冰•Leo 06-3-20 13:49
我已經失去了你
第一回 "我和你的認識"
我係一個20歲, 經常玩online game, 幾靚仔, 學歷唔錯既男仔~
呢一日, 我如常咁玩 "石器時代", 因為我知道, 我將會轉game, 所以要溝多d女(-.-溝女王...)
到左凌晨時份, 我係薩村既石像坐左係度, 睇下有咩女仔經過
等左半個鐘左右, 出現左一行人, 中間有個名叫 "雪花高" 既人
雪花高?? 咁搞野既個名..... 唔... 去溝下佢先~
＜hi~ 你幾lv呀??(其實可以睇-.-)＞
佢好cool咁冇理我-.-
唔理啦, 加左佢好友名單先~
我mail佢~
＜hi呀靚女, 你係邊度呀??＞
仍然好cool咁冇答我-.-
算啦, 唔一定要溝佢既~
坐係薩村既石像冇耐, 又見到佢喇...
＜喂, 理下我好喎＞
雪花高: 點呀??
從佢既語氣中可以睇得出佢對我冇好感-.-
我正在打字諗住問佢野既時候, 佢又走左-.-
我問下神像下面既一男一女啦....
我問個女既.....
＜hi~ 個雪花高係咪你fd呀?? 做乜咁cool唔理我既?? 佢去左邊呀??＞
女: 佢去左解水石嘛, 你等等啦, 佢應該好快返
＜哦, 唔該晒..... 你知唔知佢有冇男友??＞
女: 冇呀, 做咩?? 想溝佢呀??
＜唔....＞
女: 死左條心佢吧啦, 佢唔會受架.
＜點解??＞
女: 佢係隻game度俾2條仔hurt過, 佢唔會再接受人.
＜唔緊要啦..... 我會追到佢既......＞
女: 唔好咁自大..... 佢返喇
＜哦, 唔該＞
佢又走左去唔知邊添..... 去寵店擺返幾隻寵先.....
@@"
見到佢喎~~
＜唔~ 睇黎我地幾有緣喎... 咁都撞到＞
雪花高: 唔好亂講
＜我帶你去一個地方, 呢度好多人... 唔方便講...＞
雪花高: 有咩唔講得?? 呢度講唔得架??
真係串爆-.-
如果佢係男, 睇下我用唔用第18式 "粗口交流" 串佢丫喇...-.-
＜跟左我黎先啦.....＞
雪花高: 好啦... 唔好姦左我喔
-.-鬼得閒姦你麼
你係靚女倒冇所謂~
＜-.-行啦＞
因為凌晨時份既關係, 去邊到都冇乜人, 咁就去左24店啦.
＜呢度冇乜人啦....＞
雪花高: 想講咩快d講, 本小姐唔得閒
-.-
本大爺都唔係好得閒架, 如果唔係基於溝女心態, 我彩你都傻-.-
＜冇咩, 想你做我女友咋嘛＞
雪花高: 你幾歲呀??
＜20-.- 你呢??＞
雪花高: 係咩?? 聽我個fd講佢話你15喔
＜我老吹咋嘛, 我以為你13-15左右-.-＞
雪花高: 我18呀~
@@岩晒喎
＜哦, 我呢個ac就冇點啦, add左我icq先.....＞
雪花高: 我唔會做你女友架, add左你更加冇意思
-.-第一次俾人咁拒絕
唔得, 點都要溝到佢!!
＜點解呢?? 未試過你又知我唔好-.-??＞
雪花高: 有d野未試過已經知唔好
雖然有d同意, 但基於尊嚴關係, 繼續反駁-.-
＜我都知你俾人hurt得好深, 但我唔同呀.....＞
雪花高: 你靚唔靚仔??
唔係呀-.- 咁樣問都有既.....
係咪靚仔佢就要-.-??
＜算係啦.....＞
雪花高: 唔.... 算啦
算-.-?
即係點-.-??
＜即係點呀??＞
雪花高: 好夜啦, 我訓喇, 88
睇一睇錶... 原來都5點幾喇.....死喇!! 我都要返工!!
好啦, 放佢走~
＜好啦, 88＞
第一回 "我和你的認識" 完
冰•Leo 06-3-20 13:49
第二回 "奇怪的感覺"
第2日, 放完工後我已經想死-.-
但係諗起佢, 又不自覺地開左石器
＜hi呀靚女, 我好悶呀, 唔知可唔可以黎薩村陪我??＞
呢個係好賤格既行為-.-
阻住人升lv~ 石器升lv大過天-.-
＜喂喂, 得唔得都應下我啦＞
雪花高: 又點呀??
