢望，淨係聽到條友係咁講求你放過我‧‧‧但係我理都無理，照開。」

呀嵐︰「你‧‧‧唔係‧‧‧真係咩呀麻‧‧‧？」呀嵐聽到傻Ｋｅｎ咁講已經驚驚地。

傻Ｋｅｎ︰「支槍無子彈。」

呀嵐︰「唉，比你嚇死！你係咪得罪左Ｄ黑社會呀？你無理由無啦啦去殺人架！肯定係佢地逼你啦！報警啦不如！？」傻Ｋｅｎ聽左之後笑左一笑。

呀嵐︰「笑咩呀你？」

傻Ｋｅｎ︰「報警？你知唔知報警係一件做得好錯既事？如果報警ｗｏｒｋ既，我兩年前已經報左‧‧‧」

呀嵐︰「兩年前？」

傻Ｋｅｎ︰「我有一個兄弟，我地一齊玩，一齊讀書，之後仲一齊出黎行。過左無耐，我地跟左個大佬，我地個陣以為好威啦，做古惑仔喎‧‧‧鐘意做乜就做乜，Ｄ人個個都驚你。得閒打下交咁，一係就係Ｄ度溝女，不知幾爽。個陣我真係好鐘意做古惑仔，又好玩，又有錢收。我地兩兄弟都諗住就咁過世‧‧‧但係直只到果日，我先發覺原來出黎行唔係我想像中咁。果日我兄弟同條友嘈起上黎，通常呢Ｄ場面都係打交收場架啦，我地都未打‧‧‧我地個大佬就行埋條友度，一野劈落去。條友訓左係度，Ｄ血含含聲咁流，我成個都呆晒‧‧‧佢劈一野都仲唔夠，我望住佢一路係咁劈落去，足足有十幾刀，果次係我第一次見到死人，仲要係死係我面前。真係好恐暴，但係我個兄弟反而一Ｄ事都無，你話佢係咪好怪？」

呀嵐︰「咁‧‧‧佢又真係幾冷血既。」

傻Ｋｅｎ︰「只從果次之後，我真係唔想再做古惑仔。我同我兄弟講‧‧‧不如唔好再做啦，就算唔讀書都是但揾份工做算啦。你知唔知佢同我講咩呀？佢同我講‧‧‧『你劈多幾次就會關架啦』，我個陣覺得佢真係好冷血，真係估唔到佢係Ｄ咁既人。而家係講劈人呀，會死架。但係原來係我怪錯佢，佢鐘意左大佬條女，佢為左可以同佢一齊，咩都做得出‧‧‧就連自己個大佬都夠膽去懟林。」

呀嵐︰「嘩，你兄弟都好夠疆喎。咁而家條女呢？」

傻Ｋｅｎ︰「死左啦‧‧‧」

呀嵐︰「哦‧‧‧」

傻Ｋｅｎ︰「喂，唔好意思。要你坐係度聽我發ＵＰ風。」

呀嵐︰「係咪ｆｒｄ先？係就唔好講埋呢Ｄ野．．．不過你唔講我都唔知原來你以前係古惑仔。」

傻Ｋｅｎ︰「我都唔知點解會同你講咁多野。」

呀嵐︰「乜你唔知既咩？通常有心事既人都會同Ｄ唔識或者識左唔耐既人講架麻。」

傻Ｋｅｎ︰「你又係邊度聽返黎呀？」

呀嵐︰「唔係聽喎，係睇電視睇返黎既。」傻Ｋｅｎ之後就笑左一笑。

呀嵐︰「笑下咪好囉！屌你頭先個樣真係幾得人驚呀！」

傻Ｋｅｎ︰「痴線。喂，今晚同你Ｄ野唔好同人講呀。」

呀嵐︰「得啦，放心。幾點呀而家？」傻Ｋｅｎ就望一望隻錶。

傻Ｋｅｎ︰「嘩，成四點幾架啦。」

呀嵐︰「時間真係過得快，陣間又要返工啦！」

傻Ｋｅｎ︰「係丫‧‧‧時間真係過得好快。」

〃※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※

[IMG]http://www.thedollpage.com/photopost/data/4156/1010bb7.gif[/IMG] [IMG]http://www.thedollpage.com/photopost/data/4156/1010yas_.gif[/IMG] [IMG]http://img.photobucket.com/albums/v221/Pancakecake/fi2.gif[/IMG] [IMG]http://pixmixer.com/uploads/images/20051130/full_size/16142_544632477.gif[/IMG] [IMG]http://i43.photobucket.com/albums/e369/s5935/yurina_2132.jpg[/IMG]

牙宜‵`

論壇元老（丫 YI）
Rank: 8 Rank: 8

認證會員

帖子

2993

積分

10835

金錢

7652

發表於 06-5-7 15:34 | 35樓 TOP 只看該作者

真係好好ｓｅｅ呀！＋油！！！！

請原諒我那麼執著

April﹏。

論壇元老（芷泳~*}}）
Rank: 8 Rank: 8

板主

帖子

2022

積分

5010

金錢

2308

發表於 06-5-7 22:21 | 36樓 TOP 只看該作者

好好睇ar,,十卜

linda~

金牌會員
Rank: 6 Rank: 6

權天使

帖子

245

積分

2805

金錢

2560

發表於 06-5-8 06:06 | 37樓 TOP 只看該作者

[QUOTE=芷泳~*}}]好好睇ar,,十卜[/QUOTE]
５５／＼／＼”

kiki_520

新手上路
Rank: 1

天使

帖子

9

積分

23

金錢

14

發表於 06-5-11 21:45 | 38樓 TOP 只看該作者

十卜＊

[IMG]http://img2.uploadimages.net/121953auv81e.gif[/IMG]

小女

金牌會員
Rank: 6 Rank: 6

權天使

帖子

132

積分

1012

金錢

840

發表於 06-5-13 14:59 | 39樓 TOP 只看該作者

講真．．．．
個古仔我係３男２女睇過～
人物唔同～一開始唔同．．但係知後係一樣既～
人物係：牙奈．．牙ｋａ．．牙Ｓａｍ同牙鋒．．．．．
個古仔係一早就有嫁ｌａ～．．．．
姐係冰個抄冰個？？

[FONT="Arial Black"][COLOR="Plum"] 最初結識你,,,希望融有你,,, 再次原諒你,,,傷心痛恨你,,, 绝望放棄你,,,由我再憎你,,, 慢慢忘記你,,,再次騙自己,,, 我不再愛你,,,最終輸給你,,, 只因我真的愛你!!!!!![/COLOR][/FONT] [COLOR="DeepSkyBlue"]↑↑↑↑↑↑↑↑ 我自己作嫁,,,,唔好抄我野,,,, 如果唔係..........[/COLOR]

‹‹ 上一主題 打印 下一主題 ›› 轉-你唔好發姣啦*`勁好睇

‹‹ 上一主題打印下一主題 ›› 轉-你唔好發姣啦*`勁好睇