轉-你唔好發姣啦*`勁好睇 - 白話小說

貓bi

高級會員
Rank: 4

權天使

帖子

151

積分

672

金錢

521

發表於 06-5-1 16:41 | 21樓 TOP 只看該作者

十卜十卜呀~

--° αr 怡
該用戶已被刪除

發表於 06-5-1 19:55 | 22樓 TOP 只看該作者

提示: 作者被禁止或刪除內容自動屏蔽

linda~

金牌會員
Rank: 6 Rank: 6

權天使

帖子

245

積分

2805

金錢

2560

發表於 06-5-1 20:08 | 23樓 TOP 只看該作者

《第十一集〃Ｅｐｉｓｏｄｅ１１》
上集講到原來Ｋ仔見到既‧‧係一張Ｙｕｋｉ同龍哥既合照。點解Ｙｕｋｉ會識佢地個大佬既呢？仲有Ｋ仔同Ｙｕｋｉ而家又算係咩關係呢？

～《茶餐廳》～
傻Ｋｅｎ︰「果件事跟本就係意外。」

Ｋ仔︰「意外！？如果唔係佢搵人捉翠珊，佢跟本唔會跑出馬路比車車死呀！」

傻Ｋｅｎ︰「其實都咁耐啦‧‧‧你仲記住丫？」

Ｋ仔︰「翠珊幾時死，點樣死，係邊到死．．．我呢世都唔會忙記囉。」

傻Ｋｅｎ︰「你既然仲記得，咁點解你又同條姣婆搞埋一齊呀？」好，問得好！

Ｋ仔︰「我‧‧‧我都唔知呀。同Ｙｕｋｉ一齊．．唔知點解我就會自自然然諗返起翠珊。」

傻Ｋｅｎ︰「唉．．我唔想你又行返以前條路咋。你話如果條姣婆同龍哥唔識既，我都無咁擔心丫。但係而家好明顯佢同龍哥係識架！用乜易佢係龍哥個條女，咁你地尋晚又．．．．唉！我到時都唔知點撚樣幫你。」

佢地越講越應真，難怪既．．一講起翠珊件事，Ｋ仔同傻Ｋｅｎ絕對唔會講笑。其實講起黎都已經係兩年前既事‧‧‧‧以前Ｋ仔同傻Ｋｅｎ出黎行個陣，佢地個大佬就係龍哥。Ｋ仔好做得野又好博，幫龍哥搵左唔少錢，所以龍哥好睇得起佢，好多野都比Ｋ仔話事。只不過，Ｋ仔竟然鐘意左龍哥條女．．佢就係翠珊。Ｋ仔知道翠珊跟本就唔鐘意龍哥，為左一齊，Ｋ仔決定同翠珊一齊走。走？邊有咁易呀？大佬條女喎，Ｄ細既見到都要叫聲呀嫂。不過當時Ｋ仔已經唔理得咁多，就係旺角某一條街，翠珊等緊Ｋ仔黎接佢既時候，比龍哥Ｄｏ靚追．．翠珊當然走啦，一衝出馬路．．．《碰！》一聲。好多好多血，翠珊訓左係地下，Ｋ仔趕到既時候已經太遲。翠珊死左之後，Ｋ仔決定要搵龍哥報仇！堂堂一個大佬，身邊咁多ｏ靚，話殺就殺咩！係咁易，佢晨早已經瓜老襯啦！傻Ｋｅｎ跟本就阻止唔到Ｋ仔，而且佢仲收到風話龍哥要斬Ｋ仔對手落黎，點解唔殺Ｋ仔？你估香港地殺人真係咁易咩．．唔好比Ｄ電視呃左你地呀。所以傻Ｋｅｎ為一可以做既就係求龍哥放過Ｋ仔，咁當然要負出代價啦！而呢一個真係好大既代價，傻Ｋｅｎ一直都無同Ｋ仔講，只係呀晴知道。傻Ｋｅｎ背脊條疤痕到而家都仲見到，唉！為左保住自己個兄弟，無計啦。

Ｋ仔︰「唔會咁岩既，可能ｆｒｄ黎既姐。」

傻Ｋｅｎ︰「痴媽根既你都！又唔撚見我同李家成做ｆｒｄ！而家唔好理咁多，最緊要既就係同條姣婆講清楚先。」

Ｋ仔︰「講清楚咩呀？」

傻Ｋｅｎ︰「唔洗我教啦麻‧‧緊係同佢斷絕關係啦！」

Ｋ仔︰「做咩無啦啦要同佢斷絕關係呀！？我唔係Ｄ咁唔負責任人黎架喎。」

傻Ｋｅｎ︰「你明唔明呀？而家已經唔再係負唔負責任既問題啦。若果有乜事佢走去同龍哥講，佢可以話你搞佢又得、強姦佢又得。到時我睇怕你以後都無機會再坐係度嘆茶呀，唔好為左條識左都唔夠一個月既女搞到自己無路行啦。」