-.-實在太冇禮貌喇, 咁樣同我呢d靚仔講野 (真自大-.-)
＜我好悶呀, 黎薩村陪我-.-??(第一次咁求人-.-!!)＞
雪花高: 唉.... 是但啦
yeah~ 又呃到佢過黎-.-
＜喂, 我就唔玩石器架喇, 你add我icq啦＞
雪花高: 哦
@@
咁聽我話既~~
＜唔, 你而家係邊呀??＞
雪花高: 等等啦, 就到喇
過左一陣, 我係薩村醫院見到佢喇~
騎住紅暴既佢, 都幾靚下-.-
雪花高: 點呀, 叫我黎做乜??
＜冇乜, 見下你咋嘛＞
-.-咁答都有既
雪花高: 我去補習喇, 我會add你icq架喇, 88
＜哦, 88＞
-.-真奇怪, 對佢有種難以形容既感覺.....
第二回 "奇怪的感覺" 完
冰•Leo 06-3-20 13:49
第三回 "icq上的你"
今日, 我正式告別石器生涯, 成為古龍新手
睇下icq先....
佢on左喎@@~~
＜hihi~ 做緊咩呀??＞
雪花高: 玩緊石器, 不過掛緊機
＜石器咁悶-.- 陪我玩古龍啦~＞
雪花高: 唔啦
-.-真係決絕, 算啦-.-
＜係喇, 傾左咁耐都未正式介紹, 你叫咩名??＞
雪花高: 我叫阿詩, 你呢??
全名喎-.- 是但啦
＜我叫阿文...... 有冇相呀?? send幾張黎睇下~~＞
阿詩: 我唔靚架喎....
＜靚唔靚都send黎啦~~＞
終於, 俾我又哄又騙咁, 佢send左張相黎喇~
@@~ 我終於証明到, 通常話自己唔靚個d都係靚女~
＜...你好靚喎＞
阿詩: ......我send左啦, 你快d send黎
＜冇問題~~＞
我send左張我自覺好型既相俾佢, 好緊張~ 唔知佢有咩反應@@??
阿詩: 你都幾靚仔喎....
＜咁咪襯囉~ 俊男美女... 哈哈＞
阿詩: 咪亂講=.=
＜邊有亂講姐~ 係喇, 唔知可唔可以交換電話??＞
阿詩: 下....
@@~ 可能嚇親人喎...
＜唔俾冇所謂既, 我俾我果個你啦..... 6xxx xxxx.... 記得打俾我呀...＞
阿詩: 得閒會打....
奇怪地, 我竟然望住個電話發呆, 睇佢幾時打黎......
喂!! 你唔係呀??!! 你鐘意左佢呀?? 你唔知石器好多人妖架咩??!!!!
唔... 佢冇可能係人妖掛......
＜你可唔可以而家打俾我...??＞
阿詩: .....哦
過左1分鐘..... 果然有人打黎...
死啦... 好緊張... 咁大個人都未試過咁....
阿詩: 喂... 係咪阿文呀??
@@~ 把聲好好聽...
＜係呀......＞
終於, 我同佢傾下個度又傾下個度.... 不知不覺都傾到電話冇電-.-
被逼收線.....
＜我電話冇電呀..... 不如我一陣再打俾你啦＞
阿詩: 是但啦....
我諗我真係鐘意左佢..... 唔緊要~~
上天會俾機會我同佢表白~~
第三回 "icq上的你" 完
冰•Leo 06-3-20 13:49
第四回 "前往天水圍"
不知不覺, 我玩古龍都有半個月喇
同佢認識既日子都耐左...
但係對佢既感覺仲係好模糊.....
真係鐘意佢?? 定係溝女心態要我追到佢呀.....
問下愛情專家, 阿雲先...
阿雲 ---- 好專一, 自從同女朋友分左手3年都未曾拍過拖, 每一次我問佢關於愛情既野,佢總會答到
＜喂, 阿雲呀??＞
阿雲: 係呀, 咩事??
＜我係石器度識左個女仔.... 我唔知自己係真係鐘意佢定係溝女心態想要追佢...＞
於是, 我將成件事既始末講晒俾佢聽
阿雲: 你係鐘意左佢架喇..... 講真, 識左你7年, 我都未試過見到你咁
佢又講得幾岩喎... 我真係未試過咁...
阿雲: 放膽去追佢啦, 我支持你~
真係夠老友~ 咁多個fd之中佢最可靠....
＜唔~~ 唔該晒~ 有好消息第一時間通知你~＞
阿雲: 唔好講咁多廢話啦, 快d去追人啦, 等陣佢俾人追左你唔好當我係人肉沙包呀-.-
＜-.-得啦得啦＞
@@~ 第一時間打俾佢先...
係喎... 我連佢真人有冇男友都未知添....
＜喂喂, 係咪阿詩呀?＞
阿詩: 係呀, 咩事??
＜你有冇男朋友??＞
阿詩: 冇呀.... 做咩??
