查看完整版本: 藉著日記愛上你

藉著日記愛上你

<< 第一回 >>

一個落雨既夜晚 , 一個擁有漂亮面孔既女仔 , 正o係度顫顫抖抖咁按緊電話上面既號碼 , 電話打通喇 , 佢深呼吸左一口 , 但緊張既心情令到佢有d花容失色…果個就係映倩

倩 : 喂?係我….我有d野..想同你講。
映倩緊張得連手心都開始冒汗

輝 : 係咩?不如你聽我講先丫~我今日…..
其實阿輝一聽就知道映倩想同佢講分手 , 但係佢真係唔想….咁難得倩先追到倩 , 同倩只係拍左兩個月拖 , 佢絕對唔捨得呢個可人兒 , 唔單止個樣好靚 , 笑起黎仲好甜~ 一諗到要同佢分手 , 佢只好係咁搵d野出黎講 , 唔要俾機會映倩講 ‘ 分手 ‘ 兩個字

倩 : 唔係呢阿輝 , 你聽我講先啦 , 有一樣野我想同你講 , 我真係諗得好清楚 , 我地都係….

輝 : 丫! 我o岩o岩記得原來我仲有d野要做 , 好趕架 , 唔同你講住喇 , 遲d打俾你啦 , bye bye

倩 : 等等…..
映倩未有機會講 , 輝已經好快咁收左線 , 電話聽筒只係傳黎嘟嘟聲。

佢知道如果今日唔講清楚既話 , 遲d就好難有機會同勇氣再開口講 , 佢已經諗得好清楚 , 同輝已經唔可以再繼續做情侶 , 因為佢終於知道佢一直都係當輝係阿哥咁 , 根本就唔係 ‘ 鐘意 ‘ ….
果晚愈落愈大雨 , 但映倩冇理 , 拿拿臨拎起佢既日記簿 , 入面唔單止寫左佢既往事 , 仲記錄左佢同輝既點點滴滴 , 仲有對阿輝既真正感覺….佢想藉住呢本日記 , 話俾輝知佢只係當輝係阿哥咁~ 佢將本日記用公文袋+膠袋入住 , 因為佢只係諗住將本野擺o係阿輝個信箱 , 再叫佢去拎。入好之後就急急腳咁走左出去~ 佢同阿輝既屋企住得唔遠 , 用行既都只係三個字路程 , 但倩只係想快d了結左呢件心事 , 所以佢跑到去 , 連傘都冇帶

*************************************************************
同一時間 , 一個俊秀既男仔同一個男人坐o係大排檔度(當然有瓦遮頭) , 男人後面仲企左幾條o靚 , 但落雨既關係間大排檔好冷清

大佬 : 喬 , 你真係決定跟我地?
同阿喬講野既就係呢一區既大佬

喬 : 係
為左報仇 , 佢唔介意走去做黑社會

大佬 : 哈!! 叻仔~識得揀我地呢邊 , 以前拉攏你咁多次都唔肯入我地而會(喬好好打 , 雖然佢同d黑社會既人有d交情 , 但佢對黑社會既打打鬥鬥無興趣) 而家你識揀跟我地 , 以我地個會既實力 , 一定可以幫你報仇架喎 , 隔離區果個大佬? 我遲早食埋佢個地頭啦 , 到時你想點處置佢 , 你話點咪點囉 , 最緊要你而家黎幫我地~
喬既父母就係俾隔離區既大佬冤枉斬死 , 佢發過誓呢個仇一定要報!!  

大佬 : 但…..你知啦 , 每個一入會既兄弟 , 都要做d野俾大家睇 , 如果唔係 , 好難立足

喬 : 我知道
就o係呢個時候 , o係遠處佢地都一齊望到跑到索哂氣既倩…...