Ｋ仔︰「你咁樣講法，如果Ｙｕｋｉ真係龍哥條女既話．．咁我又聽你講同佢斷絕關係，佢咪一樣會同龍哥講。等我搞清楚成件事先啦，好唔好？」

傻Ｋｅｎ︰「你既然講到咁，我仲有咩好講姐。仲知我唔該你有咩事都唔好亂黎呀，我唔想無左個兄弟咋。」

Ｋ仔︰「放心啦，或者件事唔係我地諗得咁壞呢。你都係快Ｄ返上去搵肥婆啦．．唔係又以為你溝女呀。」

傻Ｋｅｎ︰「我洗溝女！Ｄ女自動飛埋黎啦！！」傻Ｋｅｎ講完無耐，呀晴就打黎啦。

『藉意問，明天的你空閒嗎愛情．．』（編者：電話鈴聲係李克勤既情非首爾。）
Ｋ仔︰「哈哈！咁都比肥婆聽到！」

傻Ｋｅｎ︰「仆街啦你！」之後就聽電話。

呀晴︰「老公，你係樓下搞咩呀？」

傻Ｋｅｎ︰「無．．我而家上黎架啦。」

呀晴︰「神神秘秘咁。好啦，快Ｄ返上黎啦。」收左線。

Ｋ仔︰「返上去啦．．張單我埋啦。」

傻Ｋｅｎ︰「緊係你埋啦！我都無叫野！」

Ｋ仔︰「哈哈！你個死仔丫。走啦！」

～《傻Ｋｅｎ屋企》～
傻Ｋｅｎ︰「老婆，返黎啦。」周圍咁搵呀晴，但係唔見人。

傻Ｋｅｎ︰「咦？去左邊呀‧‧？」

見個廳無人就行入廚房搵下，都唔見人。傻Ｋｅｎ開始覺得有Ｄ唔妥，由茶餐廳返上樓都係幾分鐘到咋麻！唔會咁快出左去架，不過就算呀晴出去都會同佢講聲啦。而家傻Ｋｅｎ只係淨間房未搵，佢慢慢行過去．．個心都有Ｄ驚，佢一推開對門．．．．

傻Ｋｅｎ︰「老婆！！！」傻Ｋｅｎ見到呀晴訓左係張床到好似完全無反應，就即刻跑埋去。

呀晴︰「嘩！老公你嚇死人咩！！」原來呀晴無事，嚇到傻Ｋｅｎ丫。

傻Ｋｅｎ︰「你搞乜野呀！？頭先我返黎叫你又唔應．．廳同廚房又無人喎，幾驚你有事呀！」

呀晴︰「聽緊ＭＰ３呀麻．．咁又有少少累，咪訓陣囉。」

傻Ｋｅｎ︰「真係比你嚇死呀。」

呀晴︰「唔好嬲啦老公．．錫返你。」

〃※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※

[IMG]http://www.thedollpage.com/photopost/data/4156/1010bb7.gif[/IMG] [IMG]http://www.thedollpage.com/photopost/data/4156/1010yas_.gif[/IMG] [IMG]http://img.photobucket.com/albums/v221/Pancakecake/fi2.gif[/IMG] [IMG]http://pixmixer.com/uploads/images/20051130/full_size/16142_544632477.gif[/IMG] [IMG]http://i43.photobucket.com/albums/e369/s5935/yurina_2132.jpg[/IMG]

linda~

金牌會員
Rank: 6 Rank: 6

權天使

帖子

245

積分

2805

金錢

2560

發表於 06-5-1 20:09 | 24樓 TOP 只看該作者

《第十二集〃Ｅｐｉｓｏｄｅ１２》
上集講到Ｋ仔諗住查清楚究竟Ｙｕｋｉ同龍哥係咩關係，如果Ｙｕｋｉ真係龍哥條女既話，若不是咪會案件重演！比龍哥知道自己條女比人搞既話，唉！今日係星期六，傻Ｋｅｎ同呀晴就緊係去拍拖啦，佢地係ＴｉｍｅＳｑｕａｒｅ行緊既時候‧‧‧

～《時代商場》～
呀晴︰「老公！你睇下對面，係唔係Ｙｕｋｉ呀？」

傻Ｋｅｎ︰「好似係喎．．．」傻Ｋｅｎ再望一望竟然仲見到‧‧‧！！

呀晴︰「龍哥呀！！」

呀晴︰「Ｙｕｋｉ識得龍哥既咩！？」

呀晴即刻望住傻Ｋｅｎ問，但係傻Ｋｅｎ個樣完全唔覺得驚訝，好似一早就已經知道左咁。佢地見到Ｙｕｋｉ同龍哥好親蜜，龍哥隻手就搭住Ｙｕｋｉ個膊頭度，行幾步又咀下佢咁，後面仲有幾個ｏ靚跟住添。唉～事實真係已經擺在眼前啦，咁樣都話無野，我真係唔信囉。既然Ｙｕｋｉ係龍哥條女，點解佢又同Ｋ仔上床？唔通佢真係唔怕死？

呀晴︰「喂！呆晒咁做咩姐！？」

傻Ｋｅｎ︰「下？無野呀。」

呀晴︰「你講，你係咪有野瞞住我？」呀晴見到傻Ｋｅｎ九唔答八就已經知道有Ｄ野，話晒都係由細識到大，所以傻Ｋｅｎ有乜動靜，呀晴都一眼睇得出！

傻Ｋｅｎ︰「下？有咩瞞住你呀？唔好亂諗野。」傻Ｋｅｎ真係完全唔識講大話，佢一路講對眼就周為咁望，諗住咁樣就可以呃到呀晴？ＮｏＷａｙ啦‧‧‧

呀晴︰「咁我地分手啦，你有野都唔同我講，都唔當我係你老婆黎既。」哈哈！呀晴次次都出呢招黎逼傻Ｋｅｎ講野，不過傻Ｋｅｎ次次都比呀晴哄到。就係咁，傻Ｋｅｎ就一五一十講晒比呀晴知。

呀晴︰「下！！Ｋ仔同Ｙｕｋｉ扑過野黎！！佢癲撚左呀！？」

傻Ｋｅｎ︰「我同佢講過架啦，佢話知點做喎。」

呀晴︰「知！？知條撚呀佢！明知Ｙｕｋｉ識得龍哥都仲咩既！！佢係唔係嫌衰唔夠呀！？」呀晴真係好激動，又難怪既。佢知道傻Ｋｅｎ好為得Ｋ仔呢個兄弟，所以好驚又會好似兩年前咁比龍哥劈。況且呀晴而家仲係傻Ｋｅｎ個老婆添，如果傻Ｋｅｎ又咩事‧‧‧實心痛死呀晴呀！

