Ｄｅｖｉｌ 07-10-1 18:54
[轉]雨天娃娃-]]*(口說)
"今日咁黑仔嫁,今朝明明大大個太陽ge,而家竟然落大雨,仲要簡正我做值日ge時侯wor..唉..而家唯有等佢停雨或者細雨d先走lor."我有氣無力咁講.
"不過睇黎呢場雨有排落wor,你想響度訓呀?咁我呢個美男子係咪要陪你呀?孤男寡女共處一室wor..你唔怕,..kekeke"一把淫笑中ge男聲響我背後出現左,佢係今日同我一齊做值日ge人---呀瀰.
"死開啦你,唔洗你咁好心呀,快d返龜啦你!"佢成日都整古我嫁,係今年先轉過黎ge插班生.
"咁我走喇wor,你小心d呀,聽講夜晚學校會有戈d野嫁..佢可能會....嘩..冷靜d..走喇走喇.."佢見到我攞起本成4吋厚ge Alg,準備車過去,就一仆一碌咁走左喇..
於是我坐左響最近窗口ge位到,望住被大雨打濕ge綠色大操場.成間學校只有雨水沙沙聲,好寧靜..望住大操場ge雨景,令我諗返起一d事..一種孤寂ge感覺湧上心頭,個鼻好酸,對眼好似有d液體要流出黎咁..
就響呢個moment,我見到一個好耐冇見ge身影..係佢..一定係佢呀!!
"亞天..係亞天呀!!"我即刻由4樓課室直沖大操場.
好似黃豆咁大ge雨打響我身上,好似冰咁凍ge風吹過黎..好痛..但我冇理咁多..只係響操場上搵屬於佢ge身影..但操場上咩都冇..只有冰冷ge雨同風..好痛..我個心好痛..我好似發左癲咁大嗌:"亞天!!我知你響到嫁!!唔玩啦!!點點唔想再同你玩兵捉賊喇!!點點捉唔到偷心賊呀!!點點輸左喇!!偷心賊要出黎嫁喇!!點點個心仲響你戈度嫁!!你要比返個心點點喇!!點點冇左個心就冇左開心呢種感覺喇!!點點唔識笑喇!!你要出黎比返個心點點呀!!點點唔要雨天娃娃啦!!點點要搵過第二個娃娃呀!!"我跪左響到..繼續嗌:"你唔係話你會一生一世咁氹我,唔會再比我喊嫁咩?!你唔係話你會一生一世咁保護我,唔比人蝦嫁咩?!你唔係話你會一生一世咁做我ge人肉沙包,比我打,比我鬧都心甘命抵嫁咩?!我而家喊喇,你仲唔快d出黎氹我!?我而家唔開心呀,你快d出黎比我打呀!!..我地勾過手指尾嫁..你都唔遵守承諾ge..衰人!!衰人呀!!..嗚.."突然眼前一黑,我訓左響操場上面...
我醒返戈陣,見到我訓左響一張床到,但呢度唔係我間房wor..就響我諗緊呢度係邊度ge時候,呀瀰入左黎.
佢見到我醒左,好溫柔咁笑左出黎,同平時淨係識整古我ge呀瀰簡直係兩個人..:"你終於醒左拿..我頭先行行下諗起漏左d野響課室,咪返轉頭lor,點知就見到你暈左響大操場勒"但其實個心諗緊"鬼叫點點你成日都咁大頭蝦咩,叫我點放心你自己一個響學校wor,咪諗住響學校門口等見你走左先走lor..點知我聽到你響到大嗌,就即刻沖上黎勒,見到你暈左,嚇死我,幾驚你有事呀..好彩你醒返啫o^.^o"
"哦..咁呢度係..?"我問
"呢度係我屋企lor,我自己一個住ge..係喇,你肚唔肚餓呀?我煮緊夜晚戈餐呀,陣間煮完再拎上黎比你丫.."佢ge眼神好溫柔..就好似..佢咁..跟住佢行到房門..又用把好溫柔ge聲同我講"呢間房有厠所嫁,你可以去沖涼ge,床頭戈度放左d衫嫁喇,你攞黎換啦."就走左勒.