＜冇乜野..... 唔知你今日得唔得閒??＞
阿詩: 得呀...
＜可唔可以同我出下街??＞
天呀.... 一定要得呀...
阿詩: 我住天水圍, 你住馬鞍山... 唔係咁方便喎
＜唔緊要~ 我開車入黎囉~＞
阿詩: 是但啦..... 就到call我落黎啦...
yeah~~ 掂左!!
阿爸, 你睇住啦, 你個仔將會有一個好靚既女朋友
-.-都未知得唔得.... 是但啦, 吹定水先-.-
＜我就到喇...＞
阿詩: 哦
＜你係邊??＞
阿詩: 我係M記..... 你黎啦
講真, 天水圍真係冇乜野行-.-
一搵就搵到喇.....
＜我係M記喇....＞
突然, 有人好大力咁拍左我一下
＜頂!! 邊個呀??＞
shit.... 竟然係佢-.-
佢好難為情咁望住我...
＜呀... sorry呀... 我唔知係你＞
@@~ 真人比相仲要靚...
真係好靚.....
＜我地係邊度食野??＞
阿詩: 就呢到啦.....
天呀~ 把聲比電話仲要甜!!
＜天水圍呢度冇乜野行喎, 不如去第度啦??＞
阿詩: 唔啦... 都好夜喇...
好夜咩?? 原來都11點幾喇....
真係開心既時間過得特別快~
阿詩: 送我返去得嘛??
送佢返去@@~
我以為我講到出口佢都唔肯添~~
一切俾我預料既還要順利~~
＜當然可以啦~ 送靚女返屋企在下求之不得＞
阿詩: 真係口花.....
＜咩呀~ 我係對住你先會咁口花＞
阿詩: .......
佢表現一付好無奈既樣....
真係好想時間係呢一刻永遠停留....
＜到喇....＞
阿詩: 唔該.....
我同佢對望左1分鐘, 突然有種想吻佢既衝動
我越黎越接近佢.... 佢好似冇發覺到....
阿詩: 好啦... 我返去啦... 等陣打俾你啦...
佢好似要迴避我咁... 咁又係既...
第一日見你就俾你錫咪好著數-.-??
＜唔, 好啦, 拜拜~＞
第四回 "前往天水圍" 完
冰•Leo 06-3-20 13:50
第五回 "說愛你"
呢幾日, 阿詩既樣不停係我腦海盤旋....
死喇... 越黎越掛住佢添...
＜喂, 阿詩呀~ 可唔可以出黎呀??＞
阿詩: 可以呀~!!
掂呀~!! 今日一定要同佢講~!!!!
不過好奇怪, 佢次次一定要我黎天水圍-.-
＜喂, 我係你屋企樓下喇＞
阿詩: 哦, 等等
諗下等陣點同佢講先.... 會唔會嚇親佢架...
阿詩: 喂~ 係度諗緊咩呀??
＜下?? 冇呀....＞
阿詩: 講啦~
＜我驚嚇親你, 你最好要有心理準備＞
-.-
講到好似就死咁-.-
阿詩: 咩野咁大件事呀??
唔係講唔出口呀??!!
神呀!! 保住我呀!!
我成日拜神-.- 一定要保住我呀!!!!
我行前一步, 拎起阿詩隻手
我握實阿詩隻手, 好嚴肅 (亦都好緊張) 咁講
＜阿詩, 我鐘意你!!＞
阿詩: 哈哈... 你唔好講笑啦...
我再行前一步, 近到可以剩機抽佢水-.-
＜我冇講笑, 你是否願意成為我的女朋友??＞
阿詩: 俾d時間我考慮下... 得嘛??
考慮?? 會唔會拒絕我架...
咁又係... 大家識左3個月姐...
哈哈哈哈哈... 樂觀d.........
＜唔... 好啦....＞
阿詩: 咁我地去邊度??
佢竟然可以若無其事咁講出呢句野 -.-
算啦... 俾d紳士風度...
＜你鐘意啦.....(呢d叫紳士風度-.-??)＞
阿詩: 你成日上我屋企, 我又未上過你屋企, 好唔公平喎, 就上你屋企啦~~
佢真係唔驚我"咩" 左佢架 -.-
哈哈..... 上天又俾左一次機會我喇.... 哈哈哈哈哈 (-.-青山病人)
＜好啦~~＞
用左1個幾鐘時間, 終於到左我屋企喇
阿詩: 嘩... 你屋企都幾亂架喎....
＜-.-我自己一個人住係咁架喇~ 唔抵得呀~??＞
阿詩: -.-咁都得
＜得架......＞
點知, 佢竟然係我屋企過埋夜-.- (雖然我都好想-.-)
我都出奇地冇"搞" 佢-.-
算啦... 等時機成熟再同佢講多次!!