傻Ｋｅｎ︰「唔好咁嬲啦，應該無事既。」

呀晴︰「無事！？佢而家搞左個大頭佛出黎呀！遲早有一日龍哥實知架！我唔想你到時又為左保住個兄弟比人劈多野呀！！」

傻Ｋｅｎ︰「傻豬黎既，唔好喊。原來老婆咁擔心我架喎，我真係開心。」

呀晴︰「呢個時候你仲講笑‧‧‧我喊都係為左你咋。」

傻Ｋｅｎ︰「放心啦，我唔會有事架。最多我發誓，如果我做Ｄ令你傷心既事，我就．．．不得好死！」

呀晴︰「傻左呀你！唔準你講埋呢Ｄ野呀！」

傻Ｋｅｎ︰「咁你快Ｄ抹乾Ｄ眼淚啦．．．唔係陣間Ｄ人以為我拐帶你呀！」

呀晴︰「嗯！」

傻Ｋｅｎ︰「咁先係我既乖老婆呀麻！點呀？仲想行邊度呀？」

呀晴︰「唔行啦，無心情呀．．．返屋企啦。」

另一方面，龍哥同Ｙｕｋｉ就係商場到食野，行過Ｄ人都會望一望佢地。點解？可能係因為龍哥身邊Ｄｏ靚既衣著掛，佢地差唔多個個都係金毛既，為獨是最話得事既龍哥睇落最正經。所以話有時睇人真係唔可以睇外表，染晒金毛個Ｄ分分鐘個個都係無料，反而最私文個Ｄ就真係嚇你一驚。

龍哥︰「最近返學點呀？」

Ｙｕｋｉ︰「幾好丫。」

龍哥︰「聽講你好受Ｄ仔歡迎喎。」

Ｙｕｋｉ︰「你呷醋呀？」

龍哥︰「我叫得你同第二條仔搞野，你估我會呷醋咩？」

Ｙｕｋｉ︰「仲好講，如果唔係為左你丫．．．我洗同佢搞。」

龍哥︰「咁最多今晚同你玩返夠本啦。得未呀？」

Ｙｕｋｉ︰「其實我都唔明，你搞咁多野做咩姐？Ｋ仔佢地都少理個場啦，遲早埋咪又係我地。」

龍哥︰「你知唔知個區係最旺架，如果當初唔係我信撚錯佢‧‧‧比左個場佢睇，而家就唔洗搞到我無生意啦！」

Ｙｕｋｉ︰「你堂堂一個大佬，你要既野有邊個可以阻止得到呀？你咪攞返個場黎睇囉。」

龍哥︰「所以話你無腦真係無腦，知唔知咩叫差佬呀？你估黑社會真係做乜都得架？仲知以後我叫你做乜就做乜，唔好咁多野講，唔好以為自己做到少少野就懶叻咁。聽唔聽到呀？」

Ｙｕｋｉ︰「知道啦。」

龍哥︰「你走先啦，我仲有野要做。」

Ｙｕｋｉ︰「哦‧‧咁你小心Ｄ啦。」

真係估唔到原來所有野都係一個局！！龍哥跟本一早就知道Ｙｕｋｉ同Ｋ仔單野，仲要係龍哥叫Ｙｕｋｉ咁做既添！呢個Ｙｕｋｉ真係毒囉，Ｋ仔對佢一條心，佢就咁樣黎害Ｋ仔！佢對唔對得住自己個良心架！？睇黎呢個Ｙｕｋｉ真係好鐘意龍哥，同第二條仔搞野，佢都肯既！Ｙｕｋｉ走左之後，龍哥就叫佢左呀威坐底。無錯，就係上次係Ｄ到係咁叫Ｋ仔做Ｋ哥果個呀威，呢條二五仔竟然食豌麵反豌底！仲往果日Ｋ仔話唔會虧待佢！！！

呀威︰「龍哥，條女真係咩都聽你講喎。」

龍哥︰「哈哈！乜你唔知女人係最蠢既動物黎既咩？」

呀威︰「龍哥你真係好野，又可以報仇，又可以搶返個場。我服左你！」

龍哥︰「其實你都幫左我唔少，邊個做得野我睇到既。比心機啦！」

呀威︰「都係多得龍哥你睇得起我姐，以前我跟Ｋ哥都無你對我咁好呀。」

龍哥︰「仲知以後有錢就齊齊搵啦！！黎，飲杯。」

～龍哥～

[IMG]http://www.thedollpage.com/photopost/data/4156/1010bb7.gif[/IMG] [IMG]http://www.thedollpage.com/photopost/data/4156/1010yas_.gif[/IMG] [IMG]http://img.photobucket.com/albums/v221/Pancakecake/fi2.gif[/IMG] [IMG]http://pixmixer.com/uploads/images/20051130/full_size/16142_544632477.gif[/IMG] [IMG]http://i43.photobucket.com/albums/e369/s5935/yurina_2132.jpg[/IMG]

linda~

金牌會員
Rank: 6 Rank: 6

權天使

帖子

245

積分

2805

金錢

2560

發表於 06-5-1 20:09 | 25樓 TOP 只看該作者

《第十三集〃Ｅｐｉｓｏｄｅ１３》
上集先知道原來龍哥同Ｙｕｋｉ其實係夾埋黎害Ｋ仔，只不過Ｙｕｋｉ跟本就唔知道龍哥係利用緊佢。唉，呢Ｄ咪反賤囉，好既唔要走去揀個壞既。最慘就係Ｋ仔，令願唔聽傻Ｋｅｎ既說話都信晒Ｙｕｋｉ！唔通愛情真係有咁大魔力？今晚傻Ｋｅｎ同呀晴返行緊屋企既時後，係躡口到撞到Ｋ仔，呀晴一見到Ｋ仔已經有少少嬲。