<< 第二回 >>

見到倩 , 個大佬就即刻有種想法
大佬 : 喬 , 見唔見到果個女仔 , 狼狽到….(開始奸笑) 就對個女仔郁手啦 , 隨便你搶佢d野或者帶佢返黎享受下 , 總之做d野就得架喇

喬 : 無問題
其實喬遠望倩 , 覺得對一個弱質女仔下手 , 真係有d唔忍心 , 但佢需要呢個大佬既力量 , 所以一d要做d野俾個大佬睇
喬即刻跟住倩 , 就o係倩走近一條後巷果陣 , 佢就即刻捉左倩入條後巷倒~

倩 : 呀~你想點呀?!
喬果陣即刻呆左呆 , 倩既美貌令佢著迷 , 仲忍唔住鍚左落倩度
幾秒之後 , 倩先有番反應 , 俾喬既舉止嚇親 , 推開左喬
喬即時清醒番 , 記番起佢要做d咩 , 但又唔想傷害到倩

喬 : 你俾個袋我 , 我唔想你有咩損傷

倩 : 唔得!!袋入面既野對我好緊要 , 你唔好亂黎呀!!!
倩即刻攬緊個袋
喬見倩唔肯就範就唯有搶 , 但倩攬得個袋好實 , 雖然係咁 , 但始終唔夠喬大力 , 俾喬搶左

倩 : 唔好呀 , 求下你俾番我
倩扯住喬既手

喬 : 你放手啦 , 我真係唔想傷到你
突然 ‘ 噗 ‘ 一聲 , 倩既手放開左喬 , 喬一回望 , 即時令佢好驚訝…

喬 : 你做咩呀!!!!
喬見到大佬既其中一條o靚手執磚頭 , 一野打左落倩個頭度 , 倩即時不支倒地訓左o係地下 , d血仲一路流
o靚 : 大佬見你咁耐 , 驚你新仔搞唔掂 , 叫我黎睇下咩環境

喬 : 你都見我搶到 , 咁做咩仲打穿佢個頭呀

o靚 : 個女仔認得你個樣架 , 照住你先幫下你咋 , 唔係見人地個樣靚少少就心動呀~~

喬 : 我唔想咁多事姐
其實喬好驚倩會有事 , 因為倩令佢心動 , 佢好唔想倩有事 , 但o係果d人面前要扮唔志在

o靚 : 咁就行喇 , 企o係度等俾人捉咩

喬 : 我做野唔駛你教
之後就同左條o靚離開 , 但喬個心好痛 , 忍唔住暗地裹報警 , 但就完全無透露佢自己既資料 , 好快救護車都黎到 , 喬只有祈求倩無事……

<< 第三回 >>

好快喬同條o靚就行到返佢地大佬度 , 喬將個袋擺上枱面

大佬 : 哈 , 我都知呢d小事難唔到你 , 不過我初初仲以為你會揀帶個女仔返黎享受下先 , 原來美色你唔o岩

o靚 : 但做事唔夠狠呢 , 對個女仔心都軟哂
喬即係瞪實條o靚

o靚 : 做咩呀 , 我講得唔o岩咩?!

喬 : 你係咪想同我打番場呀 , 你有本事打得過我咩?!

大佬 : 大家自己人嘈咩!! 新仔第一次做野係有d手軟架啦 , 好快就慣架喇 , 我睇好喬!
講完之後個大佬就開始睇下個袋有咩值錢既野 , 只係搵到個電話係值錢既

大佬 : 唔係呀嘛 , 錢都冇學人出街?! (倩急到銀包都冇帶) 電話都係賣得果幾舊水 , 力水都蝕埋~
喬心諗 , 你有鬼出過力咩….
個大佬之後就將個袋推左落地下 , 話 : 垃圾!!走~