永不言敗~~ -.-
第五回 "說愛你" 完
冰•Leo 06-3-20 13:50
第六回 "同居"
第二日, 你訓係我張床度-.-
我望住你, 差唔多望左成個鐘
想將視線移開, 都唔得-.-
你實在太靚喇!!
＜唔, 醒左喇??＞
阿詩: 呀... 係呀....
佢做乜好似咁驚咁既-.-
又係佢琴晚自己訓係我張床度訓到而家-.-
＜我整左早餐喇, 起身食野啦~＞
阿詩: 哦...
佢好似唔係咁開心咁喎...
係我地食緊野既時候, 佢突然同我講..
阿詩: 我同我屋企人琴日嘈得好勁... 我離家出走添... 而家冇地方住......
唔怪得琴日打俾佢佢屋企咁嘈啦...
＜想係我屋企住??＞
阿詩: 唔....
@@~~
梗係冇問題啦!! 哈哈哈哈....
＜當然冇問題啦~ 想住幾多日都得呀~＞
阿詩: 真係??
＜我幾時有呃過你??＞
阿詩: 等我諗諗... 都唔係好多, 30幾次咋嘛~
-.-我邊有呃過佢呀~!!
＜喂喂~ 唔好屈我好喎~~＞
就係咁, 我地既同居生活開始左喇~
咁樣有利我地既感情增長.... 哈哈~~~
阿詩: 喂, 得一張床, 點訓呀??
＜咩呀~ 我地琴晚都係一齊訓架啦~＞
阿詩: 所以我會好驚
＜驚咩-.-?? 你驚我"搞" 你呀~＞
阿詩: 係呀
＜我屋企得一張床咋喎＞
阿詩: 你訓地下囉~
＜我會風濕＞
阿詩: 咁我訓地下囉
＜咁唔得, 我訓算喇＞
阿詩: 點解你要對我咁好??
死喇... 點講好呢...
＜唔知呢....＞
＜算啦, 我訓地下啦, 早抖＞
成功避過一劫.... 好彩....
我諗我係時候同佢講....
第六回 "同居" 完
冰•Leo 06-3-20 13:50
第七回 "甜蜜的日子"
始終, 佢都係冇答我
不過都好... 起碼佢冇答應我, 亦冇拒絕我.....
同佢同居都有1個幾月, 都好開心
我同佢玩得好埋, 感情都好好
呢一切一切都使我更加鐘意佢....
＜哈哈... 望住你訓個樣好可愛呀＞
阿詩: 乜都咁衰架-.- 偷睇人
＜鬼叫你生得咁可愛咩... 又要同我一齊訓喎...＞
阿詩: 我好想同你訓咩....
＜唔好講咁多啦, 起身食野喇＞
阿詩: 哦
呢排佢越黎越聽我話~
呵呵~~
＜今日我生日呀＞
阿詩: 咁又點??
-.-有冇搞錯
我生日都唔同我慶祝, 最少都錫我一啖啦!!
佢好野-.-!!
＜你.....好野!!＞
阿詩: 多謝讚賞....^^
My God.....
越黎越串呀!! 跟晒我-.-!!
＜唉... 是但你啦＞
阿詩: 今日想去邊, 想做咩, 你自己決定啦, 我陪住你就係~
想做咩都得@@??
個樣野都係??!!
＜冇邊度想去呀, 想做既野就有一樣＞
阿詩: 想做咩??
＜冇咩...＞
唔通真係講我想佢做我女朋友咩??
唔得既.....
＜是但啦~ 你決定＞
阿詩: 去睇海啦~ 好冇??
睇海@@??
夠浪漫~!! 我鐘意~~
＜好啦＞
阿詩: 咁行啦...^^
又笑... 想殺死我咩...
＜附近有個海呀, 好近＞
阿詩: 哦
因為都好近下, 唔駛半個鐘就到左喇
我拎起一粒石仔, 拋去水中, 片左幾下水花
阿詩: 你點樣整到咁??
＜好簡單.....＞
我就教左佢喇, 佢都好快學到
真係聰明-.-
我大膽咁問左一句.....
＜你話我想做咩就做咩... 咁我可唔可以.....＞
未講完, 已經做左-.-
唔知算唔算強吻呢....-.-
阿詩: 你做咩.....
＜...sorry呀...＞
阿詩: .......
好似好尷尬咁.... 事實上都係...
未經過人同意就... 唉....
死啦... 唔知佢會唔會討厭我????
＜唔... 返去啦... 好冇??＞
阿詩: 錫完我就想走??!! 好難呀~!!
咁我又好痛苦(其實好開心)咁, 俾佢打幾下咁啦-.-
＜好痛呀!! (一d都唔痛-.-)＞
阿詩: 你應得既~
＜-.-係喇係喇＞
阿詩: 返去啦~ 我好累喇
＜哦-.-＞
唉... 好似你生日咁....-.-
基本上, 我都好開心可以錫到佢
而事實上, 我都驚佢會討厭我.....-.-
算啦... 有咩遲d先算....