傻Ｋｅｎ：「老婆，陣間唔好亂講野丫。」一路行一路同呀晴細細聲講，但係呀晴無應到。

Ｋ仔︰「喂！咁岩既，又拍完拖返黎呀？」呀晴望都無望Ｋ仔，直頭唔彩佢。

傻Ｋｅｎ：「緊係啦‧‧‧咁野去邊呀你？」

Ｋ仔︰「無，約左Ｙｕｋｉ食野咋麻。」

呀晴︰「咁就快Ｄ啦，陣間有人偷食就唔好啦。」呀晴一聽到Ｋ仔話約左Ｙｕｋｉ，條氣真係好唔順，成頂綠帽粒到上頭都仲唔知，呀晴就串下Ｋ仔。

Ｋ仔︰「咩呀？都唔知你ｕｐ乜。」傻Ｋｅｎ岩岩想出聲但係又比呀晴插嘴。

呀晴︰「你緊係唔知我ｕｐ乜啦，你有邊樣野係知既姐。」

Ｋ仔︰「做乜撚野呀你？Ｍ到呀？」

傻Ｋｅｎ：「一人少句啦，Ｋ仔你行啦。我地返上去先，返黎先ｃａｌｌ我啦。」

Ｋ仔︰「得啦，得啦。」

傻Ｋｅｎ：「喂！唔好玩到咁夜呀，聽日仲要拜翠珊姐呀。」

Ｋ仔︰「我緊係知啦，唔同你講啦，今晚返黎ｃａｌｌ你啦！！」

～《傻Ｋｅｎ屋企》～
一返到屋企，呀晴就嬲霸霸返左入房，傻Ｋｅｎ都唔知點好‧‧‧不過點都會哄返呀晴既，咁佢就入左房。

傻Ｋｅｎ：「唔好咁啦，老婆。」

呀晴︰「真係越諗越嬲呀！成頂綠帽由頭粒到落腳指尾啦佢！！」

傻Ｋｅｎ：「佢遲Ｄ會明架啦。」

呀晴︰「遲Ｄ！？遲Ｄ我真係唔知到時你比人劈死左未呀！？老公呀，頭先點解你唔話比佢知今日我地見過Ｙｕｋｉ姐！？」

傻Ｋｅｎ：「話比佢知都要佢信先得架，而家佢真係當正條姣婆係翠珊姐咁。或者遲Ｄ佢自己會明呢‧‧我可以講都已經講晒，聽唔聽係由佢自己選擇囉。」

呀晴︰「妖！我無眼睇呀！話是話喎，聽日係翠珊姐既死忌，你估Ｋ仔會唔會帶埋Ｙｕｋｉ黎呀啦？」

傻Ｋｅｎ：「應該唔會既，Ｙｕｋｉ同翠珊姐又三唔識七，況且Ｋ仔不嬲都好著緊呢一日。」

呀晴︰「望就係咁望啦！我費事翠珊姐眼冤咋！」

另一方面，Ｋ仔同Ｙｕｋｉ食完野之後就落左Ｄ到玩。果條二五仔呀威一見到Ｋ仔入黎就擦晒鞋咁，Ｋ哥前Ｋ哥後。
呀威︰「Ｋ哥！咁得閒又落黎呀！」

Ｋ仔︰「係呀．．呢排個場點呀？」

呀威︰「真頭旺到仆街啦！！十點已經爆場啦！！」

Ｋ仔︰「嗯，做得好丫。」

呀威︰「多謝Ｋ哥。」正一係擦晒鞋仔！

Ｋ仔︰「得啦，你去做野啦。」

呀威︰「係既Ｋ哥，有咩事叫我啦。」

Ｙｕｋｉ︰「嘩，你好鬼死型呀！Ｋ哥前Ｋ哥後，個個都咁比面你！」

Ｋ仔︰「好型咩？通常十個八個都係見人講人話，見鬼講鬼話架啦。不過我信得過呀威，話晒都跟左我咁耐。」

Ｙｕｋｉ︰「哦．．喂！我地去跳舞囉！？」

Ｋ仔︰「好呀！」

就係咁，佢地足足跳左成粒鐘，跳到爆支力既時候，就坐左係梳發到又劈酒又ｈｉｇｈ野‧‧‧同而家所謂既年青人一樣。不過點都要話聲比大家聽，食呢Ｄ野無益架！
Ｙｕｋｉ︰「咦‧‧‧好衰架你！偷偷地落多粒係我杯野到．．」Ｙｕｋｉ真係好爆，隻手又係咁ｆｉｎｇ都唔知做乜。

Ｋ仔︰「你咪又係一樣．．．」話晒Ｋ仔都係男仔，佢都仲有少少清醒。

Ｙｕｋｉ︰「喂‧‧‧你覺得我靚唔靚姐？」扒左係Ｋ仔身到好姣咁問。

Ｋ仔︰「靚‧‧‧緊係靚啦‧‧」

Ｙｕｋｉ聽左之後笑左一笑就話‧‧‧「咁你愛唔愛我姐‧‧‧？」

Ｋ仔︰「愛‧‧‧緊係愛啦‧‧」

Ｙｕｋｉ︰「我都係，呀龍。」Ｙｕｋｉ爆細聲講完之後就訓左係Ｋ仔身到，而Ｋ仔都已經頂唔順攬住Ｙｕｋｉ訓左係梳發到。到左第二朝早Ｋ仔醒左之後都已經係十點幾，佢起左身之後發覺Ｙｕｋｉ走左，佢周圍咁望睇‧‧‧但係除左Ｄ人係到清理緊個場，想搵個人識都無。佢浮下浮下咁行出門口再睇下隻錶‧‧‧‧