喬 : 大佬 , 我有d事想走先

大佬 : 走啦 , 反正都無咩緊要野喇 , 有野call你
講完大佬同幾個o靚就左喇 , 喬即刻執番起個袋 , 佢講既事就係要執番個袋 , 佢好想知點解倩話個袋入面d野好重要
返到屋企之後佢開著個電視睇下有冇關於倩既新聞 , 但仲有幾個鐘先到晚間新聞 , o係等緊既時侯佢就睇下個袋入面有咩 , 但只係有一袋野 , 喬慢慢打開袋野 , 原來係一本日記….藏有倩回憶既日記…

1998年12月3日  晴
   今日好值得紀念呀 , 我十歲女啦~~輝送左呢本日記俾我 , 話要我寫底我同佢既既野喎…我先唔寫佢呀~!!成日蝦我呢個細佢兩年既鄰居~尹映倩 , 快d大個女!!

喬而家先知原來佢叫尹映倩…呢個名深深印左o係佢腦海入面

2004年12月25日  晴
    無幾耐前無意間搵番呢本日記…(其實年記都唔止 ><) 仲以為已經唔見左~ 講番今日 , 今個聖誕都係同阿輝過 , 唔知幾時開始 , 我覺得佢高左好多 , 仲靚仔左…佢今年送左束自己摺既花 , 總共有13枝 , 唔知係咩意思呢? 不過同阿輝一齊 , 真係好開心 , 時間都過得特別快 , 唔通係因為青梅竹馬既關係?.....

喬一見到寫第二篇已經同第一篇隔左成6年 , 自然咁話 : 「懶豬」但一見到倩話收到13枝花 , 就有d那住那住 , 因為佢以為都有女仔送過13枝花俾佢 , 花語係 : 你 是 我 暗 戀 中 的 人

睇到呢度喬就不知不覺訓著左…當佢醒番果陣晚間新聞開始 , 佢即刻好緊張咁睇住有冇報導關於倩既新聞 : 夜晚7點幾 警方接報一名年約十八既女子受襲 , 情況嚴重 , 被送往瑪列醫院 …..

喬一睇完個報導就覺得好內疚同心痛 , 好驚倩會有事

<< 第四回 >>

2005年1月1日  雨
   2005年既元旦!!!但竟然落大雨~!!好唔甘心呀  只可以留番o係屋企寫呢本日記…>< 爹d媽咪又飛左去倫敦工幹  唉….成日留低我自己一個o係香港 , 咩佢唔驚佢地既寶貝女會學壞架咩?! 等下次佢地返黎要扮下壞先得 , 嗯…就坐到印哂腳 , 講d粗皮d既野!! .\ /. 過兩日阿輝都搬喇…訓唔著唔可以行過隔離搵佢傾計喇….(但新屋黎呢度只3個字路程 >~<)

喬 : 呢個傻妹… ( 自然咁微笑 )

2005年3月12日  陰 , 間中有雨
   點解我會咁黑仔架!!! 一落到街就見到一大督米田共 = = 跟住就冷係凌厲咁避過 , 點知蕉皮等住我!!一野踩左落去成日跌左落地 , 屁股受罪了…但一睇錶  11點55分!!弊!! 我又遲到喇 , 阿輝肯定見到我遲到所以咒緊我…>< 唯有捱住屁股痛跑去….點知跑下跑下落大雨!!邊有諗到會落雨 , 傘都冇帶 , 救命!! 跑到半路見到阿輝 , 原來佢估到我冇帶傘特登過黎搵我 , 突然見到阿輝頭上面有個光環…不過果陣既我已經變左大半隻落湯雞了…之後去到遊樂場 , 今日休息?! 唔係丫嘛 , 咁黑….結果o係屋企包住雲吞咁過…
PS. 第二日就感冒了….倒楣之神 , 你快d走!!!!!

喬一路睇就愈覺得倩可愛 , 有時仲會忍唔住笑出黎 , 自從佢父母雙亡 , 佢都未試過有喜悅既心情 , 但倩既日記竟然令佢開心番

***********************************************************

今日係倩入院既第二日 , 喬決定親自去睇下佢…

黎到醫院…

中年夫婦 : 請問尹映倩係住邊間病房呀?
夫婦二人都表現得好緊張 , 仲拖住d大件細件行李去櫃台度問 , 咁o岩喬就o係佢地附近 , 喬心諗唔通佢地就係倩既父母?