第七回 "甜蜜的日子" 完
冰•Leo 06-3-20 13:51
第八回 "重色輕友?"
由我識阿詩呢幾個月, 講真, 真係好少同阿雲佢地去網吧玩
不論返學放假, 都係陪住阿詩
真係所謂既 "全力陪女" 呀-.-
呢幾日真係俾佢地打到電話都爆埋.....
阿雲: 喂, 幾時出黎網吧呀?? 唔好掛住溝女啦, 陪下我地都唔得!! 你係得既!!
＜冷靜d, 我幾時有話唔出姐?? 係你冇問我出唔出姐(-.-歪理)＞
阿華: 頂你咩, 理得你呀, 今晚唔出我同你斷絕兄弟關係呀-.-
＜冷靜d!!(其實最唔冷靜係我-.-) 我幾時有話唔出呀??!!＞
阿華: okok, 咁你今晚出唔出先??
阿雲: 重色輕友呀, 你好野!!
＜hey, 俾個機會我講野好喎＞
阿雲: 你唔駛講野, 唔想斷絕兄弟關係既話今晚8點 cyber game見
阿華: 唔黎都得既, 不過後果就唔知啦
講完阿華仲係電話度奸笑-.-
嘔....
＜ok啦-.- 8點cyber game見啦, bye＞
阿詩: 今晚要出去呀??
唔知係咪錯覺, 我總係覺得阿詩想我成日陪住佢
＜係呀, 你去唔去??＞
阿詩: 唔啦... 我都唔識你d fd既...
＜有咩所謂呀, 佢地好nice架(吹水吹得幾勁-.-)＞
阿詩: 唔啦....
＜咁今晚你自己係屋企呀??＞
始終我唔放心佢自己一個係屋企...
阿詩: 嗯
＜唔得呀, 反正自己係屋企啦, 做咩唔同我一齊出去??＞
阿詩: 咁你唔去得唔得??
-.-玩我咩
我幾個月冇見d fd喇, 而且今次佢地仲話咩斷絕兄弟關係-.-
＜唔得呀, 今次我唔去佢地話會同我斷絕兄弟關係-.-＞
阿詩: 咁算啦...
佢好失望咁喎...
原來都7點半喇... 佢班粉腸...
食野都未食得切啦
頂!!
＜我要出去喇＞
阿詩: 等等... 我又去...
我點頭微笑
@@
總係覺得佢成日跟住我~~
係7點57分我地到達左cyber game喇
阿華: 死仔, 幾件執左件咁既野呀?? 幾索喎~
我即時望住佢, 目露兇光
阿雲: 坐啦坐啦, 開波喇
我仍然狠狠地望實阿華, 佢都好識趣咁冇再亂講野
＜哈哈哈哈, 我冇玩cs咁耐都係爆晒你地頭~!!＞
阿華: -.-知你勁啦
＜我梗係勁啦~ 係啦, 阿詩, 如果你覺悶既話我可以同你走先架＞
佢冇出聲, 好似好驚咁.....
阿雲: 喂, 講好通頂架喎
頂佢咩\"/
明明就冇講\"/
＜頂你呀, 你耍我呀??!! 你幾時有講呀!!!!＞
阿華: 算啦雲, 係F.4個時佢淫賤人所皆知架啦, 更何況而家year 3??
阿雲: 唔, 你講得冇錯
頂\"/
佢地一唱一和我根本冇得駁!! 都係走人算!!
＜隨你點講, 阿詩, 我地走＞
阿詩: 哦...
突然, 阿華用左一樣好可怕既野威脅我...
阿華: 你冇得走, 我俾2個選擇你, 1. 陪我地玩通頂, 2.斷絕兄弟關係
佢一臉嚴肅咁講, 我仲可以點-.-??
阿雲: 文, 佢咁認真就知佢唔係講笑啦
＜你地分明玩我姐!! ...好!! 你地係得既-.-!!＞
阿華: 呵呵, 咪講咁多廢話, 計緊錢架, 玩盡佢~!!
＜-.-錢又唔係你地出, 收啦-.-＞
阿雲: 文~ 說話唔可以咁講既~
＜咪講廢話, come啦廢柴們-.-＞
阿雲: 咁串?? 睇下我點爆你頭啦
終於, 我都係鬥唔過呢班怪物
被逼留低...
都好, 顯示我係戰場上既威風... 哈哈哈哈.....
＜阿詩, 你介唔介意係度陪住我呀??＞
佢對我微笑, 然後講: 唔介意~
@@
好靚呀... 又一次死係佢手上...
我陪班友仔玩到6點幾...