Ｋ仔︰「仆街！！！！！」機本上Ｋ仔望都唔望就跑出馬路接的士趕去憤場。每一年Ｋ仔永遠都會係第一個到，從來都唔會遲到，但係今年．．．．唉。

～《憤場門口》～
呀晴︰「有無搞錯呀佢，十一點都黎啦。」

傻Ｋｅｎ：「個死仔搞咩呀？電話又唔開，唔好等啦‧‧我地上去先啦。」

呀晴︰「老公。翠珊姐幅相污造左呀，你落去買包紙巾上黎呀。」

傻Ｋｅｎ：「哦，好呀。」呀晴襯傻Ｋｅｎ唔係度就望住翠珊幅相‧‧‧

呀晴︰「翠珊姐，唔知你而家係邊度呢？不過你生前咁好人，我諗一定上左天堂。你在天有靈，一定要保由傻Ｋｅｎ無事呀，我真係唔可以無左佢架！」

傻Ｋｅｎ：「老婆，紙巾呀。」

呀晴︰「唔該老公。」

傻Ｋｅｎ：「你頭先同邊個講野呀？」

呀晴︰「下，無呀。快Ｄ拜完翠珊姐走啦，我好肚餓呀。」

傻Ｋｅｎ：「嗯，好啦。」

～《茶餐廳》～
傻Ｋｅｎ同呀晴拜完翠珊姐之後就返去屋企樓下個茶餐廳食野，呀晴一坐底就叫左碟乾抄牛河同杯凍奶茶。傻Ｋｅｎ就淨係叫左杯凍寧樂，之後點著支煙。Ｄ野黎齊之後，呀晴博命咁食‧‧‧睇黎佢真係好肚餓。不過傻Ｋｅｎ一路都無出聲，濟食煙。

呀晴︰「老公，你無野呀麻？」

傻Ｋｅｎ：「無野呀。睇下你，食得個嘴角都有啦。」

呀晴︰「老公呀‧‧‧你仲記唔記得我地三個以前日日都落黎食早餐，之後就一齊返學呀？」

傻Ｋｅｎ：「記得，最遲果個永遠都係Ｋ仔呀麻。」

呀晴︰「你話如果時間可以返轉頭‧‧‧你話幾好呀呵？」

傻Ｋｅｎ：「唔好咁啦。」傻Ｋｅｎ輕輕拍左呀晴一下，望一望個門口．．．見到Ｋ仔入左黎。

〃※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※

[IMG]http://www.thedollpage.com/photopost/data/4156/1010bb7.gif[/IMG] [IMG]http://www.thedollpage.com/photopost/data/4156/1010yas_.gif[/IMG] [IMG]http://img.photobucket.com/albums/v221/Pancakecake/fi2.gif[/IMG] [IMG]http://pixmixer.com/uploads/images/20051130/full_size/16142_544632477.gif[/IMG] [IMG]http://i43.photobucket.com/albums/e369/s5935/yurina_2132.jpg[/IMG]

狼仔

論壇元老
Rank: 8 Rank: 8

力天使

帖子

571

積分

3190

金錢

2539

發表於 06-5-1 23:57 | 26樓 TOP 只看該作者

有相嫁= =?
d相係唔係真係佢黎嫁=-=
有d仲咁熟面口= =""

linda~

金牌會員
Rank: 6 Rank: 6

權天使

帖子

245

積分

2805

金錢

2560

發表於 06-5-4 12:43 | 27樓 TOP 只看該作者

[QUOTE=狼仔]有相嫁= =?
d相係唔係真係佢黎嫁=-=
有d仲咁熟面口= =""[/QUOTE]
問返個原作者

linda~

金牌會員
Rank: 6 Rank: 6

權天使

帖子

245

積分

2805

金錢

2560

發表於 06-5-4 12:47 | 28樓 TOP 只看該作者

《第十四集〃Ｅｐｉｓｏｄｅ１４》
上集講到傻Ｋｅｎ同呀晴拜完翠珊之後，就去左茶餐廳度食野，點知食食下傻Ｋｅｎ就見到Ｋ仔入左黎。佢見到Ｋ仔好唔好意思咁行緊過黎，呀晴仲成隻豬咁係咁博命食，傻Ｋｅｎ噴左最後一口煙之後‧‧‧

傻Ｋｅｎ：「老婆，你食完返上去先。」呀晴一舉高頭就見到Ｋ仔企左係度，佢都知道傻Ｋｅｎ有野要同Ｋ仔講架啦，所以就啦啦臨食埋去之後就返上去。呀晴走左之後，Ｋ仔就坐底又開包煙食。

傻Ｋｅｎ：「今朝去撚左邊黎呀？」傻Ｋｅｎ個語氣好應真仲帶有少少惡添。

Ｋ仔：「我去邊唔洗同你交待呀麻。」

傻Ｋｅｎ：「你係唔洗同我交待呀．．你係同翠珊姐交代咋麻。」

Ｋ仔：「你咪下下攞翠珊黎達我喎。」

傻Ｋｅｎ：「我攞翠珊黎達你！？你無撚野呀？尋晚我都已經叫左你唔好玩到咁夜，你就話得得得‧‧今朝你又唔撚見人，我同呀晴足足等撚左你成粒鐘呀！你不嬲每年都係最早到既，今年你搞乜呀！？」

Ｋ仔：「你咁撚怒氣做咩姐！？尋晚我落左Ｄ玩夜左咋麻，唔係咁都要你Ｋｅｎ哥批準呀麻！？翠珊既事我會識得去處理，唔洗下下都要你教我點做囉。」

傻Ｋｅｎ：「我話你都係想你好咋！有時有Ｄ野我都已經隻眼開隻眼閉架啦，你晚晚同條姣婆落Ｄ我都已經算，但係今日係翠珊姐既死忌‧‧‧你竟然唔係到，真係好撚離普囉！」

Ｋ仔：「我而家唔想同你嘈，總知我點都會同Ｙｕｋｉ一齊，無論你鐘意又好唔鐘意又好。我以後既事唔洗勞煩你去理！」

傻Ｋｅｎ：「你幾時變撚到咁呀？你真係發癲發上腦‧‧‧既然你都講到出口，我都唔想再晒時間，你自己好自為只。」

唉！兩兄弟為左條女搞到反晒面‧‧‧又何必呢？傻Ｋｅｎ講完「你自己好自為只」之後，就走左ｌｕ。而Ｋ仔就坐左係度，好似好多野諗咁，其實佢個心都好難受架。傻Ｋｅｎ又係佢好兄弟，Ｙｕｋｉ又係佢最愛既人‧‧‧正所謂手掌係肉，手背又係肉。不過到頭來，Ｋ仔此終都係揀Ｙｕｋｉ‧‧‧