櫃台姑娘 : 請問你地係尹映倩既邊位呀?

中年夫婦 : 我地係佢既父母

櫃台姑娘 : 佢而家已經轉左去普通病房 , 就o係4樓xx….
倩既父母聽到之後已經急急腳搭lift上去 , 而喬就尾隨佢地後面
上到去咁o岩醫生幫倩檢查緊……

倩母 : 倩!! 醫生 , 我個女而家點呀?

醫生 : 呢位緊係尹太 , 令千金因為頭部受到硬物襲擊 , 經過搶求後病人情況已經穩定 , 但
       手術後就一直昏迷…

倩父 : 咁即係點呀?!我個女幾時先醒呀?!

醫生 : 呢層…好難講 , 要睇病人既意志 , 你地可以多d陪佢 , 同佢傾多d計 , 對病人會有一  定既幫助 , 但如果病人昏迷得愈耐 , 醒既機會就愈低…唔阻你地喇 , 我仲要去睇其他病人

醫生拍一拍倩父以示安慰就離開左 , 而喬一路都係病房門口 , 聽到哂倩既情況 , 佢好嬲自己做咩要聽大佬講對倩郁手…

倩母 : 倩…你快d醒下啦 , 你唔好嚇阿媽呀…都係阿媽唔好 , 冇留o係度好好咁照顧你….你醒黎話阿媽啦….
倩母心痛得眼淚都流埋 , 見到倩面無血色個樣 , 個個見到都好心痛

倩父 : 老婆 , 你唔好咁啦~ 阿女 , 你要快d醒呀 , 我同媽咪會等你返屋企架….

<< 第五回 >>

半個鐘之後倩既父母就離開左 , 而喬等倩既父母離開左之後就入去睇倩
喬 : 倩…對唔住呀 (捉住倩隻手) 你千祈唔好有事呀…
不知不覺間 , 倩隻手上面有一粒男兒淚

話咁快已經過左一個月 , 呢段期間 , 倩既父母 , 仲有輝都會黎睇倩 , 喬差唔多都會黎 , 但都盡量避過佢地黎既時間

今日喬特別想早d黎睇倩

喬 : 倩 , 我又黎左喇 , 話你知丫 , 我既報仇大計就黎可以實現喇 , 事成之後我就會幫你教訓打你果個人 , 跟住退出幫會 , 重新做人 , 你贊唔贊成我咁做呀? 定係你仲嬲緊我? 你快d醒黎話下我喇…唔係我就要偷襲你架喇….
講完之後佢就錫左落倩既咀仔度….

倩母 : 你係邊個呀? 仲咩錫我個女呀??
原來倩既父母都落左探倩
喬都唔知點解釋好 , 情急之下就唯有答

喬 : 我係倩既男朋友 , 世伯伯母你好( 氣定神閒咁講 )

倩父 : 你係倩既男朋友?點解我冇聽佢講過既?

喬諗番起倩既日記有一篇係話 :
2006年5月22日
    被輝既突如其來表白之後 , 我都係應承左 , 其實阿輝的確唔錯 , 點解我一路都留意唔到架呢? 今日阿輝問我會唔會話俾爹d媽咪知 , 我諗左一陣就答佢 ‘ 唔會 ‘ ~ 因為…我諗爹d媽咪都冇諗過我同阿輝會拍拖 , 而且最大既原因係…爹d一向都好似唔太想我拍拖咁 , 成日問我有冇識男仔 , 又叫我唔好亂咁識人 , 要提防所有男人…唉 , 真係驚我俾人食左咁~ 都係拍耐d先算啦~