救命咩... 累到就死喇...
好彩今日唔駛返學姐-.- 唔係我實殺左佢地
＜阿詩, 我地去食野啦＞
阿詩: 好呀...^^
我同阿詩食完"晚餐" , 就起程返返屋企訓覺-.-
你話我地似唔似情侶呢~??
又一齊住一齊訓.... 連講d野都好似情侶呀... 呵呵~~
第八回 "重色輕友?" 完
冰•Leo 06-3-20 13:51
第九回 "決定了！"
同阿詩一齊住都差唔多半年, 表面上係朋友關係
而事實上呢.... 我自己都唔清楚....
算了... 而家呢個關係都幾好呀....
別自欺欺人了!! 你係鐘意佢架!!
呢個問題係呢幾個月內從不間斷... 有點累了....
應該講清楚啦... 別再拖下去.....
我一直都覺得好奇怪, 點解係呢半年裏
佢屋企人唔會打黎?? 唔會搵下佢?? 唔會擔心佢??
既然阿詩自己都唔想講, 就算了
＜阿詩...＞
阿詩: 嗯??
＜其實... 我.........＞
阿詩: 咩呀?? 有事就快d講出黎嘛
＜冇咩....＞
阿詩: 講啦~
佢對我撒嬌呀....
應該點好????
＜...上次我問你個問題你有答案未??＞
阿詩: 你幾時有問過我問題??
-.-佢係度微笑....
彷彿佢想我再講多一次
我鼓起勇氣, 勇敢地踏出人生的一大步 (有冇咁嚴重呀-.-)
＜我鐘意你!!＞
我唔敢相信, 眼前既佢, 竟然.......
竟然.... 哭了.....
＜做咩???? 我講錯野??!!＞
阿詩: 唔係....我冇野....
係呢一刻, 佢仲可以對我笑.....
但... 笑得唔夠自信既佢靚...
＜傻瓜...＞ 我輕輕係佢耳邊講
我緊緊地擁抱著佢, 佢亦係我懷內放聲大哭
我冇諗過佢會哭... 係我眼前, 佢係多麼的堅強??
或許, 係我唔夠了解佢...
＜仲有冇事??＞
阿詩: sorry.....
＜唔好講呢d啦......＞
阿詩: 我口渴呀~
佢又回復返佢自信既微笑
唔, 等佢心情平伏返d我再問清楚佢啦....
佢好似好累咁...
＜不如你訓陣先啦....＞
阿詩: 我唔想訓呀~
＜咁... 是但你啦~＞
阿詩: 我岩岩諗到個答案呀~
＜唔??＞
阿詩: 我答應你.....
＜答應d咩~??＞
呢一次, 到我反問返佢喇~
阿詩: 唔好扮唔知....
我再一次擁阿詩入懷
經過一番折磨 (-.-開心得很...), 我總算做左佢男朋友喇
阿詩, 請相信我, 我會帶給你最大既幸褔...
第九回 "決定了！" 完
冰•Leo 06-3-20 13:51
第十回 "回憶從前"
自從我同阿詩一齊後, 我好快將呢個消息傳遍整個世界...-.-"
有左佢, 生存比以往更加有意義
阿詩: 如果... 我有一日會離開你, 你會點??
＜傻瓜... 做咩講呢d呀... 我唔捨得你, 我唔會俾你走＞
阿詩: 快d講... 你會點??
＜我... 我會等你... 等你一生一世...＞
佢又哭了... 唔知做咩...
佢呢排成日問我呢d問題.....
＜唔好咁啦... 我講過我會等你就會等你...＞
阿詩: 嗯....
我真係擔心佢有一日會離開我...
阿詩: 諗返起以前你追我個時, 真係好搞笑呀~^^
＜唔~ 估唔到我而家咁錫你呢??＞
阿詩: 唔~^^
＜記得我地去睇海個時嘛??＞
阿詩: 當然記得~ 你仲扮唔小心錫左我-.-
＜你知道左-.-???? 算啦~ 我而家想幾時錫就幾時錫.... 呵呵＞
阿詩: 好難啦....
＜我想問你一個問題...＞
阿詩: 問啦~
＜點解... 點解你呢排成日問我.....＞
阿詩: 我驚你會離我而去囉~
佢咁樣答, 我都放心d~
＜點會呢?? 我追你追得咁慘, 而家走左咪好蝕~??＞
阿詩: 咁又係~ 你想走, 我都唔俾你走~~
＜咁就最好啦~＞
我同佢出奇地甜蜜, 旁人見到實以為我地就快要結婚~
當然, 呢個都係遲早既問題~~
我同佢, 就咁樣 "細想當年" , 傾傾下都訓著左喇
佢都累了~ 我要好好照顧佢~!!