"呀瀰做咩會咁溫柔嫁?唔理啦,沖左涼先喇."我就走左去沖涼..
沖完涼勒,換衫..套衫係呀瀰ge?!好大件喲..就好似佢咁..
我出返去,訓返上張床到..望左出窗,d雨仲未停..望住玻璃窗上ge水滴,令我諗返起戈一日ge事.....
===========================================================================================
戈日又係好似今日咁落好大雨..我企左響戲院前面等我ge男朋友----亞天.等左一陣,有個人響後面用手捏我塊面..我一個手踭車埋去..yes~命中目標!..我拎轉面想睇下邊個咁無聊,點知比我見到呀天摸住個肚話:"嘩,小姐你好暴力呀.."我笑住咁話:"sor囉,鬼叫我驚咩,有冇事呀?"佢扮到好痛咁話:"好痛呀..有人謀殺親夫呀!!"次次比我打完都會咁講ge..我就話:"係喇,衰佬..有冇事呀?入去坐低先啦."我又摸住佢個肚咁入去.
我留意到佢一開始就拎住個袋,不過都冇理到咁多,靜靜地睇戲..
睇完戲之後我地就去左公園坐..坐左一陣,我終於忍唔住問:"呀天呀,呢袋咩黎嫁?好重要嫁?我見你拎左好耐,連去厠所都冇放低過喎."
"你咁遲先問嫁..搞到我拎左成日..呢袋野唔輕嫁."佢做左個好辛苦既樣出黎.
"又關我事?!"我不解.
"係呀..比你嫁..今日係我地拍拖一周年紀念日呀..早知你呢個大頭蝦會唔記得嫁喇."佢拍一拍我個頭.
"係喎..sor呀>.<"我開左份禮物..係一個毛公仔..好大個.:"嘩..卡哇伊呢>3<多謝你呀,亞天..啜"我鍚左亞天塊面一啖..佢塊面紅晒,好似個紅蘋果咁:"呢個公仔叫雨天娃娃,響佢個心臟位戈度戈隻細細毛公仔係一粒點心..我叫宇天,所以呢個'雨天娃娃'係我,響佢個心戈個好似點心既公仔,代表點點個心,即係代表點點..呢個設計係代表宇天個心永遠都會有點點,因為點點已經住左響宇天個心度喇."
我睇真d,呢個公仔個樣好似晴天娃娃,不過係我最中2既藍色黎既,個頭有一粒好似藍寶石既雨滴圖案;而個心戈度戈隻公仔係我最中2既黃色黎既,個樣真係好似我去親茶樓都會食既點心嫁.佢又繼續話:"咁樣你掛住我戈陣望住隻公仔咪會記得我囉."我好'冧'咁望住佢,佢又望住我..我地就響浪漫既夕陽下比左我地既初吻對方..好想呢一刻喲..
唔知過左幾耐,亞天問我:"你肚唔肚餓呀?我去買比你食丫."
我好唔捨得咁話:"我唔肚餓呀,我要你留低陪我><"點知個肚'古古'聲咁響..我塊面紅左..
亞天笑左笑:"傻瓜點..乖乖地坐響到等我啦..好快嫁咋."佢鍚一鍚我額頭:"等我呀..86"我笑左笑:"係喇,小心啲呀..86"佢仲對住我笑,就過左7仔買野食喇.我對眼一直冇離開過佢,直到佢買完出黎..
我見到佢出黎,好開心,諗住起身去幫佢攞,點知一向著開波鞋既我比2吋高既高踭鞋整到拗柴,我即刻仆低左..跟住傳入我耳中既係一連串既峰鳴器車,剎車聲,尖叫聲,大嗌聲,一啲野跌落地既聲..我抬頭一睇..響離我唔夠一米既地方有一個被車撞到既青少年..係.."亞天!!"我失左理智咁叫,連腳既痛楚都冇理,連爬帶仆咁爬去呀天戈度..抱住佢..佢流左好多血..不停咁流..