喬 : 其實我同倩拍左拖唔係好耐 , 佢講過話世伯一向都好似唔太想佢拍拖咁 , 成日問佢有冇識男仔 , 又叫佢唔好亂咁識人 , 要提防所有男人…佢擔心世伯你知道佢拍拖知後會阻止佢或者唔鐘意 , 所以就唔同你提住

倩父 : 我的確成日哦佢叫佢小心….個傻女 , 諗得太多喇 , 我只係驚佢俾人呃姐 , 我邊會阻止佢…
就係呢個時候喬見到倩d手指o係度微微咁郁 , 佢即刻過去捉住倩既手

喬 : 倩? 倩!!
倩既父母都即刻守候o係倩既旁邊
慢慢倩埋大佢又大又精靈既眼睛 , 佢第一眼就見到喬呢個大帥哥

倩 : 你…你係…邊個呀?
喬心諗 , 係喎 , 本來佢同倩就係唔識既 , 佢只係冒充既

喬 : 我….
面臨被人識穿 , 喬即時不知所措 , 夠竟點解釋先好?

<< 第六回 >>

倩母 : 佢咪你既男朋友囉
倩既阿媽應得仲快過喬

倩 : 你地…又係邊個呀?.....
聽完倩講呢句果陣 , 三個人當場呆左
喬 : 世伯伯母 , 麻煩你睇住倩先 , 我即刻去搵醫生
**********************************************************
三人都好緊張咁坐o係醫生房 , 想知醫生檢查後既結果
倩母 : 我個女究竟咩事呀?做咩佢好似唔認得人咁既?

醫生 : 令千金因為頭部受到猛烈撞擊 , 照佢既情況黎睇 , 應該係失憶 , 至於係短暫定係永久 , 而家仲係未知之數 , 但除左失憶之外 , 佢其他機能都已經康復 , 同正常人一樣 , 你地聽日可以接佢出院架喇 , 但一個禮拜後記得帶佢返黎復診

倩父母 : 唔該哂醫生
之後三人就離開醫生房

喬 : 世伯伯母 , 唔知我聽日可唔可以同你地一齊接倩出院?
倩失左憶 , 喬就想趁機補償 , 而且….佢已經不知不覺間鐘意左倩

倩父 : 當然冇問題 , 難得有人自動請英幫手拎行李

倩母 : 咁講野都有架~

喬 : 唔緊要 , 幫到手我好開心 ^^
喬o係倩既父母眼中留低左唔錯既印象

倩母 : 咁辛苦你喇 , 我有d累…我地返去先喇 , 聽日見
之後兩夫婦就離開左喇
而喬就返病房睇倩

倩 : 你真係我既男朋友?.....
倩望住喬 , 越睇越覺得佢靚仔
喬 : 未得到而家既你認同 , 我未係住
    不過你要記住有個叫林柏喬既男仔鐘情於尹映倩
倩聽到喬咁講 , 就好似同佢表白咁 , 即刻面都紅埋

喬 : 做咩塊面咁紅既? 你唔舒服呀?
喬伸手摸倩既額頭
倩即刻好怕醜咁話 : 冇…冇呀  我好精神~

喬 : 真係? 咁我落樓下散下步丫
倩未答佢   喬已經將倩一手抱起左  慢慢行落去

喬 : 你好輕呀 , 落哂形 , 出左院之後要食番好d野 , 調理番你既身體呀 , 知唔知呀?

倩 : 你以前都係咁抱我架?.....

喬 : 唔係呀  之前既你係個大肥婆  我都抱你唔起
喬突然好想整蠱下倩

倩 : 邊…邊係呀!!一定係你呃我既!! .\ /.
    定係你之前暪住我有第二個女人  佢係個大肥婆!!
咁o岩喬行到去公園 , 喬將倩放低坐o係張櫈度
喬 : 唔准亂講! 我鐘意既只有你一個
喬突然好認真 , 之後好溫柔咁錫左倩既額頭一啖
************************************************************
第二日下晝

喬 : 倩 , 我黎左喇

倩 : 喬~ 我執好哂d野喇 , 但點解得你一個既? 我爹d媽咪呢?