～《傻Ｋｅｎ屋企》～
傻Ｋｅｎ一返到屋企粒聲都唔出，呀晴見到都好唔開心，佢都估到傻Ｋｅｎ同Ｋ仔反左面架啦。

呀晴︰「老公，唔好咁啦。」

傻Ｋｅｎ︰「我真係唔知條姣婆比左咩藥個死仔食！？」

呀晴︰「算啦。學你話嚌，可以講既都已經講晒‧‧‧佢係要唔聽既我地都無辦法架，謂有希望佢早Ｄ識諗囉。」

傻Ｋｅｎ︰「唉！佢都咁大個人啦，做Ｄ野仲成個細路咁撚樣既！頭先你唔係度咋，個死仔包叫我以後都唔洗理佢Ｄ野喎！真係火都黎撚埋！！你估我真係好想理架！？唔通真係睇住自己個兄弟死呀！？但係佢完全唔明白既！！」

呀晴︰「唉，其實佢又係既‧‧‧令願信條女都唔信自己個兄弟。不過而家唔好理咁多啦，可能遲Ｄ佢會明既。唔好講啦！你肚唔肚餓呀？頭先你都無食過野，我煮個麵你食啦。好唔好？」

傻Ｋｅｎ︰「嗯，唔該老婆。」

呀晴︰「傻既你都，洗咩講唔該姐。你訓陣啦，煮好叫你！」

另一方面‧‧‧
～《龍哥屋企》～
Ｙｕｋｉ︰「你今朝去左邊呀？」

龍哥︰「我去邊又關你咩事？」

Ｙｕｋｉ︰「我都係問下姐‧‧‧聽Ｄ細講，今日好似係翠珊死忌呀呵？」

龍哥︰「係又點，唔係又點。」

Ｙｕｋｉ︰「你去左‧‧‧拜佢呀？」

龍哥︰「你幾時變得咁撚煩架！？無咁多事得唔得呀！？」

Ｙｕｋｉ︰「我都係關心你姐‧‧‧」

龍哥︰「你咁得閒不如多Ｄ同Ｋ仔一齊啦！？都成兩個月啦，你做到Ｄ咩出黎呀！？最多咪同佢扑過一次野，我要既野都仲未到手呀！」

Ｙｕｋｉ︰「你咁惡做咩姐！？人地都係想關心下你咋麻．．．我先係你條女呀！我為左你同第二條仔搞野我都唔介意丫，我整係想你對我好Ｄ姐！咁樣都唔可以咩？？我日日對住個我完全唔鐘意既人，真係好辛苦呀！！我知道你今朝去左拜翠珊呀，點解到今時今日你都唔肯放底丫！！！？？？佢究竟有咩咁好呀！？佢只係一個背住你係出面勾仔咋！！！」

龍哥︰「收聲呀！！！」一把車落Ｙｕｋｉ到，佢食到應一應。Ｙｕｋｉ眼角開始有淚光‧‧‧

龍哥︰「我話你聽呀，以後你再敢講翠珊一句壞話既話‧‧‧我實唔會對你客氣。你咩新鮮羅白皮呀？你咪又係一個隨便同人訓既淫婦‧‧‧你有資格話人咩！？你做得我條女既，就遇左咁樣架啦。你係醒既就好好地同我做好件事去，唔係就同我滾！聽唔聽到呀！？」

Ｙｕｋｉ︰「點解？？點解？？點解你要咁對我‧‧‧？唔通我真係一Ｄ比唔上佢？」庵住塊面一路喊一路講，其實見到佢幾可憐既。

龍哥︰「如果你真係想知既‧‧‧唔該你自己揾塊鏡照下你自己個衰樣。」

Ｙｕｋｉ︰「陳國龍‧‧‧你好野！」

Ｙｕｋｉ個對眼神真係‧‧‧真係好難型容！又傷心又恨，比自己愛既人咁樣對待‧‧真係好心痛！唉，其實愛情係咪真係有咁大魔力？佢可以令到人由好變壞，或者由壞變好。不過俗語都有話「男不壞女不愛」，得返黎既‧‧‧就係呢Ｄ。Ｙｕｋｉ聽完龍哥講之後，又傷心又嬲‧‧‧佢好唔甘心。佢一支箭咁跑落街，周圍行咁，成個人都好ｄｏｗｎ。到左夜晚，Ｙｕｋｉ自己一個落左Ｋ仔個場係咁劈酒，過左無耐Ｋ仔就落左黎。

呀威︰「Ｋ哥，落黎揾呀嫂呀？」

Ｋ仔︰「下？佢係度咩？」

呀威︰「係呀！坐左係果邊咋麻，不過呀嫂佢今晚飲左好多啊。」

Ｋ仔︰「得啦，你去做野啦。」Ｋ仔都唔知Ｙｕｋｉ都係度，本來佢都諗住ｃａｌｌ佢出黎既‧‧‧不過同傻Ｋｅｎ又搞到咁都無咩心情。不過都估唔到Ｙｕｋｉ會係度，Ｋ仔見到佢係咁劈酒就行過去。