第十回 "回憶從前" 完
冰•Leo 06-3-20 13:51
第十一回 "瞬間的改變"
呢一日, 我如常地起身, 如常地食野....
感覺好怪...
係啦... 阿詩佢今日去左邊??
佢平時出去邊度都會同我講聲架...
唔理啦~ 可能佢返返自己屋企姐~
....................
唔放心... 打去佢屋企睇下先...
＜喂, 唔該搵阿詩＞
男: 打錯!!
講完就cut左我線喇....
咩話??!! 打錯??!! 阿叔你玩我呀!!
＜喂, 唔該搵阿詩＞
男: 冇呢個人!!
又cut左我線...
會唔會係世伯太嬲?? 所以先咁咋...
奇怪!!!!
打俾阿詩睇下.....
"你所打既電話未能接通... 請遲d再打過黎啦"
飛左去留言信箱... 算啦...
＜喂, 你去左邊呀???? 覆我呀...＞
我二話不說, 拎起條鑰匙就衝左出去喇
阿詩玩失蹤????
＜你去左邊呀!!!!!!!!!!＞
我不禁仰天大叫, 人地一定以為我係痴線既.....
再打去.....
"你所打既電話未能接通... 請遲d再打過黎啦"
"你所打既電話未能接通... 請遲d再打過黎啦"
"你所打既電話未能接通... 請遲d再打過黎啦"
"你所打既電話未能接通... 請遲d再打過黎啦"
"你所打既電話未能接通... 請遲d再打過黎啦"
"你所打既電話未能接通... 請遲d再打過黎啦"
........
我去過晒以前同佢一齊去既地方...
海... 最常去睇戲既戲院... 旺中...
或者佢自己去左玩呢.............
呢個理由點可能成立??!!!!
我再搵... 搵唔到佢我決不回家....
下午4:27.....
晚上9:48.....
凌晨4:36.....
"你所打既電話未能接通... 請遲d再打過黎啦"
真係呆了... 點會......
或者佢返左屋企呢???? 不如返去先啦.....
返到屋企... 都早上7點幾...
冇...佢冇返過黎...
這一刻, 從來就不會哭的我, 哭了.....
或者佢會返黎呢????
等下佢啦.....
我坐在地上, 等待著阿詩回來...
第十一回 "瞬間的改變" 完
冰•Leo 06-3-20 13:52
第十二回 "失去了你"
今日, 係你既生日
只是, 生日依舊, 人卻不在
3個月了...
你究竟去左邊??
係呢3個月內, 我每日去網吧打通頂機...
我失去了人生意義, 因為失去了你...
我失去了一切, 因為失去了你...
你, 係我既一切...
阿雲: 唔好亂諗喇, 佢會返黎架
阿華: 一條女咋嘛, 何必搞成咁??
＜你地唔明架喇.....＞
今晚, 阿雲佢地又黎網吧陪我喇
如果冇佢地, 我真係唔知呢3個月點過...
阿雲: 我地會有咩唔明??
阿華: 朋友嘛, 講黎聽聽
＜一個同我同居左差唔多一年既人, 係3個月前, 突然消失, 佢冇留低任何野俾我, 一個字都冇..... 係你預計唔到既... 如果係咁... 我寧願佢親口同我講分手... 至少, 我可以見到佢....＞
阿雲: 文, 記得我同我女朋友點分手嘛?? 佢都係突然消失... 只是, 佢有交待要分手...
阿華: -.-"..... 我都冇女, 都唔知你地講乜野
＜你收啦, 死到一邊去＞
呢d就係所謂既"撩交嘈"喇
阿雲: 華, 失戀既心情難免會係咁架喇... 就下佢啦
阿華: 唉-.- okok...
＜唔怪得佢以前成日問我會唔會等佢... 點解我一d都冇發覺到?? 我點解要咁蠢??!!!!＞
阿雲: 冷靜d... 呢d唔係你既錯... 終有一日佢會返黎架...
＜終有一日??!! 幾時呀??!! 或者... 佢已經遺忘左我呢個人... 或者... 佢結左婚呢??!! 我可以點??!!＞
無奈...
我只能默默的等待...
阿雲: 等待... 就係咁架喇...
阿華: 係囉, 放鬆放鬆~~
阿華真係唔識講野...
我而家咁我仲可以點放鬆??!!
＜唔, 多謝關心＞
阿雲: 唔好諗咁多喇, 打機啦~~
冇心情打機...
＜是但啦...＞
阿華: 人既生存唔係只為左某某人架嘛, 精神d啦, 以前既你不知幾Man, 而家?? 不知所謂.....
＜-.-駛唔駛踩得咁盡呀＞
的確, 佢講得冇錯...
重新振作啦... 相信阿詩唔希望見到我咁...
第十二回 "失去了你" 完
冰•Leo 06-3-20 13:52
最終回 (一) "我會為你等下去"
12年過去了...