喬 : 我早到姐 , 佢地好快就黎架喇

倩父 : 喬 , 估唔到你仲早過我地
黎左既唔止倩既父母 , 仲有輝…

輝 : uncle , 佢係…?
倩父 : 係喎  唔記得講你聽先 , 佢係倩既男朋友呀

輝 : 男朋友….??
輝滿心疑惑 , 雖然倩之前想同佢分手 , 但始終佢先係倩既正牌男友

輝 : 男朋友先生 , 介唔介意出黎講兩句

喬 : 無問題
喬心知不妙…佢竟然疏忽左呢個人…

<< 第七回 >>

喬 : 倩 , 你等我一陣 , 好快返黎
講完之後喬就同輝出左病房

倩父 : 倩 , 你既精神唔錯喎 , 而家仲有冇邊度唔舒服呀?

倩 : 我冇咩野喇….係呢 , 頭先叫左喬出去果個又係邊個黎架?
倩父 : 果個係阿輝呀 , 同你由細玩到大 , 你地一向都好好感情架

倩 : 輝….?
倩滿心疑惑 , 因為佢真係一個都唔認得 , 就連自己既野佢都一d都唔知
  ***********************************************************
輝 : 你究竟係邊個
輝不斷打量喬

喬 : 我咪係倩既男朋友阿喬囉

輝 : 講真  我好質疑你呢個人  o係倩未出事之前佢都未同我提過有個叫阿喬既人  倩由細都大咩野都話我知既  所以如果佢識你  佢之前未理由冇同我提起過  更何況係男朋友?! 而且我先係倩既正牌男友

喬 : 或者佢變左你唔知呢~ 而且你應該知道佢只係當你係阿哥  雖然佢同你拍左兩個月拖  但係好快佢已經知道對你果份唔係愛情啦~   算喇  講咩都冇用  而家既倩先係最重要  我有自信而家既佢鐘意既係我 (望住阿輝) 而唔係你

輝 : 你…. 好  我唔會就咁算既  就睇係倩鐘意既係邊個
講完呢句野就行番入病房 , 喬尾隨佢入去

輝 : uncle , auntie  倩 , 行得喇
倩拎住袋行李

輝 : 等我幫你拎喇 , 小心d呀
扶住倩行

倩父 : 輝仲係咁細心
  *************************************************************
倩父揸左架七人車黎 , 喬 , 輝同倩就一齊坐後座
輝 : 倩 , 聽日我帶你去xx遊樂場玩丫 , 以前你好鐘意同我去架
      果度好多野玩架 , 入面仲有好多好好味既小食 , 包你鐘意
      順便可以試下幫你恢復記憶

倩被d野食吸引住…因為食醫院果d淡而無味既野食到口都淡哂
倩 : 好呀!!

喬 : 我聽日都得閒喎  不如一齊丫

倩 : 好呀  多d人好玩d
    輝 , 你話好唔好呀?

輝 : ………. (但睇左倩份上) 好呀~

喬 : 聽日 ‘ 一定 ‘ 好好玩姐 (望住輝帶有骨咁講)
  *************************************************************
倩 : 嘩!!!果度好似好好玩咁喎 , 但我都好想去果度睇下呀….
倩同喬 , 輝一入到遊樂場就成個細路女咁 , 興奮到蹦蹦跳