Ｋ仔︰「Ｙｕｋｉ你做咩飲咁多啊？」

Ｙｕｋｉ︰「行開呀！！唔好理我呀！！」

Ｋ仔︰「你係咪唔開心呀？」

Ｙｕｋｉ︰「你知唔知我好愛你架！！？點解你唔愛我呀！！？？」Ｙｕｋｉ真係飲得好醉，開始亂講野。

Ｋ仔︰「傻妹，我點會唔愛你姐？」

Ｙｕｋｉ︰「你真係愛我？真既？」

Ｋ仔︰「緊係啦‧‧‧我令願同傻Ｋｅｎ反面都要同你一齊呀。」Ｙｕｋｉ再望真Ｄ先知原來係Ｋ仔，個心又碎。

Ｙｕｋｉ︰「你對我咁好做咩姐！！？？」

Ｋ仔︰「因為我鐘意你囉，我第一次見到你已經鐘意左你‧‧‧你比到我一種好特別既感覺，我每一次見到你都開心。我真係想你做我女朋友．．．我要個個都叫你呀嫂。」

Ｙｕｋｉ︰「點解‧‧點解你要對我咁好．．．Ｋ仔‧‧‧」Ｙｕｋｉ望住Ｋ仔，開始喊。

Ｋ仔︰「叫我老公得唔得呀？」

Ｙｕｋｉ︰「‧‧‧‧‧老‧‧公‧‧‧」

Ｋ仔︰「老婆。」

〃※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※

[IMG]http://www.thedollpage.com/photopost/data/4156/1010bb7.gif[/IMG] [IMG]http://www.thedollpage.com/photopost/data/4156/1010yas_.gif[/IMG] [IMG]http://img.photobucket.com/albums/v221/Pancakecake/fi2.gif[/IMG] [IMG]http://pixmixer.com/uploads/images/20051130/full_size/16142_544632477.gif[/IMG] [IMG]http://i43.photobucket.com/albums/e369/s5935/yurina_2132.jpg[/IMG]

linda~

金牌會員
Rank: 6 Rank: 6

權天使

帖子

245

積分

2805

金錢

2560

發表於 06-5-4 12:48 | 29樓 TOP 只看該作者

《第十五集〃Ｅｐｉｓｏｄｅ１５》
只從果日傻Ｋｅｎ同Ｋ仔係茶餐廳見完面之後，呢半年黎大家都無再聯諾大家。聽講Ｋ仔而家出返黎行，都已經無再讀書。而Ｙｕｋｉ就同左Ｋ仔一齊，睇黎佢真係鐘意左Ｋ仔，只從佢同左Ｋ仔一齊之後都無再揾龍哥‧‧‧當然而家龍哥想叫Ｙｕｋｉ出黎都唔係一件容易既事，話晒Ｋ仔而家係旺角地位都幾大架！只於傻Ｋｅｎ同呀晴就依然咁恩愛，間唔中都有鬧下交既，不過當然傻Ｋｅｎ每次都會哄返呀晴啦！佢地兩個一樣都已經無再讀書啦，而傻Ｋｅｎ都唔想再靠Ｄ場既生意黎掙錢，況且佢同Ｋ仔又搞成咁，都唔好意思啦。所以佢而家就係ｓｅｖｅｎ到做，都算夠洗既‧‧‧仲好過掙果Ｄ錢啦！呢半年真係過得好快，而且又發生左好多事，所以而家傻Ｋｅｎ同呀晴都無咩望‧‧‧其求過得開心又穩定已經足夠。不過有時有Ｄ野真係好難講，就係今晚傻Ｋｅｎ收工既時候‧‧‧‧

老闆︰「傻Ｋｅｎ，你走先啦。」

傻Ｋｅｎ︰「得架啦，我執埋Ｄ野走架啦。」傻Ｋｅｎ執好晒Ｄ野之後就行出門口諗住打比呀晴，點知一開門‧‧‧

龍哥︰「Ｋｅｎ哥，好耐無見。」

傻Ｋｅｎ︰「龍哥！？」一見到龍哥已經震左一震，心諗無啦啦龍哥點會揾我？

龍哥︰「得唔得閒傾兩句？」

傻Ｋｅｎ︰「下！？得‧‧‧無問題。」傻Ｋｅｎ邊敢話唔得丫！之後佢就上左龍哥架車，入面仲坐左幾個龍哥Ｄｏ靚，有兩睇落去都係得果十七八歲‧‧‧而家Ｄ古惑仔真係越黎越後生！傻Ｋｅｎ就坐左龍哥隔離，其實都唔知去邊，個心都有Ｄ驚。

傻Ｋｅｎ︰「龍哥？我地去邊呀？」

龍哥︰「去到你咪知囉。」二十分鐘後終於到左，架車就停左係一間Ｄ既門口。傻Ｋｅｎ一落車，周為Ｄ古惑仔都啤住佢，相信佢地全部都係龍哥Ｄｏ靚。到龍哥落車既時候，個個都大大聲叫《龍哥！》，個場面直頭就好似上台攞獎咁！！之後傻Ｋｅｎ就跟住龍哥行入Ｄ，佢一路行就一路比龍哥Ｄｏ靚啤實，好似驚傻Ｋｅｎ會作反咁。入到去，傻Ｋｅｎ真係好唔關，又黑又鬼死咁大聲‧‧‧話晒都有成年無落過Ｄ！