而家既我, 已經開左一間公司
而家既我, 仲係單身一人
"我會為你等下去"
我講過, 我, 會遵守承諾
只是, 你會不會回來??
記得當日我擁抱著你, 你問我會否等你
我毫不猶豫, 一口答應
"無論多久, 我都會為你等下去"
你哭了....
而我, 點都唔會諗到, 你會離我而去
直到上個月, 我信箱收到一封信
我一眼睇出, 係你寫既, 只有你才可以寫出咁清秀既字...
To : 我愛的阿文
當你收到呢封信既時候, 唔知你會唔會已經結左婚?? 相信你已經等我12年了...
而我, 一切都好好, 你唔駛擔心...
好抱歉要你等我咁耐...
文, 不必再為我等下去
去尋找你的最愛吧...
阿詩
"我會等你一生一世"
12年前的一句說話, 我會遵守下去的, 我仍然會等你的
最愛??
你已是我的最愛了....
你冇寫下地址俾我, 不要緊...
我仍然相信, 你會回來的...
我仍然相信, 你是愛我的...
我, 會等你一生一世...
我, 會為你等下去...
最終回 (一) "我會為你等下去" 完
冰•Leo 06-3-20 13:52
最終回 (二) "心碎了..."
12年過去了...
不知現在的你還好嗎??
這12年裏, 很痛苦
沒有你, 一切變得冇意義
我, 不讓自己有時間
只要一有時間, 便會想起你
我, 快要支撐不住了...
直到2個月前, 我在家裏樓下遇見你
看見你帶著2個孩子, 身旁還有一個男人
當然, 誰也知道是什麼事了...
不知你有否看見我??
看著你的背影, 不知何時已經淡忘了這種味道
這種味道, 再也不屬於我, 而是屬於你身旁的那個男人
心碎了, 很痛....
被你親手一刀一刀的割下去, 我, 無話可說
只是, 我心甘情願...
我會等你的....
為何你不回來??!!
我鼓起勇氣, 撥了個電話給你
這一次, 不像從前
這一次, 接得通
只是這種聲音已經不再屬於我...
＜不知你有空嗎??＞
阿詩: 你是...??
想不到, 你已經忘記了我
壓抑著心內的激動, 難堪的說出了這句話
＜我是阿文...＞
阿詩: 文...
＜出來可以嗎??＞
阿詩: 嗯...
心中有很多問題想要問你...
1小時後, 我們相約在以前常去的那所咖啡店
＜結婚了嗎??＞
阿詩: 嗯...
＜我說過我會等你的...＞
我哭了...
阿詩: 對不起...
＜別說這些說話了...＞
＜很多年不見了... 你變了很多...＞
阿詩: 你現在還沒結婚嗎??
＜嗯...＞
我不想讓你知道我是為了你....
＜對不起.. 我要回公司了... 下次見吧...＞
阿詩: 嗯...
我走後, 淚水不斷氾濫
我不想在你眼前哭...
我累了... 很累很累....
或許, 有天你會回來我身邊的
我會等你的...
這個念頭不曾消失過... 現在也是...
阿詩... 我愛你...
最終回 (二) "心碎了..." 完
冰•Leo 06-3-20 13:52
最終回 (三) "重遇的一剎"
12年了...
我等了整整12年了...
很痛苦...
沒有你的日子真不是人過的...
找你, 似乎已經成為了我的習慣
每天放工, 都在找你
今天放工, 也不例外
我坐在咖啡店, 看著外面的行人
下起毛毛細雨, 很漂亮...
不知何時可以和你一起看??
突然, 看見一個很像你的人
我連忙掉下錢, 衝了出去
不見了...
只是在短短的一瞬間而已...
真的很奇妙...
算了...
正想回去的時候, 有人大力的拍了我一下
這種感覺... 沒錯... 是我和你第一次見面的時候...
我轉身, 看見眼前的你, 有點兒不相信
我緊緊的擁抱著你, 怕你再度離開我
＜阿詩....＞
阿詩: 文....
你哭了, 這種感覺, 再度回來我身邊
＜我等你等得很苦...＞
阿詩: 我知道... 這12年內我也是這樣過的...
＜到底發生了什麼事?? 為什麼12年前你突然離開我...＞
阿詩: 對不起... 其實我離家出走的原因... 是因為我爸要我嫁去別家...
＜我明白了...＞
我吻下去了...
＜不用再說這麼多...＞
＜我愛你!!＞
＜結婚吧!! 好不好??＞
你又哭了, 你真的很易哭呀...
你點頭
等了12年... 我終於等到了...
＜一切的痛苦已成過去, 就讓我們重新開始吧!!＞
我抱著你, 堅定的說...
最終回 (三) "重遇的一剎" 完
頁:
[1]