輝 : 十八歲都成個細路女咁
喬見到咁既倩 , 反正覺得佢好可愛

喬 : 咁我地就玩果度先啦~
拖住倩行

輝見到喬拖住倩就好唔likey , 即刻圈住倩既肩頭
輝 : 我諗呢度我會熟d , 亂咁行會好易蕩失路架
兩個男人o係度互望 , 倩見到咁既情況 , 好無奈

倩 : 我….我肚餓呀  我地食野先啦  反正仲早

食完野之後佢地幾個就一齊去玩 , 直到佢地累 , 坐埋一邊休息

喬 : 大家都頸渴架喇 , 我去買d野飲返黎
    (望住倩溫柔咁講)等我返黎 , 唔好走開呀

倩 : 嗯 ^^  快d返呀
但阿輝一見喬走遠左就即刻拖住阿倩行

輝 : 倩 , 我想帶你去個地方
倩都黎唔切反應已經俾阿輝拖走左
喬一返到去就唔見左佢地兩個 , 已經知道係阿輝搞鬼

喬 : 可惡!! 究夠帶左倩去邊……

<< 第八回 >>

唔經唔覺 , 已經天黑喇….
輝帶左倩黎左一座巨大既摩天輪前面 , 摩天輪開著左無數既燈火 ,
變左一座好靚既建築物

輝 : 倩 , 你記唔記得呢度呀 , 以前我地黎親都一定要坐呢座摩天輪
    因為去到最頂果陣就可以睇到成個夜景 , 每次唔睇過你都唔願走架

倩 : 雖然座摩天輪好靚 , 但….我一d都唔記得
       o係我眼中 , 而家呢座只係一座普通既摩天輪….

輝 : 唔係架 , 你好快就會諗番起架喇
      黎丫 , 我地去坐下丫 , 慢慢我諗你就會記得架喇

倩 : 不如…我地搵番阿喬先啦 , 我諗佢緊係好心急咁搵緊我地架喇

輝 : 點解….以前我地好開心架 , 唔通你一d都唔想諗番起咩?!

倩 : 我對以前既野真係一d印象都冇!!!!!!
      點解你一定要迫我諗番起 , 你知唔知我每次一諗就好頭痛!!

輝 : 因為我鐘意你!! 我同阿喬你又鐘意邊個?

倩 : 我…唔知呀….點解一定要迫我諗咁多野!!
    我唔想再諗 , 由我醒番見到呢個陌生既世界開始
    你地就迫我接受好多野 , 有時我真係好懷疑係真既假!!!

倩激動到眼淚都出哂黎 , 佢淨係用盡所有氣力不斷跑
突然倩撞到個人….

倩 : 對唔住.....
佢一抬起頭 , 竟然果個係阿喬

喬 : 你做咩喊呀? 係咪阿輝蝦你!!

倩 : 我….我好辛苦….嗚….

喬見到倩咁覺得好心痛 , 但佢知道而家講咩都冇用 , 因為只需要借個肩頭俾倩就已經夠
過左一陣…..

倩 : sorry ar  整到你肩頭濕哂….

喬 : 傻豬 , 我唔捨得洗呢件衫先o岩呀 , 有你呢d咁珍貴既眼淚
倩聽完之後即刻笑番

喬 : 笑番咪好囉 , 即刻靚哂~
    黎丫 , 我帶你去一個地方 , 包你開心番哂

行左一陣 , 喬帶左倩去一度遊樂場中一度空曠d既地方
之後喬打左個電話就行番去倩身邊

喬 : 唔好眨眼呀

倩 : ?
突然四周都放哂煙火 , 好燦爛好靚

倩 : 好靚呀!! 嘩 , 仲好似好近咁 , 我覺得伸手可以摸到咁呀!!!!

喬 : 鐘唔鐘意呀?

倩 : 好鐘意 , 好靚呀!!多謝你~
跟住就鍚左喬既面一下

喬 : 倩 , 俾個機會我可以更了解你 , 保護你 , 愛鍚你
    做我女朋友丫
倩覺得好感動 , 即刻攬住喬

另外企o係一邊睇到哂成個過程既阿輝嬲到一拳打落幅牆到…..
手都流埋血
輝 : 我唔會就咁算架…

[color=Plum]白話來的。[/color]

十卜∼十卜∼
快ｄ　ｐｏ啦∼
好想睇呀∼
:P

加油繼續寫落去
sup你呀~~