龍哥︰「坐呀。飲唔飲野呀？」

傻Ｋｅｎ︰「唔洗啦．．．唔該。」

龍哥︰「做咩呀？好唔關呀？」

傻Ｋｅｎ︰「少少啦，都好耐無落過Ｄ啦。」

龍哥︰「睇黎你真係做返乖乖仔喎‧‧‧」

傻Ｋｅｎ︰「邊樹係丫，其實都係自己以前唔識諗姐。」

龍哥︰「你既意思姐係話‧‧‧我地而家出黎行既唔識諗呀？」

傻Ｋｅｎ︰「唔係！我唔係咁既意思！」

龍哥︰「講下笑姐，唔洗咁緊張。食支煙定下驚先啦‧‧‧」

傻Ｋｅｎ︰「唔洗啦，龍哥。」傻Ｋｅｎ一話唔洗，企係龍哥後面條ｏ靚忽然出聲！

條ｏ靚︰「係咪玩野呀，契弟！！？龍哥比你就要啦！」傻Ｋｅｎ當堂嚇左一跳，唔想食煙都要比人小！唔係呀化！！

龍哥︰「鋒‧‧‧唔準無大無細。」

條ｏ靚︰「係既，龍哥。」條氣好似好唔鋸咁。

龍哥︰「Ｄ細既唔識講野，唔好擺係心到呀。」

傻Ｋｅｎ︰「唔會，唔會．．．我又點會呢。」

龍哥︰「你份人真係永遠都咁忍得，同你好兄弟真係差好遠啦‧‧‧其實你有無諗過跟返我？」

傻Ｋｅｎ︰「龍哥，你唔好講笑啦．．．」

龍哥︰「乜我樣似講笑咩？好似你呢Ｄ人係ｓｅｖｅｎ到做就真係晒晒啦。」

傻Ｋｅｎ︰「龍哥，老實講‧‧‧我而家都幾鐘意而家既生活‧‧‧所以真係無諗過再出返黎行，唔好意思呀‧‧」

龍哥︰「唔洗唔好意思喎，我不嬲都唔鐘意逼人既。只不過‧‧‧你入得黎我個場，又無理由就咁出返去架‧‧‧」

傻Ｋｅｎ︰「龍哥‧‧‧你意思係．‧？」

龍哥︰「我想你幫我做一件事。」

傻Ｋｅｎ︰「如果我幫到既，我會幫既‧‧‧」

龍哥︰「我諗你都知道‧‧‧下個禮拜係你好兄弟生日，我想你幫我送份禮物比佢姐‧‧‧好間單。」

傻Ｋｅｎ︰「禮物？龍哥你要送咩比Ｋ仔呀？」

龍哥︰「一份好驚喜既禮物！你睇左就會明架啦，峰？」龍哥就叫左頭先果條ｏ靚攞個份所謂既禮物比傻Ｋｅｎ睇，點知傻Ｋｅｎ一睇就嚇左一跳！！

傻Ｋｅｎ︰「龍哥‧‧‧‧‧你？」

龍哥︰「你識點做架啦？」

傻Ｋｅｎ︰「龍哥‧‧‧‧你‧‧想‧‧‧我‧‧‧‧」

龍哥︰「我都話你係醒目仔黎架啦，唔洗講都明。」

傻Ｋｅｎ︰「龍哥，我‧‧‧真係‧‧‧唔‧‧可以‧‧‧‧」

龍哥︰「你係唔可以？定係唔想做丫？」

傻Ｋｅｎ︰「龍哥‧‧‧你唔‧‧‧好逼‧‧我‧‧」

龍哥︰「逼你？你唔好逼我啦‧‧‧聽講你好似有條女叫呀晴呵？」

傻Ｋｅｎ︰「龍哥！」

龍哥︰「有時有Ｄ野真係好難揀既，揀兄弟就會無左條女，揀條女就會無左個兄弟。我頭先已經比左次機會你架啦，係你自己唔領情，咁我又無理由就咁比你走架‧‧‧Ｄ細既見到會亂諗野架。你仲有成個禮拜時間，好好地諗清楚。都夜架啦，我諗呀嫂都膽心你架啦‧‧‧我叫人車你返去。」傻Ｋｅｎ走左之後，頭先個條ｏ靚就出聲。

條ｏ靚︰「龍哥，你信得過佢架啦？話晒佢同Ｋ仔都係兄弟‧‧‧我諗佢唔會咁易幫我地搞惦Ｋ仔。」

龍哥︰「唔係仲可以點呀？個八婆夠膽死出賣我，遲Ｄ先搞惦佢！不過而家襯Ｋ仔同傻Ｋｅｎ反晒面，搞惦佢係最好既時候，就算傻Ｋｅｎ同Ｋ仔講咩，佢都唔會信。」

條ｏ靚︰「但係如果衰左既，條友篤我地出黎咁點呀？」

龍哥︰「我端估佢都唔會想自己條女有事掛既。」

條ｏ靚︰「係姐，但係博唔博得過呀？」

龍哥︰「出黎行就係咁啦，兩年前有兄弟保佢‧‧‧不過今年唔會再咁好彩。」

條ｏ靚︰「龍哥呀‧‧為左條女又可必呢？人都死左啦，攞返Ｄ場咪算囉，唔好搞到咁大啦。」

龍哥︰「算！？咩都算我仲洗出黎行！」

～《傻Ｋｅｎ屋企》～
呀晴︰「老公，咁夜先返黎既？」

傻Ｋｅｎ︰「無，放工個陣撞到個ｆｒｄ．．．去左飲野姐。」呀晴心諗傻Ｋｅｎ會有咩ｆｒｄ佢唔識架？

呀晴︰「你無事呀麻？成個人落晒型既‧‧‧係咪發生左咩事呀？」

傻Ｋｅｎ︰「無事呀。都夜啦，我去沖涼訓。」

呀晴就望住傻Ｋｅｎ慢慢行入廁所，佢真係好擔心唔知有Ｄ咩事，佢從來都未見過佢咁既樣！呀晴諗住等傻Ｋｅｎ沖完涼之後就再問下佢，點知等等下就訓著左。到左差唔多五點幾，呀晴紮醒左，佢擰轉身見唔到傻Ｋｅｎ就起身行出廳‧‧‧佢慢慢咁開門，見到傻Ｋｅｎ坐左係梳發到煲煙，竟然仲見到佢係度喊！！！！

〃※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※○＊×…×＊○※

[IMG]http://www.thedollpage.com/photopost/data/4156/1010bb7.gif[/IMG] [IMG]http://www.thedollpage.com/photopost/data/4156/1010yas_.gif[/IMG] [IMG]http://img.photobucket.com/albums/v221/Pancakecake/fi2.gif[/IMG] [IMG]http://pixmixer.com/uploads/images/20051130/full_size/16142_544632477.gif[/IMG] [IMG]http://i43.photobucket.com/albums/e369/s5935/yurina_2132.jpg[/IMG]

狼仔

論壇元老
Rank: 8 Rank: 8

力天使

帖子

571

積分

3190

金錢

2539

發表於 06-5-4 19:03 | 30樓 TOP 只看該作者

十卜>v<
努力呀!!!
唉~~

‹‹ 上一主題 打印 下一主題 ›› 轉-你唔好發姣啦*`勁好睇

‹‹ 上一主題打印下一主題 ›› 轉-你唔好發姣啦*`勁好睇