呀天佢把聲好細..好冇力..:"點點,你隻腳有冇事呀?"我喊到出唔到聲..佢好似想起身咁..但起唔到..:"對唔住呀..我諗我唔夠力起身幫你捏腳喇.."我喊住咁狂拎頭..佢同啲途人講:"唔該拎個雨天娃娃比我丫.."有啲途人知道佢講咩,就攞左過黎..佢'掹'走左個點心..我望住佢..佢隻手啲血整污遭隻點心..佢已經冇咩氣..:"我
而家整污遭左點心公仔,唔可以放返入雨天娃娃戈度嫁喇..不過呢個點點會永遠陪住真正既宇天..如果第時你遇到第二個可以放得落雨天娃娃個心到既點心既..就放埋隻點心入去,跟住燒比我..咁就代表點點已經放低左宇天喇.."我大喊..忍住淚水咁話:"唔要呀..點點唔要宇天離開點點呀..嗚..宇天要陪住點點一生一世嫁..點點唔要宇天走呀!!嗚.."宇天慢慢咁舉起隻手抺我塊被淚沾濕晒既面..:"點點做咩要喊呀?我最中2見到點點笑嫁..點點要笑比宇天睇喲.."我捉住宇天響我塊面戈隻手..忍住唔喊咁笑..但淚水始終唔聽話咁流左出黎..宇天攞個點心掂一掂我個嘴唇..話:"我而家攞左點點呢個咁難睇既笑容喇..所以點點以後都要好開心咁笑..因為點點咁樣笑係最靚嫁.."我好辛苦咁笑左一下:"係咪要咁笑呀?..點點以後都咁笑丫..你唔好離開點點丫.."宇天又笑左一下:"..不如我地玩兵捉賊丫..你係兵..我係賊..我偷左點心..你就負責捉一個有點心既人..直到雨天娃娃有返點心為止..而你就要關住個賊一世..好唔好?..我而家好眼訓呀..比我訓丫..我訓醒再同點點你食晚餐丫..gd night喇..點..點.."佢對我笑左一下..就合埋左對眼..我捉住戈隻手..都冇力咁跌左落黎..而佢揸住點心戈隻手..都由佢心臟戈個位跌左落黎..不過點心就冇跌到落黎..我見到呢個情景..瞪大左對眼..唔夠膽相信頭先所發生既事..啲眼淚都仲流緊落黎..好多途人都忍唔住喊左出黎..有啲就走左埋泥安慰我..但我已經咩都聽唔入耳喇..
呢個時候..個天開始落雨..好大..好大..
自此之後..雨天娃娃一直都放左響我床頭..我有咩事都會同佢講..開心,唔開心..仲之每日發生既點點滴滴..全部都會同佢講..我冇當過佢係宇天..我只當佢係我既一個好朋友..因為宇天佢一直生存響我個心入面..
==============================================================================================
我望一望周圍..呀瀰間房好整齊喲..我間房都冇佢間房咁整齊耶..我望左去佢張書枱..見到一個好似點心既毛公仔..我嚇左一嚇..走左落床去睇..真係同點心一樣嫁..連大細都一樣嫁..點解既..?
呀瀰'how'一'how'門,跟住話:"食得飯喇..e..你.."佢好驚訝咁望住我..我拎起隻點心..問:"呢隻野係..?"佢話:"冇..冇呀..我只係無聊得濟整出黎玩咋嘛.."我走左埋去,幾乎同佢塊面差一cm..:"真?但係呢隻點心..唔係代表點點個心咩?"佢個樣好驚訝..:"你點會知嫁?"我只係笑住話:"就係咁?冇補充?"我走返上床,坐左響到..佢塊面紅晒..跟住又用戈種溫柔既眼神望住我..佢走左埋黎坐低..用隻手掂住我隻手..
"其實我中2左你好耐..隻點心..我係因為好掛住你先整出黎嫁.."佢'拱'左個頭埋黎我隻耳到,細細聲咁話:"我..愛..你"我塊面超紅..佢就伸左個頭埋黎..用佢個嘴唇掂住我個嘴唇..我流左兩滴眼淚..話:"我都愛你.."
至於戈個雨天娃娃..我就唔會燒嫁喇..我會將新既點心放響佢個心入面..繼續咁同佢傾計^.^
[[i] 本帖最後由 Ｄｅｖｉｌ 於 07-10-1 18:59 編輯 [/i]]