vace11 07-11-4 11:04
他 信 營 商 概 念 搞 足 球 曼 城 加 碼 簽 中 泰 球 員
他信營商概念搞足球
曼城加碼簽中泰球員
文： 饒家輝 04/11/2007
今次到倫敦任務，唔止係採訪阿仙奴主場惡鬥曼聯呢場榜首大戰，仲要打探曼城最新軍情。冇錯！我係身在倫敦並打探到遠在曼徹斯特市曼城內幕消息。大家都知道曼城老細係他信，呢個泰國前總理英國係以倫敦做基地，既然相處同一天空下，梗係要同佢做番個專訪，傾波經啦！
承認作客弊病需改善
他信自小就熱愛運動，足球當然係佢心頭好，最擅長位置係守門員同後，佢曾經係泰國首富，亦係泰國前總理，能夠商界及政界都有作為，對營運一間英超球會自然有其獨到之處。佢認為搞足球一定要將營商概念同埋對足球熱情完美融合，所以唔會盲目簽入大牌球星，亦唔會純粹睇錢做人……他信侃侃而談，我深信佢真係足球大行家。
季前他信為領隊艾歷臣定下個目標，係打入英超前十名，依家眼見曼城能夠高踞第三（截稿前），他信話希望曼城下季可以躋身歐洲賽。為達成目標，佢會緊一月冬季轉會期加碼買人，而針對位置係前鋒同中場。同時，他信亦親口證實，曼城稍後會簽入泰國同中國球員！
曼城開季至今六場主場贏晒，但係作客走樣就幾令他信頭痛，佢認為球隊要急切改善作客表現，就算去到人地頭都要踢出主場水準。
聽晚曼城會主場迎戰新特蘭，但係他信就唔會現場觀戰，事關佢話會星期六十一月三日香港見朋友。不過，冇所謂啦，香港睇我now TV直播咪得囉！